(طحت بدربك وانا ما ادله)

بارت16

(بسم الله الرحمن الرحيم)

ها توقعتوا وش بيصير أو لا؟؟

صباح اليوم التالي*
عند ليان اللي قامت من النوم وغسلت وجهها ونزلت تفطر
قعدت على جوالها بعد ما خلصت وهي تفرفر فيه ، جاتها رساله من رقم مجهول
استغربت وفتحت الرساله وكان مكتوب فيها *السلام عليكم *
ردت عليه *وعليكم السلام ، من معي؟*
ذيب *أنا ذيب ولد خالتس*
ليان رفعت حواجبها * وش تبي ومن وين جبت رقمي؟؟*
ذيب * اول شي الرقم مالتس دخل من وين جبته ثاني شي أنا وش ابي، ابد والله بس أنا جاي وبتقدم لش واشوف إذا انتي. موافقه أو لا ؟*
ليان وسعت عيونها * نعم نعم وين قاعدين وش ذا الأسلوب؟ وبعدين توني صغيره!*
ذيب * لا والله؟ ودُرر مو صغيره؟، وبعدين مو صغيره لو أسويها معش حملتي صح؟*
وسعت ليان عيونها وهي مصدومه من كلامه لأنها أصلاً خلقه تكرهه* اول شي مو موافقه ،ثاني شي اذلف ولعد تكلمني!*
بلكته وسكرت جوالها وهي تسمع كلام أمها وآنهم معزومين في بيت جدهم
وراحت تتجهز

عند دُرر *
لفت وشافت محمد قايم : صباح الخير
محمد : صباح النور ليه كاشخه؟
دُرر بمزح : عشان حبيبي بيجي!
وقف محمد وراح الحمام
استغربت منه بس ما اعطته اهميه وهي خلصت وقعدت تدور خاتمها
طلع وشافها تدور في الدروج ، راح لها وحاصرها
لاحظته دُرر ولفت عليه وكانوا قريبين من بعض
محمد رفع حواجبه : حبيبش؟ منهو؟؟
دُرر بلعت ريقها وقالت بثقه : مالك دخل من هو ويلا روح مول ولا حديقه ولا عند العيال (قربت من أذنه وهي تهمس ) لان الغيره تمشي بعروقه!
بعدت منه وشافت ملامحه ثابته
تكلم قدام وجهها : يعني مهو أنا؟
دُرر ضحكت وما تدري وش سوت فيه ضحكتها : لا لان حبيبي معضل ويعصب بسرعه!
ابتسم محمد : لا تلعبين معي يا بنت عبدالرحمن
دُرر قربت منه وهي حست انه خلاص بينفجر وباست فكه وبعدت : حبيبي الحين معصب وهو ما يدري عن العزيمه! يلا تأخرنا!!
بعد محمد منها وهو مستغرب : اي عزيمه؟
دُرر : عزيمه جدي!
وسع محمد عيونه : توش تقولين لي!
وراح يجهز ، بعد مده قصيره جهزوا ولبست عبايتها وراحوا للعزيمه أو للنوم عند بيت الجد

تسريع الأحداث * بعد مرور شهرين بدون اي حدث مهم
وقت المدرسه*
قاعده تفطر في الصاله، شافت محمد نازل من الدرج وهو يلبس الثوب: صباخ الخير
محمد : صباح النور، بتروحين بالباص ولا اوصلش؟
دُرر : لا وصلني لان شكلي ماراح اسجل باص لأنك موجود ليه الباص؟ واصلاً اول يوم يعني ما يحتاج( طبعاً هي الحين في أولى ثانوي)
محمد : خلاص اجل يلا أنا في السياره
دُرر : ماراح تفطر؟
محمد : لا بفطر بعدين
دُرر : خلاص اجل يلا مشينا
وراحوا للسياره عشان يوصلها للمدرسه
بعد مده وصلت دُرر للمدرسه
محمد : ما تبين فلوس؟
دُرر : لا بس عطني ريال ابي اشتري ماي
وعطاها محمد خمس ريال
ونزلت من السياره وهي تدخل داخل
شافت ليان واشرت لها
ليان حضنت دُرر : هاااي!
دُرر ضحكت وردت نفسها
ليان : اسمعي انتي باي صف؟
دُرر ما ادري يمكن اول اربعه؟
ليان : معييي!
دُرر وسعت عيونها : امانههه! ، بس يارا اي صف؟
ليان : تصدقين أتوقع للحين ما جت
دُرر سحبت يد ليان وراحوا فوق للحمامات
تاكدت ان مافيه احد
ليان ناظرتها باستغراب وهم يدخلون احد الحمامات ويقفلون الباب
دُرر طلعت جوالها الي كان في جوتيها
ليان وسعت عيونها : ما تخافين احد يصيدش!
دُرر بتملل : ترا لي سنتين وانا اهرب فيه؟
ليان : أقول بس عطيني ابي اصور
دُرر عطتها وصارت تصور، جاتها رساله من محمد
وعلى طول فتحتها ليان وضحكت : يوه حتى هو يدري؟
(كانت رساله محمد * ترا ادري أنش مهربته فـ بجي واطلعش بدري طيب؟)
ردت عليه ليان * وأخذ ليان  بعد!*
محمد * ابشري خلاص*
ليان : اخخخس صار يقول لش ابشري بعد! عشنااا
طنشت لها دُرر وبدت تصور وصلت رساله من محمد
تأففت دُرر وخذت ليان جوالها وشافت رسالته
وسعت عيونه من طلبه

عند لولوه *
قامت من النوم وهي علاقتها في رعد بااارده جداً
وراحت تصلي وتفطر
دخل رعد ووقفت هي قدامه : لين متى وأنت بتقعد ماخذتي من اهلي!
تنهد رعد وراح الغرفه وهي وراه تتحلطم
سكر رعد الباب بعد ما دخلت معه غرفتهم
لولوه : ليه ما ترد! تكلم!!
رعد حضنها وطاحت دمعته على رقبتها
لولوه ما بادلته وهي مستغربه ، حاولت تبعده بس هو حاضنها بقوه
رعد : امي! ...... امي لحقت أبوي يا لولوه!
وقعد يبكي عليها
اماً هي بادلته وقعدته على السرير وهو للحين حاضنها
بعد عنها بعد حضن طويييل ومسح دمعته  بكف يده وعيونه حمره
لولوه : ش شلون ماتت؟
رعد سكت وهي فهمته وأنه تعبان
رعد : بنروح قطر عشان اسويلها عزاء ونرجع!
لولوه : خلاص إنت الحين ارتاح وبعدين نتفاهم
رعد انسدح ورقد على طول
لولوه قامت وقعدت على الكنب وهي تشوف اخبار البنات

عند البنات *
وسعت عيونها من طلبه : قلنا يكلمش طيب! بس يتصل اوفر!!
دُرر طيرت عيونها وهي تأخذ جوالها وترد على اتصال محمد : هلا؟
محمد : أنتي وين؟
دُرر : في الحمام ليه؟
محمد : ليان عندش صح؟
دُرر : ايه
محمد : عطيني اكلمها
وسعت دُرر عيونها : خير خير نعم! شتبي فيها؟؟
محمد ضحك : ولا شي بس بقولها لعد تكتب على أنها انتي
دُرر : ما يحتاج ، أنا أوصل كلامك لها ويلا باي الحصه بدأت
سكرت في وجهه وراحت هي وليان للصف

عند محمد *
ضحك : والله فيش يا بنت اللذينا أنا تسكرين في وجهي!
عصب منها
وراح للبيت ينام

في المدرسه*
في وقت البريك
قاعده تمشي مع ليان وهي تأكل كوكيز
صدمت في وحده وناظرتها ، وسعت عيونها من عرفت أنها البنت اللي هددت لولوه
ضحكت رغد : لا يكون لولوه خافت عشان كذا غابت؟
ابتسمت دُرر : قد الحركه؟
رغد : ولا عشانها فتنت لكم وتبيكم تتصرفون
مسحت دُرر ابتسامتها وقربت منها : إذا انتي بنت رجال كوني قد الحركه!
رغد بنفس التعابير دفت دُرر من كتفها باصبعها : وقدود!
ناظرت دُرر مكان الضربه ولفت على ليان وهي ترجع ورا وتضحك ، استغربت منها رغد وقربت منها تبي تضربها بس مسكت دُرر يدها وسحبت رجل رغد برجلها وسدحتها وصارت فوقها ، مسكت ياقتها: وين اللي قدها ها!!
وضربتها على عينها
رغد صارت فوق دُرر وعطتها كف
قلبتها دُرر وبعدت رجل رغد السيار عن رجلها اليمين
رغد صرخت بألم :ووجععععع!
جات المشرفه ركض وبعدتهم عن بعض : وجع انتي وياها! على مكتبي يلا!!!
ليان شافتهم راحت وراحت حمام وارسلت لمحمد * الحق الحق! *
شافته ما رد وتأففت ، كتبت لعبدالله * عبدالله ترا دُرر تهاوشت مع وحده وجوالها مهربته ومعي بالحفظ والصون بس أنت تعال وطلعها لان أتوقع محمد نايم تكفى بسرعه!*
قام عبدالله على صوت الرسايل ، وسع عيونه وكتب لها * من انتي؟؟*
شاف أنها ليان وعلى طول لبس ثوبه وراح للمدرسه

عند دُرر*
المشرفه : وهذا اول يوم لكم وكذا! اجل شلون بالأيام الجايه؟؟
مدت لهم ورقه : يلا وقعوا!
وقعت رغد اما دُرر : لا اسفه ماراح أوقع على شي أنا مو غلطانه فيه!
تخرصت رغد : لا والله؟ ومن اللي قالت لي كوني قدها ومدري إيش! ومسويه زحمه والشارع فاضي واخرتها بلشرين تخاف من توقيع
ناظرت دُرر في المشرفه وخذت شنطتها وطلعت
لبست عبايتها تحت مناداه المشرفه لها
طلعت وهي عرفت ان عبدالله جا ومسكت يد ليان وطلعوا
ركبوا السياره، عبدالله : نعم خير وش صاير؟؟
دُرر : وين محمد؟
عبدالله : شدراني يمكن نايم ليه وش صار؟؟
دُرر : ابد والله بس تهاوشت مع بنت كلب كانت مهددتني إذا ما سوينا لها اللي تبيه راح تعلم المديره أني متزوجه واني ما علمتهم!
عبدالله وسع عيونه : شدخل أمها ذي!
دُرر : عبود خلاص تكفى ودني البيت تعباااانه!