لتنسون التصويت و التعليق بين الفقرات🤍
#وَتيرة_وَد
الكاتبة روح الدليمي
********************
وصلت المستشفى لكيت يقين مدخليها عمليه لان متكدر تولد طبيعي
كلنا خايفين عليها و على الطفله لان بعدها مو بشهرها
بشار يروح و يجي بالغرفه متوتر و وترنا اكثر
كام يمان من مكانه و راح على بشار كله
يمان:عيوني أنتَ كافي سطرتنا رايح جاي أنتَ راح تجيب مو هيَ شبيك
بشار:اشوفك لما مرتك تكون بهل وضع شتسوي
يمان:اكعد و انتظرها مو اسطر العالم رايح جاي رايح جاي
جوري:بشار ترا صدك وترتنا فوك توترنا اكعد شوي
اندكت الباب دخل فيصل سلم على الولد
وكعد يمي گال
فيصل:هاا بعدها ما طلعت؟
بشار:لا بعد ماكو اي خبر
جوري:هسه شوي و يطلعوها شبيك
اندكت الباب و اجت الممرضه طلبت ملابس للطفله
كمت طلعتلها من الجنطه و رحت وياها
بقيت واكفه انتظر برا شوي بعدها جابتها الي اخذتها
بحضني و دموعي نزلت
جوري:اللهم صلِ على محمد فدوه اروح لهل وجه اني
طبعت بوسه على راسها و سئلت الممرضه عن يقين گالت
_خلال عشر دقايق ربع ساعه و تكون بالغرفه الحمدلله على سلامتهم
اخذتها وياي للغرفه
اول ما دخلت بشار صار يبجي لما شافها
فيصل:يمعود وكت البجي هسه شيل بنتك بحضنك
بشار:اريد يقين وينها؟ شو ما جابوها
جوري:سئلتهم عليها كالو خلال عشر دقايق راح تكون هنا ليظل بالك سمي بسم الله و شيل بنتك
تقرب عليه اخذها من حضني و گال
بشار:شهوده بابا نورتي حياتنا
اني و فيصل صرنا واحد يباوع بوجه الثاني
مجنت اعرف راح يسموها على اسم بنتي
نزلت دموعي فيصل اخذني بحضنه و گال
فيصل:متأكدين تردون تسموها شهد؟
بشار:شهد غاليتنا كلنا و لما عرفنا انو بنيه قررنا منسميها غير شهد
فيصل:الف مبروك تربى بعزكم و دلالكم يارب و يحفظها الكم ميشوفكم بيها مكروه
أنت تقرأ
وَتيرة وَد
Non-Fictionكُدت أن أموت وأنا حَيةً تمنيتُ لو أنني لمْ أكون أنا فالعَيشُ بالعارِ ليسَ من السهلِ لكن أتراني مِن الضُعف أرتهبُ أم من القوةٍ أرتعبُ أنها ليست خطوةً للعيشُ بِسلامِ لكنها خطوةٌ تثير داخِلها الأنتقام في بعض الأحيان الحقيقة لن تُصدق وفي الواقعِ...
