ٱسيرة الصمت

جزء7

مسحت دموعي وخرجت عندهم قاتلي امو هاه واش رايك قتلها قابلة ناضت تزغرت جات سلمت عليا هي وخالتو قاتلي يابنتي ربي يهنيكم ويقدملكم لي فيه الخير ان شاء الله بالهنا والذرية الصالحة كملو تفاهمو الرجال قالولي بلي الخميس الجاية لفيونصاي والفاتحة كي خرجو شوية ونسمع لعياط برا وصوت كريم اوووو دارتلي ماما قاتلي اخلايا واش هذا جرينا نطلو على البالكو حتى نشوف في سالم وكريم متلاصقين وكريم يعيط ويقولو تاعي والله متديها كي سمعت صوت بابا الدم جمد فيا راح وقف بيناتهم وشفتو دار لكريم شغل يهاوش فيه دارت ليا ماما تخبط في وجها يخاه موتك اليوم واش يفكك من باباك تفضحنا في الحومة دخلو ولاد الحومة داو كريم وبابا شفتو يطلب في السماح من سالم وهو يتحلف للحظة تمنيت يبطل ولا خليني نقول كنت متاكدة يبطل لانو مكانش واحد يقبل يدي وحدة كانت مع راجل قبلو ويتقابد على جالها دخلت جات ماما حكمتني بالبشماق رخستني قاتلي كون يبطلو عليك غير انساي حياتك جا بابا لي خلاتو هي كملو عليا قالي راهو قالي نهار الاحد نردولكم الخبر كون يبطلو عليك نذبحك في اللخر بصق عليا وقالي خسارة تربيتي فيكم جبت كلاب ماشي ولاد نضت بسييف من الضرب لي ديتو كركرت روحي ورحت لشمبرتي قفلت الباب على روحي وطحت في الارض نبكي على كلشي على صغري على حياتي على زهري كلش كلش كي خلصت بدلت قشي لبست بيجامة مسحت الخالوطة لي في وجهي وهربت للنوم نشوف في منامي في سالم محاصرني في بيت وهاز سبتة في يدو ويقدم ليا باش يضربني وانا هاربة ونقولو منزيدش صاي منزيدش نضت مخلوعة لقيت روحي نعرق استغفرت ربي ورحت توضيت قضيت صلاتي ورجعت للبيت حتى الماكلة شبعانة عليها وليت غير نرقد كون نصيب منوضش خاطر نحس روحي نهرب من واقعي
فاتو اليومين هادو وجا نهار الاحد اليوم المصيري بالنسبة ليا نضت صباح كاااارهة غسلت وجهي فطرت وبديت في شغلي كي العادة لاحظت انو ماما متهدرش معاي وحتى كي نهدر معاها ولا نسقسيها تردلي بالغش وتشنف عليا استغفرت وبديت في شغلي للعشية جا بابا كامل بقينا نعسوفيه من شمبرة لشمبرة ملهوفين باش نسمعو واش قالولو حتى صونا تيليفونو كي سمعت اسمو فشلت ايه سالم سمعتو يقولو مرحبا بيكم ان شاء الله ايه وكوبا وقف في الباب تاع الكوزينة قال لماما قولي للكلبة هاديك نهار الخميس يجو يخطبوها ان شاء الله وراح يايما الدنيا دارت بيا يعني هي هي وراح نتزوج مع الغول هذاك