(((عسل مر)))) البارت الثاني عشر
عسل.....بقيت كاعده بلمطبخ سمعته يصيح عليه تعاي وينج قندره تعاي فرجي رجليه
دخلت واني ادعي ربي يخلصني من هاي المحنه
محد يكدر يخلصني غير رب العالمين
اني عاجزه وضعيفه
دخلت للغرفه لكيته مدد
هادي ..... تعاي فرجي رجليه
عسل ..... قربت علي ودنكت واني واكفه وبديت اضغط على رجلي واني ادعي علي بكلبي
هادي...... اشتغلي عدل وحللي خبزتج
عسل ...... بديت اضغط حيل واني اكول انشاء الله سرطان الي يصيبك وتصير عاجز وماتتحرك ابد
هادي ...... هي مدنكه تفرك برجليه واني كمزت عليها وسحبتها
وصعدتها على الجربايه وهي تعيط
عسل ..... اني مدنكه افرك رجلي واكول بس كون تخلص
اليله ومايكون عندا مطالب ثانيه
تفاجئت بي طفر وسحبني وصعدني على الجربايه
واني راسا صرخت وخفت
هادي .... شبيج حقي مو انتي زوجتي واحنا اليله عرسان
عسل..... عوفني الله يخليك عوفني فدوووه
ارحم حالي
هادي..... شنو عوفني شنو ارحم حالي لعد احنا المن مزوجين
عسل..... بس اليله عوفني خل اتعود عليك
هادي ..... شنو انتي شايفتني غبي لو احد تكدرين تقشمرينه
عسل ..... بس اليله عوفني اني تعبانه وراسي يوجعني
هادي ..... هااا من يمي راسي يوجعج
عسل .... هذا النقاش كله وهو لازمني بثنيين ادي واني اتوسل بي
النقاش احتد بينا هو يحاول يغتصبني واني احاول اخلص نفسي منه
وحش اي وحش بمعنى الكلمه ولا اكو ذرة رحمه بكلبه
ما عافني اله وهو ماخذ الي يريده
خلص ودار وجه ونام
واني اهتز كلني مثل السعفه
وجسمي كله يوجعني من كد مادفعته اديه يوجعني
ودشداشتي انشكت
لان اخذني بلقوه الدم نزل عليه بكثره
آريد اكوم ما اكدر تعبانه جسمي تعب من المقاومه
وروحي تعبت من الرفض
تعبانه وروحي تشتهي الموت
معقوله ما كو احد يرحم بحالي
ولا واحد كسرت خاطره
بابا الي طول عمره مدللني ويخاف عليه عافني الهذا الوحش
بقيت امدده ساعه كامله ومآ اكدر اكوم على حيلي
وملابسي ولفراش انترس دم
بعدين جمعت قوتي وكعدت ونزلت من الجربايه
بس احس نفسي ما اكدر امشي
لزمت الحايط وامشي على كيف الدم كام ينزل للكاع
الضاهر جرحني واذاني حيل
وصلت للحمام فتحت الدوش ووكفت بملابسي
لمن اتبللت حيل
نزعت دشداشتي وكمت اغسل كل مكان لزمه حيل
مااريد اي اثر منه يبقى على جسمي
لكيت روب بلحمام لبسته وطلعت
رجعت للغرفه وطلعت حفاضه ولبست
رجعت للصاله وتمددت على الطخم
حسيت جسمي كله يرجف
الله لايسامح كلمن اذاني وتسبب بهاي الزواجه
ما اعرف يمته غفيت
كعدت الساعه عشره الصبح البيت هادء
كمت على حيلي اريد ادخل البس ملابس لان نمت بلروب
دخلت ومآ لكيته بلغرفه الضاهر طالع
طلعت تراك لبست ورتبت الغرفه
شلت الجرجف وخليته بلغساله
وطلعت فتحت الثلاجه مالكيت بيها غير اكل البارحه
جوعانه كلش بحيث احس جسمي يرجف من الجوع
طلعت صمونه وطماطه واكلت شويه
