شكراً لأنكَ معي
لأني أُقاوم بك تعثراتي وتحول اكتئابي
الى ضحكات لأني اتجاوز بك تعب الأيام
لأنني أسقط في أعماق اليأس
فتفلت جميع الأيدي إلا يديك
وفي كل مرة أظنُ أنها نهايتي
تجعلني انهضُ من جديد .
لتنسون التصويت و التعليق بين الفقرات🤍
#وَتيرة_وَد
الكاتبة روح الدليمي
********************
طبطبات على خدي و صوت مشوش
احاول استعيد طاقتي حتى اكدر افتح عيوني
و اسمع بس كلشي بيه رافض
ماعرف شكد مر وقت و اني على نفس الحاله
احس ايده تلاعب خدي بهدوء
و صوته صار اوضح چان يرتل القرآن
فتحت عيوني كلشي مو واضح
صرت اغمض و افتح لحد ما اتضح كلشي كدامي
باسني من راسي و گال
فيصل:الف سلامه عليج بويه خوفتيني عليج
جوري:شصار؟
فيصل:صارلج ٣ ايام غايبه عن الوعي
انهيار عصبي كلش قوي صار عندج
جوري:ياريتني متت حتى تخلص مني
ضربني بخفه على حلگي و گال
فيصل:يومي قبل يومج ليش هيج تحجين؟
جوري:ترا مانسيت اتهامك اليه و معاملتك الي بهذاك اليوم
فيصل:لعنة الله على الشيطان وداعتج چان عندي مشاكل ويه اهلي و بالشغل و ماعرف شسوي طلعت بيج
اسف عُمري حقج عليه
جوري:ياريت لو كلشي ينحل بالاسف
فيصل:احبج والله
جوري:واني شايله حقد العالم كله عليك
فيصل:ارتاحي هسه و بعدين نتفاهم
اندكت الباب و دخلت بنيه تخبل بقيت صافنه
عليها على كد ما حلوه ما شاء الله
تقربت عليه و حجت ويايه بلغة البلد الي احنه بي
تسألني على حالي و بشنو احس
طلعت بعد ما فحصتني و ركزت احنه بالبيت
هاي البنيه ببيتي عدلت روحي و گلت
جوري:هاييي شتسوي هنا؟؟؟
فيصل:ممرضه جبتها علمودج
جوري:فوگاهاا جايبلي وحده تشك شككك حتى تبقى تباوع عليها مووو؟
حاول يخفي ضحكته بس ما تحمل انفجر
بالضحك لحد ما اختنك و صار يكح
باوعتله صفح معاجبني و گلت
جوري:شكوو تتمضحك؟
فيصل:تغارين عليه
جوري:هلووو عيني اغار شنو؟ و ليش اغار على واحد يشك بيه
فيصل:رجعناا
جوري:فيصل طلكني احسن ماكدر ابقى وياك اني
شلت المغذي من ايدي هوَ حاول يلزمني بس ماكدر عليه
جنت كلش مقهوره منه كمت من الفراش
شفت جنطتني بعدها موجوده بالكاع و غراضي بيها
طلعتلي ملابس بدلت
و هوَ يحاول يمنعني
أنت تقرأ
وَتيرة وَد
Non-Fictionكُدت أن أموت وأنا حَيةً تمنيتُ لو أنني لمْ أكون أنا فالعَيشُ بالعارِ ليسَ من السهلِ لكن أتراني مِن الضُعف أرتهبُ أم من القوةٍ أرتعبُ أنها ليست خطوةً للعيشُ بِسلامِ لكنها خطوةٌ تثير داخِلها الأنتقام في بعض الأحيان الحقيقة لن تُصدق وفي الواقعِ...
