وَتيرة وَد

13

- يمه ادعيلي وضعي اليوم مو زين .
- اول مره هالكد كلبي يتعب .
- هاي المره كلهن صارن وياي .
- استوعب وانكسر واتفارك واحب .
- انه بحرب يمه ومحد وياي .
- ياهب ريح حتى الريح ماهب .
- لتكليلي سولف والله متروس .
- ندم والروح بيها تلهب .

لتنسون التصويت و التعليق بين الفقرات🤍

#وَتيرة_وَد
الكاتبة روح الدليمي
*********************

بهت وجهي من كلامه بس سويت روحي ممهتمه و گلت

جوري:اوكي اني رايحه لعد

كمت من مكاني فتحت الكنتور طلعتلي ملابس
حتى ابدل اخذتهن و دخلت للحمام
باوعت على روحي بالمرايا و گلت

جوري:لاا لااا جوريييي لتبجين لتبجين.. أنتِ رايده هالشي و راح يصير خليج قويه و كد كلمتج

صرت اخذ نفس بهدوء حتى اهدي روحي
غسلت وجهي و بدلت و طلعت من الحمام
لكيته بعده گاعد على الجربايه باوعتله و گلت

جوري:بس انطيني الجنطه ما اكدر اخذها ب ايد وحده

كام من مكانه نزل الجنطه من فوك الكنتور
و گال

فيصل:الم ملابسج اني؟ خاف متكدرين

جوري:لا شكراً بس خلي اسو تحظرلي ملابس فهد اذا ممكن، هوَ رجع مو؟ ما سمعتله صوت

صار يضحك بصوت عالي مستهزء

فيصل:سامعه روحج شتحجين؟ 

جوري:اي ابني اخذه وياي

فيصل:گتلج قبل و ارجع اكولها ابني يبقى يمي و ببيتي
مال تاخذي وياج گطنه و طلعيها من اذنج فهمتي لو لا

جوري:تريد تجبرني ابقه هنااا يعني

فيصل:لا ما اجبرج ابد تردين تروحين الباب موجود الله وياج، بس ابني مكانه بيت ابوه

جوري:حرااام عليك تحرمني منه مره ثانيه يكفيني خسرت شهد هم تريد تخسرني فهد

فيصل:الي عندي حجيته

عافني و طلع من الغرفه طلعت وراه و اني
انادي عليه بس متجاهلني

جوري:فيصل دا احجي وياك، فيصلللل لتتجاهلني هيج دا احجي وياك اريد ابني وياي

اندار عليه و سحبني مني ايدي بقوه
عطت ب الم

جوري:فيصل ايدي الخياط ديأذيني شبييككك

عاف ايدي الي بيها الخياط ولزمني من الثانيه
بنفس القوه و حجه بعصبيه و ضاغط على سنونه

فيصل:اذا صوتج يعلى عليه بعد راح تشوفين مني
شي بعمرج و حياتج مشايفته من بشر
و ابني هنا مكانه تردين ابنج ابقي هنا و تشيلين موضوع الطلاگ من راسج و ترجعين مثل قبل
اما اذا مُصره على الطلاگ ف هذا الباب توكلي و ابنج تنسي