✿
✿
واقفين يانا و ختي مع وردة كنشوفو فـ ماما و هيا كتودع فقبر بابا حيت غا نرحلو من طنجة.
باقي لدابا معرفتشي شنو السبب لي غادي يخلينا نمشيو من مدينة لي عيشنا فيها كل حياتنا.
" دابا واش حنايا بصح غاديين لـ كازا "
ختي عفاف سولات حتى هيا محملاشي تمشي.
" و يلا عندكشي حل كيفاش نقنعو ماماك عتقينا ختي "
هيا أو وردة كيهضرو و يانا مركز على ماما لي جاية كدمسح دموعها.
" صافي يالاه "
" ماما كون غير بقينا بلاش مانمشيو كازا "
عفاف حاولت مع ماما لأخير مرة.
" دابا يانا غا نتسناك نتينا تقولي واش نبقاو أو لا زيدي قدامي "
و لكن ماما لي فراسها فراسها ختي مسكينة عيات تطلب فالأخير مشات غضبانة كتشير بيديها.
" و نتا "
يانا درت راسي ماسمعتهاشي حيت داير كاسك على راسي
حتى حيدتو ليا وردة.
" سمع يماك شني كدقول او زيد "
شوفت فماما و تنهدت عارف راسي معندي مانعمل.
" زيدي حتى نتينا واش نبقا نطلب فيكم "
دفعتنا يانا و وردة طلعنا فطموبيل حتى واحد فينا ما هضر من بعد ما تحركنا و خرجنا من طنجة.
" دابا نتما مقلقين و نتما ماعرفينشي حتى بلاصة لي غا نمشيو لها كيفاش هيا "
و هاهيا الوليدة غا تبدا الموسيقى ديالها لي غناتها لينا هد سيمانة كلها.
" يانا راه حتى كبرت عاد عرفت بلي با علي راه ماشي جدي غير ساكن حدانا من كثرة ما كنا نحترامو ناس الكبار "
بغيت نعمل كاسك على راسي و لكن وردة غا قارصة عليا.
" عرفتي يلا كان العيد و شيواحد مالقاشي باش يعيد كنجمعو ليه باش يشري العيد
و يلا شي وحدة صاوبت واخا غا الحريرة و شميتي ريحتها فالدرب كتكوني جالسة حتى كيوصلك حقك "
ماما كتعاود و فرحانة و حنا غا ساكتين حيت هد موسيقى ديالها حفظناها.
" دابا فينما نطيب شي حاجة خاصني ندوق الدرب كولو"
أنت تقرأ
بين القصور \\ 14
Romance// bxb // : All rights to the novel belong to me. I do not allow it to be stolen or the idea stolen : All rights are save هذه الرواية 'خيـاليـة' لا تمد للواقع أو للشخصيات المذكورة بِـ أي صلة إنها فقط من 'وحي الخيال'. أنـا هنـا أستخـدم فقـط كلمـات و...
