(طحت بدربك وانا ما ادله)

البارت الرابع

(بسمالله الرحمن الرحيم)

وقفت قدام دُرر ومدت يدها عشان تسلم : السلام
دُرر : وعليكم
استغربت تهاني ليه ما كملت وعليكم السلام
تهاني باستغراب وضحكه : ليه ما كملتيها ؟
دُرر بابتسامه متصنعه : لاني منب كافره عشان تقولين لي السلام! لو كملتيها برد عليش نفس الناس ويلا تفضلي اقعدي
قعدت دُرر وهي متنرفز منها
راحت تهاني وقعدت بغنج : ااا جده الحين وش نسوي ملل نبي نروح عند الحلال مع العيال!
الجده وهي رافعه حواجبها : هاو ليه مع العيال!
تهاني : لانهم هم اللي بيروحون هناك وكذا يعني
الجده : ما عندنا يروحون بنات مع عيال !
تهاني : طيب تراهم عيال عماني!
الجده وهي تبي تقفل على السالفه : انا قلت لا يعني لا!!
تاففت تهاني وقعدت جمب اختها

عند البنات *
لولوه: يععع امحق وجه!
ليان : يعع مسويه يعنني انا غنوجه ومدري وش
دُرر : بقهرها دقيقه
لولوه: وش بتسوين ؟
وقفت دُرر وناظرت البنات : يلا بنات تعالو نتمشى شوي برا
لولوه: اييه احس بكتمه هنا يلا
ضحكت ليان بخفيف وكانو راح يطلعون من الخيمه بس استوقفهم صوت جدتهم : اخذوا تهاني وشذى
تاففت دُرر وقالت لها طيب ناظرت فيهم وراحت برا
جاو تهاني وشذى وصارو البنات يمشون قدامهم
لفت لولوه عليهم وقعدت في جلستهم المعتاده
وجلسوا البنات معها
لولوه حطت الغرشه ( علبه الماي )
لولوه : بنلعب صراحه جراءه
البنات : طيب
تهاني : يع شجوكم!
لولوه: والله اللي يبي حياه الله واللي ما يبي في ستين داهيه!
تهاني طيرت عيونها : خلاص بلعب بلعب
دُرر بهمس: طرق
لفت لولوه الغرشه جات على ليان وشذى وان شذى تسال ليان
شذى : صراحه ولا جراءه؟
ليان : صراحه!
شذى : في حد بقلبك؟
ليان بضحكه : لا طبعاً
لفوا الغرشه وطلع على دُرر تسال تهاني
دُرر: صراحه ولا جراءه؟
تهاني : صراحه طبعاً
دُرر : وش مواصفات فارس احلامش ؟
تهاني وهي تلف صبعها على خصله من شعرها وتتكلم بغنج : يكون لونه رملي وشعره كثيف وعيونه حاده وبدوي وعمره26 واحد من العائله!
دُرر وهي تعض على خدها من داخل وهي عارفه تقصد من : اييه الله يكرمكم
تهاني : ليه شايفتنا حمام؟
دُرر : كأنه
ضحكوا البنات عليها
تهاني بعصبيه : شقصدك؟؟
دُرر: اقعدي بس عشان لا يجيش كف يخلي عين ورا وعين قدام!
وكملوا لعب لين ما اذن المغرب

عند العيال *
صالح وهو يسلم على الموجودين
ووصل لمحمد
ابتسم خالد ابتسامه متصنعه : مبروك عليك منك المال ومنها العيال!
محمد نفس الابتسامه : الله يبارك فيك
راح صالح وانمسحت منه الابتسامه بسرعه
وقعد جمب ابوه
خذتهم السوالف لين ما نطق الجد : اسمعوا يا عيال بكرا بنقعد كلنا في الدكه واذا قلت كلنا يعني حتى اللي في الخيمه الثانيه طيب؟ بحكم ان الدكه كبيره قلت ليه ما نروح هناك حول المغرب ونشب ضّوونتدفى  طيب؟
العيال : ابشر
الجد : يلا  كل واحد يفرش فراشه وينام
محمد تافف وهو مو عاجبه النوم على الرض ذي اليومين
طلع برا واتصل عليها