(طحت بدربك وانا ما ادله)

البارت السابع

(بسمالله الرحمن الرحيم)

دُرر: طيب خلاص اوكيه
سكرت جوالها من حست بدخوله
وسوت نفسها نايمه
قرب منها يتاكد اذا هي نايمه ولا لا
مسك عيونها باصبعه ورجفّت عينها من بروده اصبعه
ضحك وتاكد انها مو قايمه
قامت وعرفت انها انكشفت
محمد : ليه هربتيه بدون علمي؟
دُرر: لانه بكيفي!
لف عليها محمد وقرب منها
محمد : لانه ايش؟
لزقت دُرر بالجدار وهو قدامها
دُرر: م محم......
قاطعها وهو يطبع بوسه على شفايفه ومحاوط خصرها
مسكت صدره تبعده عشان تاخذ نفس
بس ما بعد محمد وهو يحس انها فرصه ذهبيه ولازم يستغلها
عض شفتها عشان تبادله
وفعلاً بادلته
مسكت رقبته، شد على خصرها
طولوا في البوسه لين ما جرت شعره من ورا وخلته يبعد
بعد محمد وشاف شفتها تنزف ومسح الدم باصبعه
بعدت عنه وراحت تركض للحمام وقفلت الباب وراها
ضحك عليها وطلع ينزل تحت عشان يتغدا

في الحمام*
مسكت شفتها المنتفخه شوي وهي تنزف
دُرر : والله وطلع موب هين حتى في البوسه يجنن!
مسكت فمها باستيعاب للي تقوله
ضحكت برجفه
دُرر: يويلي تهكرت من ليان!!
طلعت من الحمام ( الله يكرمكم)
ولبست مخور وحطت الشيله على راسها ( عشان خالد)
ونزلت
لقتهم متجمعين على السفره
قعدت جمب محمد
وبداوا ياكلون
محمد : الحمدالله
قام وراح
دُرر: الحمدالله
وقامت وراحت ورا محمد
شبعت لولوه وقامت وراحت بهدوء

في الجناح *
قاعده تفرفر على جوالها
طلع من الحمام (الله يكرمكم)
سكرت جوالها
دُرر: محمد
محمد : هاه
دُرر: ودني بيت اهلي
محمد : وليه؟
دُرر: بس اشتقت لهم!
محمد : طيب بس موب ذا الاسبوع
دُرر: ليه!
محمد : عندي شغل
دُرر: طيب
كملت دُرر وهي توها تتذكر
دُرر: اسمع بكرا لا تجي الغرفه لان صديقاتي بيجون طيب؟
محمد : شايفه الغرفه صاله؟
دُرر: لا بس ااا خلاص بنروح غرفه لولوه اوسع من ذي
محمد : خلاص خلاص اقعدوا هنا اصلاً بطلع مع العيال
دُرر بابتسامه : طيب

عند لولوه *
جاتها رساله من الرقم اللي كلمها اخر مره
شافت لولوه رقمه
زفرت بضيق
وفتحت الرساله
رعد : ليه ما نزلتي تاكلين!؟؟
لولوه وسعت عيونها : تراقبني انت!!
رعد : مالتس دخل انا قاعد اسالتس!
لولوه : كيفي!
رعد : مع الوقت بتعرفين على كيف من!!!

عند دُرر *
طلعت من الغرفه بعد ما تاكدت بوجود لولوه بالغرفه
دقت الباب
لولوه : ادخل
دخلت دُرر
لولوه: هلا؟
دُرر: اسمعي ترا بنسوي انا ويارا حفله نفس التخرج في غرفتي
لولوه : ومحمد؟
دُرر: بيطلع مع العيال
لولوه : طيب
دُرر: فيش شي؟
لولوه : ......
دُرر وهي تهز كتف لولوه : فيش شي؟؟
لولوه : لا مافيني
لولوه بتذكر : اي صح ترا تهاني واختها بيجونا
دُرر: ياليل النشبه!!
كملت : ليه بيجون؟
لولوه : امي عزمه ام تهاني لانهم توهم جايين من السفر وحبت تنومهم عندنا
دُرر: الله يسامح عمتي!
لولوه رفعت يدها مع دُرر: امين
دُرر: ويارب ما يتهنون في النومه
لولوه : امين
دُرر: ويارب......آي!!
ضربتها لولوه : خلاص لاعاد تدعين بناخذ ذنوب!
دُرر: ملل ياخي!
لولوه شافت شفتها تنزف
اشرت على الدم : وش ذا!
دُرر مسحت شفتها : ياليييل!
وقالت بدون استيعاب : شسوي كله من محمد الزق!
لولوه بخبث : وش سوا؟
دُرر بقهر : باسني و ......
مسكت ثغرها باسيعاب
ضحكت لولوه بقوه : تأكدت انش بكامل قواش العقليه هههه!!
وطلعت جوالها اللي سجل كلامها من قالت اسم محمد
لولوه وهي تاشر على الجوال : بطرشه لـ ليان !! حرام من زمان كانت تبي اسمع شي نفس كذا! ماراح اخليه في خاطرها
دُرر نقزت تبي تاخذ منها الجوال
دُرر وسعت عيونها : لولووووووووو!! خلاص عاد تكفين ياخي ............ بسوي اللي تبينه !
لولوه: لا خلاص اشفقت عليش!
لولوه بدون لا تنتبه وهي تودي الجوال يمين يسار عشان ما تاخذه دُرر ، حطت ارسال ورسلت لـ رعد
شافت لولوه انها ارسلت له وعلى طول قفلت الجوال
استوعبت وعلى طول فتحت الجوال
كانت بتحذف الرساله بس شافت انه شافها
حذفت الفيد وشافته يكتب
رعد : من ذي؟
لولوه : مالك دخل وبعدين بالغلط ارسلت لك
رعد : كلامي ماراح اعيده من ذي؟
لولوه : ياليل لازم تعرف كل شي يعني؟؟
رعد : معليه معليه بتوفير وش بسوي!
سكرت لولوه جوالها
ولفت تسولف مع دُرر