ٱسيرة الصمت

#جزء14

#جزء14
قالي كي تقعدي طبقيهم في الخزانة درك راني رايح ونتي البسي واخرجي اقعدي مع نسا خوتي في الصالون واذا كاش ما هدرت معاك ما ولا نرجس متهدريش معاهم ارواحي لشمبرتك واقعدي منحبش المشاكل وصوتك منسحقوش يطلع ومكان لاه تخرجيلي بشعرك والماكياج والمشبوح قدام خوتي البسي جبة عريضة وحطي الخمار والماكياج ممنوع بقيت نشوف معاه كي بقا يتامر استخايلت روحي خبطتو بقرعة ريحة لراسو استغفرت _وشبيك تستغفري عليا يهودي قدامك _لا حاشا نصلي موراك وانا خاشعة هدرتها بيني بين روحي وسمعني قالي واش قلتي قتلو والو قتلك فهمت برك تخنزر فيا وخبط الباب نضت هزيت هذاك القش طبقتو وحطيتو في الخزانة لقيت فاليزات في الكوانة عرفتهم تاع جهازي وليت هزيت فرزتهم كاامل مسحت الغبرة حطيت الماء سيقت الشمبرة هويتها فرشت السرير قفلت الطاقة من برا ومن داخل باش نطلع نحط الريدو طلعت فوق الطابوري لقيتو دخل_وين طالعة ل*** اهبطي الطاقة الناس كامل تشوف فيك _وشبيك تعيط راني غلقتها مهبولة نطلع في الطاقة محلولة انا_وواش طلعك خلاص تما واش راح ديري _راح نعلق الريدو _هاهو الريدو معلق ولا معجبكش _ايه حابة نعلق هذا كيما لفراش تاع السرير _تنهد قالي اك اهبطي وهاتي نعلقو _ايه بعدلي منين نهبط جبد روحو هبطت طلع علقو ديت هذاك الريدو راح نحطو يتغسل تلاقيت بنرجس اختو في الكولوار _وين راكي مدية هذا _رايحة نحطو يتغسل _وعلاه لقيتينا موسخين ولا معفونين حتى راكي تنحي في فراشنا وتغسلي_لا والله والو بصح حبيت نبدل الديكور ونح فراشاتي هاذا مكان_رجعي رجعي الفراش بركاي بلا تفلسيف سمعت صوتو ورانا نجية ادي حطيه في الماشينة وارجعي درت لقيتو يتخنزر فيها هبطت راسها وراحت