ٱسيرة الصمت

جزء1

#ٱسيرة_الصمت
سالم_نجية
#الجزء1

⚖ محمية بموجب حقوق المؤلف والحقوق المجاورة : نقل القصة وإزالة إسمي أو تغير عنوانها او محتواها يعتبر إنتهاك قانوني

نجية ارواحي تعاونيني فالحالة راني من قبيل واقفت وحدي عييت _هاني جايت ماما راسي راح يطرطق _خلاص اقعدي نكمل وحدي اصلا كل مانعيطلك نلقاك مريضة كاش نهار سمعتي الهدرا _صاي ماما ني جيت
_روحي فتحي الباب او يطبطب خوك _ايه
رحت فتحت الباب دخل خويا بدا يعيط يما ارواحي _خير _اعطيني صوميل راه سيد يسنا لتحت _هاني جايت
...رحت تبعت ماما للبيت .ماما ديما تمديلوا دراهم خليه يقفاز على روحوا ويجيبهم بيديه ولفتيلوا تخدمي عليه حتى واش راه يدير بيهم معلبالكش _خليه برك يكبر ويفطن _تتمسخري بيا 24سنة واش قعدلوا يكبر نتاجوا راهم بالخدمة و مزوجين  اييي   يضل ساهر وراقد وانت وبابا تخدموا عليه وساكتين ....حتى سمعتوا يعيط يماا سيد يسنا _هاني ولدي
انا  اسمي نجية عمري 19سنة انا الطفلة الوحيدة فدار مور خويا وسيم هذا خويا مشربلنا لمرار خارج طريق من كان صغير تاع سهرااات وخرجات وبابا ديما ساكتله وماما تخافه موت يدخل يخبط يخرج يخبط هو غير يدخل انا نهرب لبيتي من كنت صغيرة مهبلني نخرج نلعب يضربني كون نطول شوية برا كي نولي من لمسيد يضربني و متهناش حتى بطلني من القراية فليسي نهار حبسني بكيت دم فوادي وكي قلت لبابا اهدر قالي خوك ويعرف صلاحك جامي قابله وقاله هذه ختك ولا عاملها مليح ديما مخزونة فدار
كنت قاعدة فصالون نتفرج فتيلي وماما راقدة حدايا حتى خبط الباب بالقاوي رحت فتحت دزني _شحال من مرة نوصيك على الباب ااا وزيد خارجة هك طلي كون كان واحد وشافك نقطعك ايااا بعدي من قدامي .دخل وخبط الباب ماما طارت من الخلعة رحت نجري عندها سڨمتها ناضت مور خويا هاتهات ترضيه ومتخليهش وحدوا مسكينة تخافو وتخاف عليه تخاف كاش مايصرالوا ضل تهدر عليه حتى تقسملي قلبي ..رحت للبيت وقعدت نسنا فالحلوف تاع خويا يروح باه نخرج كون يلقاني قدامه ناكل طريحة ...غلقت الباب وجبدت تليفوني دايراتوا باتخبية على خويا وبابا ماما برك لي علبالها وكون يفيقوا يذبحوني نورمال....
فتحتوا وبديت نخلط فيه دخلت فالفيس لقيت طلب صداقة من واحد قبلتوا بعتلي ديراكت بديت نقسر معاه وياريت مقبلتش ومدخلتش لانو من هذ النقطة بداوا المشاكل التاعي وهو السبب الرئيسي فيهم ولي خلاني نفقد اعز واحد ولي هو الاب تاعي...