(طحت بدربك وانا ما ادله)

بارت الثاني

(بسمالله الرحمن الرحيم)

خلصوا اكل وبدت دُرر وامها يشلون الصحون من على الطاوله، راحت للمطبخ
تكلمت الهنوف وهي تقطع الصمت اللي بينهم : دُرر
لفت دُرر على امها
الهنوف : انتي راضيه بالزواج؟
ابتسمت دُرر بخفيف : اي يا يمه راضيه دام ابوي راضي
ابتسمت الهنوف على ابتسامه دُرر

نروح لبيت ابو خالد* محمد
قاعد في غرفته وعلى جواله
دخلت عليه لولوه وقعدت جمبه ، نزل جواله وناظرها
لولوه : انت صدق خطبت دُرر؟؟
طارت عيون محمد من طاريها ، صح انه يحبها بس يبين انه ثقيل
لولوه : محمد!
نطق محمد بصوت شبه عالي: اي خطبتها ليه؟؟
رفعت لولوه حواجبها من طريقه كلامه : انت ليه خطبتها؟ توها صغيره!
ضحك محمد بخفيف وقرب من اخته : صغيره؟ ليه هي ما جتها الدوره ولا انا غلطان!
وسعت لولوه عيونها ودفت محمد وقامت وقفت قدامه ، وهو وقف معها
لولوه : وجع بطن. ! ترا عيب!!
عفس محمد حواجبه : عن وش؟ الدوره؟ ترا كلها دوره وش اللي عيب؟
لولوه ضرت كتفه : عيب تقولها قدامي كذا!
محمد : اسف
طلعت لولوه برا الغرفه وراحت عشان تاخذ لها غفوه وتستوعب اللي صاير

لبيت اول مره نزوره
: وجع شلون ياخذ وحده بزر ولا ياخذني!!
: معليك منه خلاص اهدي! لا تقعدين تبكين عشانه بستين داهيه خليه!
: والله لا ارويه ماراح اخليه يتهنى فيها !!
: وش بتسوين فيه؟
: خليها علي!

بيت ابو علي*
دخل عبدالله عليها وهي ترسم عند مكتبها
نزلت القلم من يدها ورفعت راسها عليه
عبدالله : دُرر تدرين اننا كلنا معش وماراح نزوجش لمحمد الا برضاش صح؟
دُرر : والله اني راضيه. ! اذا انتو راضيين طبعاً برضى!
هز عبدالله راسه وطلع برا الغرفه ونزل تحت لغرفه ابوه
عبدالرحمن: ها شقالت؟
عبدالله: تقول انها راضيه
هز عبدالرحمن راسه وهو في راسه شي!

في بيت الجد والجده*
الجد : اسمعي يا مره ، ابيش تكلمين كل العيال وتقولين لهم اننا راح ننام في العزبه لمده اسبوع طيب! بس قولي لهم عجلنا في موضوع زواج محمد ودُرر
الجده : ابشر يا علي بس وش اللي صاير؟
علي : انتي كلميهم وما عليش من اللي بيصير
وصلت لهم الخبر وانهم راح ينامون في البر لمده اسبوع بحكم انه الوزاره عطتهم اجازه حق قبل الاختبارات النهائيه!
بعد اسبوعين بالظبط بدون احداث مهمه
تكلم صديقتها وبنات عمانها وهي تجهز اغراضها للبر
ليان : بنات متحمسسسه !
دُرر : غريبه! مع ان هاذي مو اول مره
يارا : ياخي شو بدكم بهالاجواء اللي كلها حر!
ليان : هيي ما اسمع لش تسبين اجواء قطر!
ضحكت دُرر على هوشتهم ولولوه اللي مسكره اذنها من ازعاجبهم
خلصت تجهيزات وحطت لها فروه على جمب عشان اول ما تركب السياره تلبسها
(اللي داخل الشنطه ملابس دافيه وكابات وبلوفرات وبناطيل وجلابيات)

وقت الطلعه *
كلهم في السياره ومنعصرين على بعض
اماكنهم*
علي يسوق فيهم وجمبه عبدالرحمن
اللي ورا الهنوف وعبدالله وسعد
واللي في شنطه السياره
دُرر وخليفه وراشد وسالم
سالم وهو في حضن دُرر ويتابع جوالها معها
كانت تراسل بنات عمها في قروب الانستا وعن حماسهم للطلعه
وقف السياره بعد مده عشان يعبي بنزين او بترول
دُرر: علوي ابي انزل الجمعيه بليييز تكفى!
علي: ابشري كم دُرر عندي؟
العيال : وحنا بعد
وسعت دُرر عيونها ونطقت بهمس : قلاديين!
نزلوا كلهم وراحو للجمعيه
جت لدُرر فكره وطلعت جوالها وصورت تيك وكتبت : انا ليش ما اخاف امشي بروحي
وصارت تمشي بطيئ وصارو جمبها كلهم اخوانها
ضحكت ضحكه خفيفه وسمعوا اخوانها الضحكه وسالوها السبب
روتهم الفيد وضحكوا
خليفه : ابد انتي بس قولي آي وتلاقينا قدامش!
سعد : جا ابو الفزعات
خلصوا اغراضهم وراحو للسياره ومشوا متوجهين لطريق العزبه