(طحت بدربك وانا ما ادله)

بارت 12

لفت عليها دُرر : ما كنت ادري!
أم خالد ناظرتها : ايييه طيب
مر وقت وهم مع بعض
أم خالد : والله ودي اقعد معكم زياده بس خالد ينتظرني
ومسكت كتف محمد وهي توقف : لا اوصيك ها! على اتفاقنا!
ضحك محمد بخفيف وهمس لها : طيب ابشري يلا مع السلامه
أم خالد : الله يسلمك، مع السلامه يابنتي!
دُرر : الله يسلمش
وطلعت أم خالد
غمضت دُرر عينها بألم وفتحتها على طول وهي الفضول يذبحها!
دُرر : ااا محمد
محمد لف عليها : هلا؟
دُرر : لا بس فيني فضول ليه كان فيه صوت سلاح؟
تنهد محمد وهو ما بيده حيله من الولد اللي جاهم وداهمهم فجاه ويقول بأخذ حق ابوي ومن ذا الكلام :

لولوه : مو موافقه!!
أم خالد : اسمعي يابنتي ترا الموضوع مهوب هين بالنسبه لي! بس تكفين يمكن يدخل علينا ويذبحنا ذا المريض!
لولوه ودموعها تنزل : تكفين يمه قولي له لا تكفييين!!
أم خالد : اسمعي يا بنت! ترا خلاص كل ما تقدم لي احد من قرايبنا رفضتيهم! تراش منتب بزر قدش عجوز!
لولوه : أي عجوز يمااا!
أم خالد قاطعتها بسرعه : اص ولا كلمه ويلا وقعي!
وقعت لولوه وقطت القلم جمبها وراحت للسرير وغطت نفسها وتبكي
أم خالد غمضت عيونها ودموعها تنزل بدون صوت ومثلت العصبيه
أم خالد : يلا جهزي ملابسش بتروحين تايلاند على قوله رجالش!
وطلعت بدون لا تسمع رد بنتها
وراحت للمجلس وعطت أبو خالد الورقه
وراح يعطيها للشيخ
الشيخ : الله يبارك لكم ويوفقكم!
وطلع برا
رعد : يلا أنا بروح مشوار واجي
وطلع بسرعه واتجه لسيارته
درررن (يعني نغمه الجوال إذا حد اتصل...فهمتوا؟ )
ورد على امه
هلا يمه؟
وجد : يمه ولدي شفيك! قمت وما لقيتك وين رحت!
رعد : يمه أنا الحين في اللوكير ...عرفتيها؟ اللي في قطر
وجد : وأنت وش وداك هناك! أنا ما قلت لك ذي الدوله لعد تطبها!
رعد : يمه أنا ما ارضى على دولتي! وما ارضى تمنعيني من دوله ابي!(ابوه)
وجد : تعال يلا اعينك قدامي بسرعه!
رعد : لعبه هي؟ جاي اليوم الليل!
قفلت امه على وجهه
نزل الجوال وكلم السكرتير حقهم : ? I want my room ready!see i will come with my wife okay
السكرتير :okay
قفل رعد منه وراح يتغدى

عند لولوه
غفت وهي تبكي ولا تدري وش صار بالدنيا وما قامت إلا عالساعه 5المغرب
بدلت ولبست بنطلون وبلوفر
وراحت تصلي
دخل عليها أمها بعد ما خلصت صلاه
ام خالد: يلا جهزتي الشنطه ترا ينتظر برا!
لولوه: لا ما جهّزتها ولا راح...
ام خالد: ليه ما جهزتيهاااااا! الولد ينتظر اخلصي!
لولوه وهي تبكي : مآبي مآبي! غصب؟!!
جرتها أمها ومسكت كتفها : اقسم بالله إذا ما جهزتيها قدام عيني بتشوفين شي ما شفتيه !! بسرعه!
ودزتها على الرض
تجهز شنطتها ودموعها تطيح على ملابسها
خلصت
ام خالد: يلا البسي واطلعي!
لبست لولوه عبايتها وخذت شنطتها الصغيرة
وطلعت ،شافت سيارته وصغرت عيونها وكلها حقد عليه
رعد : اخلصي اركبي
حطت شنطتها ورا وركبت قدام
وراحوا متجهين للمطار
وصلوا وركبوا الطياره
وهنا انطلقوا لـ تايلاند

عند دُرر
قال لها محمد السالفه
دُرر : وش يبي ذا طيب! ومتى بياخذ لولوه!!
محمد : والله مدري
... محمد : تفضل؟
دخلت الدكتوره وبيدها تسجيل خروج : الحمدالله المدام بخير وصحه وسلامه وهذي ورقه توقيع خروج بس توقعها تقدر تطلع بكرا انشالله
محمد : ما يمدي اليوم؟
الدكتوره : لا والله ما يمدي ابداً لان توها قايمه من غيبوبتها
هز محمد رأسه وعطته الدكتوره يوقع وطلعت
محمد لاحظ نعاسها : تبين تنامين؟
هزت دُرر راسها
محمد نزل سريرها على تحت ، حط فوقها اللحاف ( البطانيه اتوقع إنتوا تقولونها كذا 😭؟)
وباس راسها 
نامت دُرر مع أنها توها قايمه من النوم بس تحس بخمول جداً
راح تلثم ونام فوق الكنبه  وبحكم انه المغرب وتقريباً الكل رقد

صباح اليوم التالي عند أهل دُرر
عبدالله : إنتوا باي مستشفى؟؟
محمد : اللي عند الدوّار
عبدالله : يالله جايين!
محمد وسع عيونه : وش اللي جايين! ترا الزياره فوق الأربع أشخاص بس!
عبدالله : مالك شغل ويالله أنا الحين جاي
تنهد محمد وسكر جواله
لف عليها : يقول عبدالله  ان اهلش بيجون
دُرر : كلهم!
محمد هز راسه
وراح قعد جمبها
محمد : ترا بتطلعين العصر
دُرر : انشاءالله
محمد : تبين تروحين لبيتكم ولا ؟
دُرر: لا بروح لبيتنا اشتقت لهم
محمد : طيب
لفوا على فتحت الباب
وسع محمد عيونه وهمس بداخله: مسرع!
عبدالله راح وحضن دُرر بقوه
دُرر: عبووود!
عبدالله وهو للحين حاضنها : عيوون عبود!
دُرر: وخر شوي تكفى بموت!
طاحت دعمته على رقبتها
وسعت عيونها وعرفت انه يبكي وبعدته بسرعه
مسح دمعته بسرعه قبل لا تشوفها وهو مايدري أنها عرفت
دُرر بهمس : تبكي؟
عبدالله نفس الهمس : لا
الهنوف : يمه بنيتي!
وراحت تحضنها
دُرر : يمه والله مافيني شي بس طحت من الدرج!
وسعت الهنوف عيونها وبعدت عنها ، لفت على عبدالله : وتقول لي إنها زلقت هااا!
ضربت كتفه وقعدت جمب دُرر
محمد بصوت شبه عالي: أتوقع إني طوفه أنا بطلع إذا خلصتوا قولولي
كان بيقوم بس دزه عبدالله عشان يقعد : اقعد منتب غريب!
محمد وهو يقوم : لا عادي بس ...
دزه عبدالله مره ثانيه : يارجال أنا قلت لك منتب غرييب!
محمد وهو يقوم مره ثالثه : لا بس اقصد...
عبدالله كان بيدزه  : يارجال ...
بعد محمد يد عبدالله وقال : بروح اسلم على خالتي!
تفشل عبدالله وسوا نفسه مشغول
محمد باس راس الهنوف : شحالش خالتي؟ أربش بخير؟
الهنوف : بخير الحمدالله اخبار اهلك؟
تنهد محمد : بخير ياخالتي بخير
عبدالله : يلا يمه خل نروح
دُرر: وين توكم جايين؟
عبدالله غمز لامه : مشغولين يا دُرر المره الجايه انشالله
قامت امه وودعتهم دُرر وراحوا الاهل بس بقى محمد ودُرر
محمد : تدرين؟
دُرر: وش؟
محمد : يلا قومي بنروح
دُرر: تونا ماجا العصر حتى!
محمد : خلاص غيرت رايي يلا قومي البسي العبايه ومشينا
دُرر: والمغذي؟
راح محمد ينادي وحده تشيل المغذي بس تخلي الرأس حق المغذي بيدها
شالته وطلعت
لبست دُرر عبايتها : وين بنروح؟
محمد : بتعرفين اول ما نركب السياره
عدلت نقابها وطلعت
ركبوا السياره وحرّك محمد لوجهتهم

بعد انقطاع رجعت لكم🤙🏻

ترا نهايه الروايه قريبه يعني تقريباً عشر بارتات وتخلص الروايه😢

سوري على اي غلط املائي ‼️

باي