ٱسيرة الصمت

#جزء11

#جزء11
حليت عينيا لقيتو فوق راسي والسيروم في ذراعي الشمبرة كامل دور بيا طبس عندي قالي لباس راكي تشوفي فيا دورت وجهي حكمني من لحيتي ودورني عندو بلقوة _مدوريييش وجهك عليا هكا مرانيش كلب واقف قدامك ومتحسبيش روحك طرتي مزال حقك ماديتيه ومزال قلبي مابرد جيت نتحرك مقدرتش حسيت روحي مقطعة عيطت قالي حبسي راكي مخيطة متتحركيش كي قالي مخيطة خلعت متت وليت نبكي ونعيط واش درت فياااا كيفاه هذا مخيطة بقيت نبكي بقا يشوف معاي شغل غايضتو _ هز يدو حطها على شعري متبكيش نجية خلاص_كيفاه منبكيش حرام عليك والله حرام راك ظالمني ملي عرفتك وانا نبكي ونعاني والله منسمحلك يا ظالم ربي وكيلك كي قتلو هكا راح خرج جات طبيبة سويفاتني قاتلي تقدري تخرجي بصح سايسي روحك ومتمشيش بزاف حتى تبراي ودرك نهدر مع راجلك راحت شوية ودخل عندي هيا نوضي نوصلك مدلي يدو_نحي يدك نوض وحدي _نجية متعانديينيش هاتي يدك راكي مضرارة متقدريش تمشي _جيت نوض حسيت روحي تقطعت مقدرتش نتحرك _يابنتي خليني ندبر راسي راكي غير تهلكي فب روحك اعطيني يدك وخليني ندبر راسي _عطيتلو يدي سندني على كتفو بقا يمشي فيا حتى وصلنا للطوموبيل ركبني وصل للاوتال قالي استنايني هنا نجيب لحوايج ونجي راح طلع شوية عاود رجع هبط الفاليزات وراح حكم واحد الطريق محبيتش نهدر معاه ولا نسقسيه لقيتو حبس حدا باطيمة فيها خمس طيجان قالي هادي دار صاحبي جبت المفتاح باه نبقاو فيها حتى نلقا حل مفهمتش لواه يلقا حل ومبقيتش نخمم عاوني وصلنا للدار كانت في الطاج الاول بعد دخلنا لقيتها F4 واسعة ومخدومة تهبل فوتني لوحد الشمبرة فيها سرير وكوافاز وطابل دونوي يعني شمبرة كاملة دورت وجهي صدقة للمراية وياريتني مشفت وجهي كامل مدمدم خطوط السبتة في وجهي ممركيا شفت مع جسمي كامل نيلي مخطط بالسبتة تقول خرجت من حرب هادي انا ؟؟نجية ياك قبل ساعة كنت بيضة ونلمع علاه وليت هكا شفت معاه نتا يهودي مراكش مسلم نتا محال تكون عبد عادي راك مريض نفسي روح تداوي يالمركوب المكلوب بقيت نعيط ونبكي _نجية اقفلي فمك واستري على روحك خليني ساكت وحاملك على الحالة لي راكي فيها صينو نوض ليك الليلة هادي نفزدلك تركيبتك _علاه كاش ماخليت فيا كاش ما بقات حاجة مدرتهاش فيا بصح والله ياسالم منسمحلك وكيلك ربي ياخذ فيك الحق خرجت للبيت الثانية قفلتها بالمفتاح وطحت نبكي نبكي بشكل غير عادي بهستيريا طبطب الباب نجية اخرجي من تما وبركاي ماتبكي راح يحبس قلبك بقيت غير نزيد نجية اخرجي راني نهدر معاك بقيت نبكي حتى ضاق فيا النفس زرقت عدت ما نطلع ما نهبط بقيت غير نشخر تقول نطلع في الروح عاد يخبط في الباب نجيييييية وشبيييك حلي الباب اني نهدر وقفت بسييف حليت الباب وطحت عند رجليه شواربي زراقو طاح معاي نجية وشبيك اهدري بقيت نديرلو بيدي بلي مقدرتش نتنفس جرا جابلي لما بقا يخبط فيا بيه ويشربلي حتى ركحت شوية حط راسي على صدرو وتنهد _ديتي عمري يانجية مفهمتش واش راه يهدر هذا من نيتو منا يخبطني مخبط الكلاب ومنا يقولي ديتي نص عمري شفت معاه قتلو ان شاء الله نديه كامل ونتهنا منك خزر فيا خزرة مفهمتهاش نوضني داني للشمبرة قالي ارقدي هنا ومتخميش منيش راح نرقد معاك
حطيت راسي وبقيت نخمم ونبكي كون جاو والديا في كتافي ميصراليش هكا حسيت روحي يتيمة وهوما عايشين بقيت نبكي حتى وجعني راسي ورقدت....