لتنسون التوصيت و التعليق بين الفقرات🤍
#وَتيرة_وَد
الكاتبة روح الدليمي
********************
جوري:فيصل فدوه شوف الاكل على النار ليحترك
صاح بصوت عالي حتى اسمعه
فيصل:يلا جايي ثواني
دخلت للغرفه بدلت ملابسي و رتبت روحي
ما باقي شي و يجون اليوم عازمين بيت بشار و يمان
و انخبصت خبص بين طبخ و تنظيف
صار شهرين لما رجعنا اني وفيصل
بس البيت لحد هسه مكدرت اكمل ترتيبه على الكامل
بسبب انشغالي بالشغل و وقتي قليل يادوب اكضي ويه
فهد و فيصل
كملت لبست حجابي خاف يوصلون ب اي
لحظه و انخبص فوك خبصتي..
طلعت من الغرفه صار بوجهي فيصل
شايل فهد و كل ملابسه مي
جوري:لككك هاييي شنوو، ليش هيج يا امي هستوني بدلتلك
فيصل:عاجبه يسبح ابنج
جوري:هسه يتمرض
فيصل:روحي أنتِ اني ابدله
جوري:شفت الاكل؟
فيصل:اي عاشت ايدج حَبيبي
جوري:فدوه بدله ملابسه بسرعه ليتمرض الجو بارد
بليل، او خلي يومي تعوف الحديقه و تبدله هيَ
فيصل:روحي أنتِ معليج بالباقي
عفتهم و رحت للمطبخ تأكدت من كلشي
طفيت الطباخ و شلت تلفوني خابرت يقين
جوري:وين صرتو حبي
يقين:قربنه خمس دقايق احنه يمكم
جوري:اسو و يمان طلعو مو؟
يقين:اي ورانه همَّ، الاكل جاهز مو ترا ميتين جوع
جوري:يلا ننتظركم، اي كله جاهز
سديته منها و بلشت تحضير
رتبت الميز و خليت المقبلات و المواعين
و العصاير و الببسي و كلشي ممكن نحتاجه على السفره
دك الجرس اجاني صوت فيصل
فيصل:اني راح افتح
صبيت الاكل و صرت انقل بي على الميز
حتى رأساً ناكل لان كلنا جوعانين
اجو البنات يمي سلمت عليهم و صاروا ينقلون
ويايه بباقي الشغلات، و اخيراً جهز كلشي
رحت للصاله سلمت على الولد و گلتلهم
أنت تقرأ
وَتيرة وَد
Non-Fictionكُدت أن أموت وأنا حَيةً تمنيتُ لو أنني لمْ أكون أنا فالعَيشُ بالعارِ ليسَ من السهلِ لكن أتراني مِن الضُعف أرتهبُ أم من القوةٍ أرتعبُ أنها ليست خطوةً للعيشُ بِسلامِ لكنها خطوةٌ تثير داخِلها الأنتقام في بعض الأحيان الحقيقة لن تُصدق وفي الواقعِ...
