((((عسل مر )))). البارت الثالث
علي.... بديت اتحجج ثاني يوم حتى اروح العمتي امي طبختلهم اكل
واني صممت اروح وياها اخذ الاكل البيت عمتي
اخذتني وياها ورحنا بس دكينا الباب طلع خالي
شافنا والابتسامه ترست وجهه
دخلت واني عيوني يدورن عليها
بس شافتني حضنتني وبقت تبوس بيه
خالي ضاج مدري غار
كال لاتضل واكف يمها تعال اكعد بصفي
بس اني كعدت بصفها وهي حضنتني
وخالي كل شويه يخزرها
بعدين اخذتني وكالت هاي غرفتك
كم يوم واجهزه اللك
حتى تجي تكعد يمنا
اني ضجت بوقته يعني مراح ابقه يمها اليوم
رجعت البيتنا واني كل يوم اسئل امي يمته اروح اعيش ويااا عمتي
امي تكول اصبر شويه ليش مستعجل
جمانه السعيدي
وفعلا ورا السبعه مالت عمتي رحتلها ولكيتها مشتريه سرير
وكنتور بابين وفارشه الغرفه
واني طرت من الفرح
اني راح تصير عندي غرفه وحدي
وراح اعيش ويه عمتي
رجعت جمعت ملابسي ورحت ركض حتى ما كلت الامي
دكيت الباب وفتحتلي عمتي ودخلتني الغرفتي ورتبت ملابسي
هنا بدت مرحله جديده بحياتي
مرحله كله اسقلال
بيت خالي وعمتي اكيد مستوى المعيشه احسن
لان عائله زغيره مو مثل اهلي هوسه
من اروح البيت اهلي خواني يكولون هنيالك
عندك غرفه وحدك
حتى ملابسي احسن وارتب
بدت مرحله جديده
مرحله اني اسميها مرحلة الغيره بيني وبين خالي
هو يغار لان عمتي تحبني وتهتم بيه رغم هي ما مقصره ويا ابد
واني اغار اذا اشوفه يبوسه لو يحضنها
مرات اتصير هاي الأشياء كدامي بلصدفه
لان عمتي حذره ماتقبل يقرب اله كدامي
بس اني اغلس واسوي نفسي ماشفت
الصراحه خالي حيل يحبها وطاير بيها ومثل مامصدك
يدخل من بره يدور عليها
وطول ماتحجي وياااا
عيونه مركزه عليها
يمكن رب العالمين عوضها بي احسن من زوجها السابق
خالي جان يشجعها تتصل وتطمن على بتها
ويكول يجوز الزمن يجمعج بيها بيوم من الايام
عمتي كانت فرحانه لان خالي متفهم وضعها حيل
بعد فتره من الزمن
عمتي عرفت من اتصالها بجيران عيالها ان ابو عسوله
ما صار عندا اطفال من زوجته الثانيه ابد
وان عسوله شاطره بلمدرسه حيل ومن الاوائل
وعسوله مرتاحه ويااا بيبيته حيل
على العموم اني تعودت على العيشه بيت عمتي وخالي
وهمه تعودو عليه
اني مسوي أجواء بلبيت حلووه
اني اصيح العمتي يمه
والخالي بويه
وقللت روحاتي البيت اهلي كلش
لان تعودت على الهدوء والمكان الجبير
من اروح الاهلي ما ارتاح ابد من الهوسه ابيتهم
جنت اشاغب بيتنا من عمتي تمسح اجي اركض واشطح بلماي
هي أضل تركض وراي بلماسحه
اخر شي نتبلل اثنينا ونضل نضحك
لو افتح القراصه بشعرها وهي تطبخ وتركض وراي بلجفجير
