وَتيرة وَد

4

أنا بين الناس ضايع
وديرة غرب وبنصها گاعد
ضـلتك يَمي تكفي بناسها وغربـتها

لتنسون التصويت و التعليق بين الفقرات🤍

#وَتيرة_وَد
الكاتبة روح الدليمي
********************

صوت ينادي ب اسمي حاولت افتح عيوني
بس ماكدرت.. وجع براسي و جسمي مو طبيعي
صرت اون و احس صوتي ماكو مينسمع

شوي شوي كدرت افتح عيوني
اجت عيني بعينه باوعلي بنظره ما عرفت افسرها
نظره مليانه عتب و زعل و عصبيه
بالگوه طلعن مني الحروف

جوري:اني اسفه والله مو قصدي

ما جاوبني طلع من الغرفه صاح الممرضه
اجتني سوت الاجراءات اللازمه و حطتلي بطل مغذي ثالث و طلعت

گعد هوَ على القفنه و ابد ما رفع عيونه و باوع عليه

جوري:فيصل؟

رفع عيونه بمعنى شكو

جوري:تعال يمي

رجع دار وجهه و صار يگلب بتلفونه
كلش انقهرت شلون حجيت هيج، هوَ اصلاً مو ببالي
شلون طلع مني هل كلام هذا

بقيت يومين بالمستشفى و بعدها طلعت للبيت
و طول هل يومين ابد ما حجه ويايه و لا كلمه
دخلنا للبيت ساعدني ادخل للحمام و بقه ينتظرني بالباب برا.. سبحت و بعدها طلعت

لكيته محظرلي ملابس و حاطهن على الجربايه
بدلت و تمددت هوَ غطاني و طلع من الغرفه
بقيت ابجي اشتاقيت لسوالفه ويايه

يهتم بيه و ممقصر ابد بس ميحجي ويايه و هذا الشي حاركني حرك تعبت كلش
من كد البجي نمت عيوني صارن يحركني

مر اربع شهور و هوَ على نفس الوضع حتى صار ينام بالغرفه الثانيه لا على الاكل يكعد ويايه و لا يشاركني ب اي شي عبالك كل واحد ببيت وحده
بس چان يهتم بيه بدون كلام

حسيت روحي صرت احبه و تعلقت بي هوايه
و تأنيب الضمير دمرني الى درجه مو طبيعيه
بيوم هوَ گاعد بالصاله يتفرج فلم
رحت للمطبخ رتبت صحن فواكه و كعدت يمه

حطيت الصحن كدامه و حطيت راسي على كتفه
تحمحم و كام من مكانه دخل للغرفه دقايق و طلع مبدل و كاشخ على اخر حبه و عطره يمشي كدامه كد ما قوي
باوعلي بطرف عينه و طلع من البيت

صرت اشيل بروحي و ارگعها تخبلت ماعرفت شسوي
صرت اضرب بروحي و اصيح بصوت عالي تهسترت
بدون اي تفكير رحت على مجر الادويه
صرت اطلع بالحبوب و ابلع و اشمر الاشرطه بالگاع لحد ما فرغت الادويه كلهن

صرت اروح و ارجع بمكاني و دموعي تنزل
بعد مده حسيت اطرافي ثلجن و عيوني بدت تغوش
اخذت تلفوني و دكيت عليه جاوبني بعدني ما حاجيه
و اغمى عليه

حسيت على روحي بالمستشفى و معدتي تأذيني
كلش.. فتحت عيوني و رجعت سديتهن حتى تتوضح عندي الرؤيا