لتنسون التصويت و التعليق بين الفقرات🤍
#وَتيرة_وَد
الكاتبة روح الدليمي
********************
جاوبني و دموعه متجمعه بعيونه و الغصه واضحه بصوته
فيصل:ماتت
صفنت بوجهه لثواني اريد استوعب و حجيت بغصه
جوري:شدتحجي فيصل بنتي وينها؟؟؟
صار يبجي بحرگه گلب و يصيح
حالتي مو اقل منه صرت اضرب بي و اصرخ و اضرب
بروحي تهسترت ملخت روحي تملخ
جوري:يممههههه بنتيييييييييي
فيصل:كومي نروح امشي
دفعته عني و ضربته بكل قوتي على وجهه
اجت عليه يقين تبجي و تحاول تهدي بيه
بشار واكف على جهه يبجي
صرت اضرب بروحي بكل ماعندي من قوه
كل ما يريد ياخذني بحضنه اضربه و اصيح عليه
اخر شي شالني شيل صرت اضرب بي على راسه
و اصيح
جوري:الله ياخذككك الله ياخذككك فيصل حرمتني من جهالي و هسه بنتي ماتت بدون ما اشوفها
اااااه يااا يمهههه ولككككك عوفنييييييي عوفنننييييي
فيصل:اخذج عليها جوري اهدي
بشار:هسه نجي وراكم
فيصل:لا من اخابرك تعال لتجون هسه
صعدني بالسياره و صعد هوَ الطريق كله اني بس اعيط
و اضرب بي و بروحي.. تهسترت كلش
بنتي هاي روحي من الدنيا نبض گلبي راحت و عافتني
وصلنا يم المستشفى نزلني من السياره
بالگوه امشي و بس دموعي صارت تنزل بدون اي صوت
دخلنا لوحده من الغرف شفت اسماء تبجي باوعت على السرير نايمه هناك و مغطيها
رحت يمها ردت اوخر الغطه عن وجهها فيصل لزم ايدي
نترت ايدي من عنده و حجيت بصوت مليان قهر و الشهكه واضحه
جوري:حرمتني من شوفتها لما جانت عايشه خليني اشوفها اخر مره و هيَ ميته
سحبت الغطه عنها كعدت يمها على طرف السرير
نزلت روحي لمستواها طبعت بوسات هادئه على
كل وجهها اخذت ايدها بيدي عباره عن ثلج
جوري:شهوده ماما كومي، اني رجعت علمودكم
اجيت اخذكم اني.. ولجج يممههه كووومي كسرتي ظهري بنومتج هاي كووومي
صار صوت البجي و شهگاتي تعلى حضني
فيصل من وره و يحاول يهديني و هوَ حالته اسوء مني
أنت تقرأ
وَتيرة وَد
Non-Fictionكُدت أن أموت وأنا حَيةً تمنيتُ لو أنني لمْ أكون أنا فالعَيشُ بالعارِ ليسَ من السهلِ لكن أتراني مِن الضُعف أرتهبُ أم من القوةٍ أرتعبُ أنها ليست خطوةً للعيشُ بِسلامِ لكنها خطوةٌ تثير داخِلها الأنتقام في بعض الأحيان الحقيقة لن تُصدق وفي الواقعِ...
