((((عسل مر ))) البارت الثامن
مرت الايام واني كل يوم احبها اكثر
صارت جزء مهم بحياتي ما اكدر استغني عنه ابد
كل أسبوع نطلع اني وياها نفتر ونتونس ونشتري ونرجع
صادف يوم جمعه وطلعنا ورا الغدا لان تعرفون نهار الشتا قصير
نمشي وقررت اسئلها حتى يطمن بالي
علي ... ممكن اسئل سؤال
عسل.... اكيد اسئل
علي..... ممكن اعرف شنو موصفات شريك حياتج
عسل .... هههههه شنو هل سؤال الغريب
علي..... ليش غريب اسئلج بصفتج دكتورة المستقبل
عسل..... عادي ماعندي موصفات بس احبه ويحبني ويحترمني
شخصيته حلوه وانسان ناجح بحياته وهاي هي
علي.... يعني مايهمج يكون غني او دكتور مثلج
عسل..... اولا الفلوس اخر شي افكر بي
خل احجيلك قصه
وحده جيرانه بكد امي بشبابها هواي ناس خطبوها بس جانت ادور غني وعندا فلوس هواي
اجا واحد خطبها حيل شبعان وبيتهم بارقى منطقه بغداد
وعندا معرض سيارات هو واخوانه يديرون هذا المعرض
ازوجت اول اربع سنوات خير من الله وصار عدها ولد وبنت
فجئه خسرو كلشي ومات ابوهم حتى البيت باعو وتقاسمو
وطلع الزوجها حصه قليله
اشترا سياره حمل وكام يشتغل بيها اجرو بيت وكعدو بي
بلبدايه شغله كلش صعب
والجوارين يدزون اكل الجهاله
بعدين اتعود على الشغل بس صار عندا بعد اثنيين جهال والجاي على كد الرايح وضروفهم حيل صعبه
الفلوس بلحياة ما أدوم ابد اله رحمة رب العالمين الي تخلي بيهن بركه
جمانه السعيدي
ياما ناس محصلين احسن المناصب بس حشاك زباله
تلكا يبوك لو ضالم لو مجرم
لانسان اهم شي معدنه طيب وباقي الأشياء تجي شويه شويه
علي .... يعني اذا خطبج واحد فقير وماعندا شهاده تقبلين
عسل.... اذا احبه ومتاكده هو يحبني اكيد اقبل
انت اليوم شعندك تسئل هيج اسئله اني هسه ما ازوج ابد آريد اكمل واخذ شهاده
والزواج يجي بعدين
علي .... بس
عسل.... شنو بس
علي..... اني احبج
عسل .... شنووو ما سمعت
علي...... اي اني احبج واريد اتقدملج تقبلين
عسل ..... انت فاجئتني
كلت بكلبي اني اعرف هو يحبني بس موضوع الزواج اني مامستعده اله ابد
علي اني قررت اصارحج حتى تعرفين اني احبج
واريد اكلج شي مهم اني حبيتج الشخصج
يعني لو اني شايفج ومتعرف عليج وانتي عندج شهادة ابتدائيه هم احبج
ولو انتي انسانه بسيطه هم احبج
لان اني حبيت روحج حبيت شخصيتج ومآ تهمني شهادتج ابد
