قد ينسى الإنسان أيامه الصَعبة
لكنهُ لا ينسى أبداً من هَونها عليهِ.
لتنسون التصويت و التعليق بين الفقرات🤍
#وَتيرة_وَد
الكاتبة روح الدليمي
********************
وكع التلفون من ايدي و گعدت بالگاع
تقرب عليه لزمني من ايدي سحبتها بقوه منه
گال
عمران:اسف مو قصدي بس شصار وياج احد من اهلج بي شي
هزيتله راسي ب "اي" اخذت تلفوني من الگاع و
سندت روحي على الحايط و كمت اخذت اغراضي
و طلعت من الشركه بدون ما احجي و ارد عليه
صعدت السياره و انفجرت بالبجي
خابرت فيصل جاوبني
جوري:شبيها شهد شصارلها؟
فيصل:وين صرتي أنتِ؟
جوري:بالسياره مدااكدر اسوق كل حيلي يرجف
فيصل:تعالي بسرعه راح يدخلوها عمليه
شهكت و لطمت على وجهي
جوري:عمليه شنو بعدها لككك بعدها صغيره عمليه مال شنو؟
فيصل:جوري من تجين احجيلج تعالي بسرعه لتتأخرين
سديته منه و حاولت اشغل السياره كل حيلي يرجف
التفت على صوت الجامه تندك چان عمران
نزلتها گال
عمران:صعدي بالصدر اني اوصلج
جوري:لا شكراً اكدر اروح اني
عمران:لتعاندين حولي للطرف الثاني يلا
جوري:اهلي ميقبلون ماكدر اني اروح وحدي شكراً الك
صعدت الجامه و حركت بيه مابيه
وصلت للمستشفى الي انطاني اسمها فيصل
خابرته اجاني للباب
حضنته بقوه و ثنينه نبجي مشينه ب اتجاه غرفه العمليات
كعدنه ننتظر و اني ابجي و هوَ يهدي بيه
و يبجي ويايه
بعد نص ساعه طلع الدكتور كمنا عليه ثنيناتنه
گال
الدكتور:الحمدلله على سلامتها خيطنه جرحها
و سوينالها اشعه راسها سليم مابي شي
جوري:الف الحمدلله الف الحمدلله
تشكر منه فيصل و گال راح يطلعوها لغرفه
جوري:شصار وياها فيصل ؟
فيصل:بالحجله جانت تلعب و وكعت من الدرج على القبو جوه و انضرب راسها بالحديده الي طالعه من الباب
جوري:سوده عليه فيصل كله بسببي اني هاملتهم و ملتهيه بالشغل حايره ب انتقامي و هامله اطفالي
حضني بقوه و باسني من راسي گال
فيصل:مالج اي ذنب أنتِ لتلومين روحج قضاء و قدر
لو أنتِ يمهم چان هم صار نفس الشي
جوري:زين ليش ماخيطوا راسها بالغرفه ليش الا بغرفه العمليات ؟
فيصل:لانها طفله و جرحها عميق احتاجت بنج عام
أنت تقرأ
وَتيرة وَد
Non-Fictionكُدت أن أموت وأنا حَيةً تمنيتُ لو أنني لمْ أكون أنا فالعَيشُ بالعارِ ليسَ من السهلِ لكن أتراني مِن الضُعف أرتهبُ أم من القوةٍ أرتعبُ أنها ليست خطوةً للعيشُ بِسلامِ لكنها خطوةٌ تثير داخِلها الأنتقام في بعض الأحيان الحقيقة لن تُصدق وفي الواقعِ...
