The First Son & Royal Prince (ဘာသာပြန်) [On going]

အခန်း(၂) - ၁

စားပွဲပေါ်တွင် တင်ထားသော မဂ္ဂဇင်း အထပ်လိုက်ကြီးပေါ်ကို ဇာရာတစ်ယောက် လက်နဲ့ဗြန်းခနဲ ရိုက်ချလိုက်သည့် အသံက အိမ်ဖြူတော်အနောက်ဆောင်..၊ ရှင်းလင်းဆောင်အခန်းငယ်ထဲတွင် တုန်ခါ မြည်ဟီး သွားလေသည်..။

"ဒါ ငါဒီမနက် ဒီကိုလာတဲ့လမ်းတလျှောက်တွေ့ခဲ့တာတွေပဲရှိသေးတယ်.."

ဇာရာကပြောလိုက်၏..။

"ငါနေတဲ့နေရာနဲ့ ဒီနေရာနဲ့ နှစ်ဘလောက်ပဲဝေးတယ်ဆိုတာတော့ ငါနင့်ကို သတိပေးစရာမလိုဘူး ထင်ပါတယ်နော်.."

သူ့အရှေ့ ကခေါင်းကြီးသတင်းတွေကို အဲလက်စ်ငုံ့ကြည့်လိုက်၏..။

ဒေါ်လာ ခုနှစ်သောင်းခွဲတန် ချော်လဲမှုကြီး....

တော်ဝင်တိုက်ပွဲ: မင်းသားဟင်နရီနဲ့ အမေရိကန်သမ္မတသားတို့ တော်ဝင်မင်္ဂလာပွဲတွင်း စစ်ခင်းကြခြင်း

ကိတ်ဂိတ်(CakeGate): ဒုတိယ အင်္ဂလိပ်-အမေရိကန် စစ်ပွဲကို မီးမွှေးလိုက်တဲ့ အဲလက်စ် ကလယ်မွန်-ဒီးယက်စ်

(T/N: CakeGate ဆိုတာ သမ္မတရောနယ်ရေဂင်ကို ပြုတ်ကျသွားစေခဲ့တဲ့ ဝါးတားဂိတ် (Watergate) အရှုပ်တော်ပုံကနေယူထားတာပါ..၊ အဲ့ဒီနောက်ပိုင်းကစလို့ အစိုးရတွေ အတွင်းက နိုင်ငံရေး အရှုပ်တော်ပုံ တွေကို Watergate နဲ့တင်စားပြီး ပြောကြပါတယ်..။)

သတင်းအပုဒ်စီတိုင်းမှာ သူနဲ့ဟင်နရီတို့နှစ်ယောက် ကိတ်မုန့်ပုံကြီးထဲ ပက်လက်လဲကျနေသည့်ပုံတွေ ပါရှိလေသည်..။ ပုံတွေထဲမှာ ဟင်နရီ့ အင်္ကျီက စောင်းရွဲ့တွန့်တက်နေပြီး ကြေမွနေတဲ့ ထောပတ် ခရင်မ်တွေက ပန်းပွင့်ကြီးတွေလို ကပ်နေကြသလို.၊ သူ့လက်ကောက်ဝတ်ကလည်း ဟင်နရီ့လက်ထဲ ရောက်နေကာ..၊ ဟင်နရီ့မျက်နှာပေါ်မှာတော့ အနီရောင် ခပ်ပါးပါး လက်ဝါးကပ်တိုင် ကလေးကို မြင်ရလေသည်..။

"ဒီအစည်းအဝေးက အခြေအနေထိန်းချုုပ်ရေးအခန်း (Situation Room) ထဲမှာ လုပ်သင့်တာ မဟုတ်တာ သေချာရဲ့လား..၊ "