(طحت بدربك وانا ما ادله)

بارت عشره

(بسمالله الرحمن الرحيم)

(بعطيكم عيديتكم بس مو بـفلوس! بالروايه!✨)

محمد : تبطي عظم!
رفع رعد السلاح بوجهه
ابو خالد: اخذ بنتي!
لف عليه محمد بصدمه : يبه...!
ابو خالد قرب من محمد وهو يهمس له : الشي اللي انا سويته له مهوب هيّن يا ولدي!
رعد : بتصل الحين على الشيخ ! جهّز بنتك باخذها الليله
ابو خالد : ليه الليله! وش بيقولون الناس لي!!
رعد : مالي دخل في الناس انا الحين اقولك خلها جاهزه لان طيارتي الساعه 7:00 الليل!
محمد : يبه ذي اختي ما تفهم!
ابو خالد : انا قلت كلمتي
دف رعد كتف محمد : انت مالك دخل كلامي مع ابوها صح؟؟
عصب محمد لانه دفه بقوه
مسك ياقته بس رعد على طول رفع سلاحه فوق وطلق على جهه اليمين من صدر محمد
وهنا بوووم يطيح محمد مغمى عليه وينزف!

عند دُرر *
اللي طايحه وراسها ينزف ولا حد حولها
رجعت لولوه داخل البيت تبي تتصل على الاسعاف عشان محمد
وقفت وهي موسعه عيونها على الاخر
صرخت باسمها : دُرر!!
ودموعها تنزل ما تدري وش تسوي رفعت راسها وهي تصارخ : يممه دُرر تنزززفف!!!
لولوه وهي تبكي بدموع حاره : اااههخ ياربي لييييه ليييه كذا!!!!!!
جات ام خالد وهي تبكي : يويلي وش فيهم!!
لولوه: تكفين يمه قولي للولد اللي برا يوديهم!!
راحت ام خالد تقول لابو خالد يقول لرعد ( ادري دوختكم بس عادي يلا يلا براضيكم!)
رعد : منب ملزوم فيهم!!
ابو خالد : تكفى لا يموتون عيالي!
رعد رفع اصبعه السبابه لوجهه : بس عشانهم ولا انت تخسي!
وراح يشيل محمد ويوديه للسياره هو ودُرر
وصلوا للمستشفى بعد دقائق
رعد : الطواري بسرعه!
خذوهم وودوهم لغرفه الطواري يشوفون حالتهم

بعد مرور يومين
محمد : ياخي تكفون بشوفها تراها زوجتي!
خالد : اقعد انت اذا قامت من غي ...
ضربته ام خالد بقوه على كتفه
خالد : ااااحح! وشو؟!!
عقد حواجبه : غيبوبه؟وش غيبوبته!!
نزل خالد راسه على الارض
ام خالد: مافيها شي هي ب...
قاطعها محمد وهو يصرخ بصوت شبه عالي : شفيها دُرر!
شل المغذي من يده وقام بيروح يلبس ثوبه
ام خالد: تكفى محمد اقعد هي مافيها شي
خالد : اسمع ترا ...
ضربه ام خالد مره ثانيه : اسكت انت كله بسبتك
طلع محمد تحت هواشهم
لحقه خالد ومسك كتفه
محمد : اذا تبي تكون بخير فكني
فكه خالد لان مو من حقه يمنعه من انه يزورها
سال محمد عن غرفتها
وراح لغرفته دايركت
دخل عليها ووقف وهو يشوف الاجهزه حولها
جته غصه لان كل اللي صار لها تقريباً بسببه
قرب منها وجاب كرسي وقعد قدامها
مسك يدها وهو يتاسف منها : اسف ... اهخ!
مسك كتفه وهو مو بخير بسبته
محمد مسح على راسها : قومي يا دُرر مو كل شي يصير لش تدخلين غيبوبه!
باس راسها ورجع مكانه
محمد : والله اسف اسف بس تكفين قومي ترا للحين ما يدرون اخوانش على اللي صاير! انا مو خايف منهم!! ... خايف عليش! انتي ما تدرين عن اللي بقوله لش ويمكن تنصدمين لان طفولتنا كانت كلها مشاكل بينا ! يعني باختصار ... انا احبش! اي انا احبش من يوم عطيتيني كف!
ضحك بسبب كلامه عن شجاعتها يوم كانت صغيره : يمكن ما تتذكرين الموقف بس بقوله لش ... ... باختصار انا كان عمري 14 بس ما اذكر كم كنتي! المهم انا كنت قاعد العب كوره وانتي جيتيني قلتي ابي العب معكم وانا قلت لا بس حق عيال ومدري وش المهم كنت اهايط ويوم عطيتيني كف قدام اخوانش قلت انا ما اضرب بنات ومن بعدها حبيتش لانش كنتي قويه! كنتي تخوفين البنات! ر... تكفين قومي!
كل ذا تحت مسامعها حركت صبعها
فز هو وهز كتفها : دُرر! دُرر! تسمعين؟؟
فتحت عيونها بشويش وناظرته بتعب
ابتسم محمد : دقيقه
وراح ينادي الدكتوره عشان تفحص لها
قعد ينتظر برا لين ما طلعت الدكتوره وهي تساله: انت تقرب لها؟
محمد: زوجها!
الدكتوره : المدام زينه وبصحه وتقدر ترتاح لمده 24 ساعه في المستشفى عشان تطلع ... اما بخصوص الطفل سقطت بسبب الحادثه والله يعوضك!
كانت بتروح بس وقفها صوته : اي طفل؟
استغربت الدكتوره : الطفل كان عمره يوم ومات بسبب الطيحه... الله يعوضكم!
عقد محمد حواجبه لان ما يمديهم قبل يومين !
دخل عليها وشافها مقفله عيونها ومبين عليها انها مو راقده
قعد محمد على الكرسي اللي جمب السرير مباشره
مسك يدها وباسها
دُرر فتحت عيونها وعدلت جلستها
محمد : يعني الحين كنتي حامل صح؟
انحرجت دُرر بسبب سواله وحمر وجهها
وقالت بصوت متقطع : ايه
محمد: كنتي تدرين؟
هزت دُرر راسها بـ لا : توني عرفت من الدكتوره
دخلت عليهم ام خالد وقعدت جمب دُرر : الحمدالله على السلامه يابنتي!
دُرر: الله يسلمش
ابتسمت عشان كلام الدكتوره وهمست لها
ام خالد : ليه ما قلتي انش طلعتي حامل؟
لفت عليها دُرر والخجل ياكلها