(طحت بدربك وانا ما ادله)

البارت الخامس

(بسمالله الرحمن الرحيم)

ليان : اففف يالنفسيه!!
بعد لحظات وصلوا للاسطبل
نزلت دُرر وراحت ركض لخيلها | القمرا |
شافتها القمرا وصارت تدور في مكانها
ضحكت دُرر وجا وراها محمد وهو يمسك خيله اللي جاه هديه من جده : هلا بالادهم!
نزل الادهم راسه وهو يحتضن في محمد
ناظرتهم دُرر وحضنت القمرا
ضحك محمد على حركتها وحط يده على كتفها
محمد وهو عيونه مازالت على عيونها: شرايش نزوجهم ؟؟

عند البنات *
ضحكت بانتصار وهي تصور شكلهم بصوره حلوه جددداًًًًًًًًًًًًًًًًًًًًًًًًًًًًًًًًًًًًً على شكلهم ( عاد لا تسالوني شلون صار كذا بس الكيبورد فصل)المهم
ارسلت لها الصوره وهي كاتبه : دودي مع حمود❤️‍🔥
ولفت على تهاني اللي مكشره منهم
طيرت ليان عيونها وقالت لجدها
ليان : يلا يا جدي الشمس بتغرب خل نروح للدكه!
الجد : يلا يا محمد مشينا!
محمد : يلا يلا جايكم روحوا وبلحقكم
ليان وهي مخططه لشي يمكن اذا عرف محمد بيعصب عليها
راحو كلهم معدا ليان ودُرر ومحمد
ليان كانت مندسه (متخبيه) ورا اكل الخيول وتناظرهم
قعد محمد على الكرسي وقعدت دُرر جمبه
لفت عليه وهي مستغربه : كيف يعني نزوجهم ؟
محمد لف عليها : يعني يا طويله العمر مدام احنا متزوجين ليه  ما نزوجهم؟!
دُرر بتعجب : والله شف هي حلوه الفكره! بس ماش الادهم يتزوج بنتي القمرا! لا عاد بنتي ما تتزوج الا شيخ نفس امها!
محمد بابتسامه : يعني شايفتني شيخ ؟
دُرر : طبعاً لا بس عشان تدري اني ما اتزوج الا اللي احـ ...
مسكت فمها باسيعاب
محمد مستغرب : كمليها اح ايش؟
دُرر : اسفين اسفين ولا شي
محمد : يلا اجل مشينا
دُرر وقفت قدامه وهي ماسكه يده : دقيقه طيب متى نزوجهم؟
ناظر فيها محمد وهو ابداً مو مستحمل جمالها
مسك خصرها وقربها منه : اللي ودش الخيل وصاحب الخيل حلالش!
دُرر مسكت صدره وتحاول تبعده : طيب خلاص يلا مشينا تاخرنا!
بعد عنها محمد وهو يحاول يستوعب اللي سواه وركب السياره
جت دُرر بتركب وشافت ليان
وسعت عيونها : وش تسوين هنا!!
ليان بهمس : اسمعي استر على ما واجهت تكفين لا تعلمين محمد بيقلبها مصارعه!
دُرر : طيب يلا اركبي وانا اركب ونقفل الباب مع بعض
هزت ليان راسها وسوت اللي قالته دُرر
وراحو متجهين للاهل

بعد كم دقيقه وصلوا ونزلوا
وليان على طول ركضت صوب الدكه اللي قاعدين فيها الكل
العيال في جهه والبنات في جهه
قعدوا دُرر وليان جمب لولوه في الزاويه
وقعد محمد جمب عبدالله
عبدالله: ليه تاخرتوا؟؟
محمد ناظره من فوق وتحت : زوجتي وكيفي اتاخر ولا ما اتاخر!
طير عبدالله عيونه
قامت دُرر مع البنات تحت انظار الكل
سالهم الجد : على وين؟
دُرر : بنروح نشب ضو برد!
لف الجد على العيال : وانتو وش حضرتكم؟ قوموا تحركوا!
قام خليفه وراشد واحمد وراحو يجيبون اغراض المشب
رجعوا ومعهم الغرض
وبدا سعيد يشب الضو ، بعد ما شبها قعدوا كلهم حولها
من اولهم الجد والجده لاخرهم دُرر ومحمد
حضن الجد الجده من كتفها وضحكوا كل الموجودين
ابتسم الجد عليهم وهمس : الله يحفظكم من كل سوء
ناظر محمد دُرر اللي ترجف جمبه
فتح محمد يده ولف الفروه حولها وغطاها كلها ولا يبين شي الا راسها
ناظروهم الجد والجده وابتسموا على شكلهم
خليفه بعبط وهو ياشر على الجد والجده : الكوبل الكبير (واشر على محمد ودُرر) والكوبل الصغير!
ضحكوا كلهم من كلام خليفه
ضرب الجد رجل خليفه : وش قصدك يحني حنا شيبان!
خليفه وهو ماسك مكان الضربه وبالم : لا لا مو قصدي كذا بس يعني اااا خلاص ولا شي استر علي!
الجده : ايييه اشوا!
خليفه : حتى انتي يا جده!
الجده ناظرته من فوق لتحت وطيرت عيونها
هز راسه خليفه بيأس من حاله وقعد يشرب الشاي