صدقني
لم أتمنى شخصًا غيرك
ولم أحاول من أجل أحد سواك
لم أقطع المسافات إلا تجاهك
ولم أرتوي إلا بعيناك
لم أستثني أحدًا إلا أنت
ولم أتنازل عن حقي إلا لك
وصدقني
لم يخذلني شيء، سوى أنت.
لتنسون التصويت و التعليق بين الفقرات🤍
#وَتيرة_وَد
الكاتبة روح الدليمي
********************
گعدت لكيت روحي بالغرفه و كانونه محطوطه ب ايدي
امي و اخويه يمي و فيصل وياهم
تقربت امي عليه و مسحت على شعري و گالت
رنا:عين و ما صلت على النبي شبيج امي شتحسين
جاوبتها بتعب واضح..
جوري:ماعرف بس دايخه كلش
فيصل:الحمدلله على سلامتج عيوني
جوري:الله يسلمك
فادي:يمه فيصل امشوا نطلع خلوها ترتاح
فيصل:طلعو انتو اريد احجي وياها شوي
طلعو امي و اخويه بقه هوَ يمي
سحب الكرسي و كعد قريب مني اخذ ايدي
ب ايده باسها و گال
فيصل:احجيلي شبيج؟ ليكون مجبوره عليه؟
جوري:احتمال نزل ضغطي لان من البارحه كلشي مماكله، و ابد ممجبوره
فيصل:اذا مجبوره گولي نبقى فتره و بعدها اطلگج و نكول ما تفاهمنا
جوري:ممكن تخليني ارتاح و بعدين نحجي؟
فيصل:ارتاحي عُمري و باجر هم اجيج
اجتني رساله على تلفوني شاله حتى ينطيني ياه لكه رساله من حامد كاتب
"أنتِ نويتي على موتتكم ثنيناتكم"
باوعلي و گال
فيصل:شيقصد؟
جوري:هوَ يريدني بس اني ماريده و خطبني من ابويه بنفس اليوم الي خطبتني أنتَ
رفع حاجبه مستغرب
فيصل:شو ماعندي خبر اني
جوري:هوَ يعرف أنتَ خطبتني و حتى ابوك و ابو يعرفون شعجب مكلولك
رجع تلفوني مكانه و كام على حيله و گال
فيصل:ارتاحي و لتشغلين بالج اني اتصرف
طلع من الغرفه و اني اخذت تلفوني و اتصلت على يقين
الظاهر راحت لما تخربطت
شوي و ردت عليه
يقين:جوجو عُمري شلون صرتي؟
جوري:مو زينه يقين ابد مو زينه باجر تعاليلي نروح سوه الجامعه
يقين:ماشي باجر اخلي السايق يمر عليج و نطلع سوه ارتاحي اليوم كلش تعبتي
جوري:تعالي من وكت اريد نكعد سوه قبل بدايه الدوام
يقين:تمام حياتي
سديته منها و نمت حسيت على اخويه ديشيل المغذي
وبعدها نمت و ماحسيت للصبح يقين تتصل عليه رفضتها و كمت بدلت عسريع و كعدت انتظرها ربع ساعه و رجعت اتصلت بيه جاوبتها
أنت تقرأ
وَتيرة وَد
Non-Fictionكُدت أن أموت وأنا حَيةً تمنيتُ لو أنني لمْ أكون أنا فالعَيشُ بالعارِ ليسَ من السهلِ لكن أتراني مِن الضُعف أرتهبُ أم من القوةٍ أرتعبُ أنها ليست خطوةً للعيشُ بِسلامِ لكنها خطوةٌ تثير داخِلها الأنتقام في بعض الأحيان الحقيقة لن تُصدق وفي الواقعِ...
