غلاك على كل البشر ماخذ الأول

البارت السادس

يلسوا يضغطون عليها لين سلمت عمرها
ام سيف : روضة اميه تلبسي زايد بيودينا المستشفى
(روضة : ان شاء الله)
زايد قام : خالوه بترياج ف الموتر
زايد ركب السياره وكتب لها "لا تلبسين شي ثجيل انتي روحها حرارتج مرتفعه"
روضة : "ان شاء الله"

عقب دقايق دقت ام سيف ل روضة وقالتلها تطلع لهم
يوم وصلوا المستشفى ودخلوا راحت روضة بتسير صوب الاستقبال عسب تسجل لان امها يلست
زايد يوم جاف الي ف الاستقبال ريال قالها : عطيني هويتج بسير انا
روضة : هاه ؟
زايد : عطيني هويتج
مدت روضة الهويه وراحت لامها
زايد يلس يتأمل هويتها وهو ساير صوب الريال وعقب مد له الهويه
الريال : عندها ملف هنيي ؟
زايد لف ع روضة : عندج ملف ؟
روضة حركت راسها بمعنى هيه
زايد : هييه
سجلها وجيه وسار يلس ع طرف .. دخلوا عند الدكتوره وحطولها مغذي وهو يالس يترياهم برا عسب ياخذون راحتهم
طلعوا له عقب ساعه تقريباً

ام سيف : زايد وينك انت عبالي سرت ؟
زايد : لا وين اسير خالوه اترياكم هني .. قلت عسب تاخذون راحتكم وجيه
ام سيف : هيييه .. روضة خذتي وصفة الدوا
روضة : هيه امايه !!
راحوا صوب السياره وحرك زايد اتجه لاقرب صيدليه
ام سيف : ليش ييت هني ؟
زايد زاغ : عندها ادويه ولا ؟
ام سيف : هيه بس ما بغينا نعنيك حبيبي
زايد : خالوه ترانيي بزعل من الصبح تقولين نعنيك ونعنيك افا للحين ما تجوفيني ولدج
ام سيف : لا والله يا اميه اجوفك ولديه واكثر بس انت روحك مريض
زايد : مب مريض ولا شياته .. (مد ايده صوب روضة بدون ما يلف يتطالعها) عطيني الوصفه والهويه بنت العم بنزل اييب ادويتج
مدت له روضة الوصفة والهويه وسار زايد

يوم خلصوا وصلهم بيتهم ورد هو البيت
ع طول كل واحد منهم بخ رقاد
زايد قام من نص رقاده وطرت ع باله روضة ق كتب لها : " الروض لا تنسين ادويتج التزمي فيهن .. واشربي اشياء دافيه .. وبعد اذا قاصرنج شي سيده دقيلي .. انا راقد بس مخلي فوني عام "
طبعاً روضة ما ردت عليه لانها راقده ف تريا خمس دقايق ورد رقد
بعد مرور يوم كامل زاغ زايد يعني روضة ما ردت عليه ومن الاساس ما فجت المسج
قام زايد وهو بجلابيته ونزل تحت يدور راشد
زايد : رويييشد
راشد منسدح ف الصاله بوزاره وفانيلته ويعابل فونه : ههااا انا هنييييي
زايد سار يلس صوبه : اييه اسمع بقولك عن الجريمه الي ارتكبتها بس لا تركز عليها ركز ع الي عقب الجريمه
راشد : شووهه
زايد وهو يدق اصابعه : ممممم ممممم مممم رديت ارمس روضة
راشد فج عينه
زايد : ما عليك الحين .. امس سرنا المستشفى انا وهي وامها وكانت تعبانه .. وتخيل ان من امس الظهر لليوم ما ترد .. ياخي اخاف فيها شي ولا صابها شي ؟!
راشد : يالكلب ما عرفتك والله .. مب روضة هاي تسوي فيك جيه
زايد استحى : جب جب انزين شالحل ؟؟
راشد : عندي الحل !!
زايد فز : شووو ؟؟؟؟
راشد بضحكه : قم بنسير بيتهم
زايد : حيواننن تتطنززززز
ويلسوا يتضاربون (ضرابه بالايد يعني مب بالكلام بس ان استهبال تعرفون عاد الشباب كيف دفشين) لين سمعوا صوت الباب .. تصنموا اثنينهم يوم جافوا ام سيف و روضة
روضة طبعاً تبا تنقع بس مستحيه من امها
ام سيف : شو بلاكم ؟
زايد وراشد : نسولف !!
ونقعوا من الضحك
زايد يوم جاف راشد : اييه شو لابس انت .. سير سير بدل
راشد جاف روضة وضحك
زايد يا بيضربه وشرد : يالكلبببب
راشد راح غرفته وهو ناقع من الضحك
زايد : اقربي اقربي حياج خالوه
ابتسمت ام سيف وتجدمت
زايد مشى ورا روضة : وينج انتي من امس .. خفت عليج
وراحوا يلسوا ع الكراسي
دق زايد ع امه
( زايد : امايهه .. تعالي الصاله ام سيف هنيي
ام مايد : زين اميه الحين يايه )
زايد : خالوه سيف وين ادق له ما يرد
ام مايد : سيف مخرب جدوله .. ينش يداوم ويرد يرقد
رن فون زايد وسيف المتصل
زايد ضحك : الطيب عند ذكره
رد وحده سبيكر
( سيف : يا مرحبا ومسهلا
زايد : مرحبتييين .. انت سبيكر ايه
سيف : احم احم منو عندك ؟
زايد : خالوه
سيف : اميي ؟
زايد : هييه
سيف : اماييههه وانا قالب البيت ادورج من الصبح
ام سيف وهي تضحك : حبيبي طلعنا من المستشفى انا وروضة ورحنا الخياط (زايد رفع راسه يتطالعها بخوف) وعقب دقت لي ام زايد وقالتلي تعاليي مسويه عصيده بتعيبج وانا تعرفني مره ماصبر عن العصيده
سيف نقع من الضحك : بالعافيهه فديتج
ام سيف : الله يعافيك
سيف : بتخبرك زيود شو جدولك
زايد : ماشي يالس ف البيت
سيف : بنيه انت بنيه كله يالس ف البيت
زايد : بيتوتي يا ريال تعرفني ماحب اظهر
ام سيف : سيفوه لا تخرب الولد
زايد : سمعتتت لا تخربنييي
راشد وهو نازل من ع الدري : يابوييي انت تخرب بلد سير لاه
سيف نقع من الضحك
زايد بنبرة تهديد : روييييشد
راشد بضحكه : زيوووووود
سيف : شو فيكم انتوا .. توكم تتعرفون ع بعض .. المهم يله من رخصتكم انا برد ارقد نلتقي ف الويكند
زايد : تم يله )

راشد كان عادي يعني ياخذ ويعطي مع روضة ف ام سيف متعوده ع ه الشي
راشد : روضهه علومج ؟
روضة بهدوء وابتسامه : طيبه انت شحالك ؟!
راشد : بخير دامج بخيرر .. بلاه صوتج مريضه ؟ (ولف يتطالع زايد الي يعابل فونه بس يسمعهم ومركز معاهم)
روضة : لا
ام سيف : كلللل هذااا ولاااا ؟؟؟؟؟ يابوج نحن من امس ف المستشفى .. ونتي مره كل شوي حرارتج تزيد وبعدج تقولين لا
روضة ضحكت : امايه ترا اختصر الوقت واقول لا
راشد وهو ناقع من الضحك : واضح عموه طفرت منج
ام سيف : كان الود ودي افرها ف المستشفى واسير عنها .. مرهه ماداني طبع المكابر هذا
زايد ابتسم
ام سيف : هيييه هييييههه اضحك يابويه تراك الا شراتها وشرواها
زايد هني صدق ما رام يتحمل ونقع
يتهم ام مايد ويلسوا يسولفون وجيه

فليل
زايد دق ع روضة
(زايد : خفتتتتت عليييييييج رواااض .. والله اني تميت متروع اقول شو صابها هاي ليش ما ترد غرييييبه
روضة وهي تضحك : وعليكم السلام والرحمه
زايد : ايييييه تختبرين صبري شوو .. ارمسج وينج زيغتييني
روضة : يعني زيود ما سمعت امايه وهي تقول كنت ف المستشفى
زايد : سمعتها وعسب جيه داق اتطمن عليج واسالج شو استوالج ؟
روضة : مم عقب ما وصلتنا وجيه ريحت شوي ويتني امي تجيك حرارتي وجافتها ارتفعت وايد ف سرنا المستشفى ويوم جافوا الحراره مب طايعه تنزل رقدونيي .. وليش ما شليتي فونج يا روضة ؟ لان ما مداني اصلاً طلعنا بسرعه
زايد : ما عليّه من فونج الحين .. شحالج انتي بخير ؟ طمنيني دخيلج
روضة : هيه الحمدلله بوايد احسن والله
زايد : الحمدلله .. ما تجوفين شر فديتج
روضة : الشر ما اييك زيود
زايد : رواضي
روضة : لبيه !!
زايد : مم لا خلاص سكب
كملوا سوالف وجيه لين رقد زايد )

بعد اسبوعين
بو سيف .. سيف .. مايد .. زايد .. راشد .. و روضة ف المطار
طبعاً روضة حاسه انها وايد منبوذه بما انها وسط شباب
بو سيف : ابوي انا ماروم امشي .. بروح بتيلس لي ف كوفي بقند راسي ونتوا حوطوا برايكم .. روضة حبيبتي لو تبين شي دقيلي
روضة : ان شاء الله
مشوا الخمس وهم مب عارفين وين يسيرون اصلاً
زايد وسيف وراشد يسولفون ومايد و روضة يسمعونهم بهدوء
بعد عشر دقايق ع ه الحال
مايد : شحالج روضة ؟
روضة : الحمدلله مايد انت شحالك ؟
مايد : بخير وسهاله .. ترا م عندي سالفه بس مليت من سوالفهم
روضة ضحكت
زايد لف بيتطمن ع روضة وجافها ترمس مايد
سيف : حصلت حد تقزر وقتها معاه
زايد : ها ؟
سيف : اطري روضهه
راشد لف يجوف مايد وروضة
مايد : بلاكم اييه ؟؟
راشد : ماشي سييف يالس يقول روضة حصلت حد تسولف معاه
روضة رفعت راسها جافت شرار يطلع من عيون زايد
مايد : سوالفكم تنمل بصراحه شنسوي
سيف : سوولف انت
فج مايد سالفه و ه المره زايد الي التزم الصمت وسار صوب روضة
روضة بتوتر : بلاك زايد ؟
زايد : ما بلاني شي
روضة : كل ه النظرات والشرار الي يظهر من عيونك وتقول ما بلاني شي
زايد : عن شو كنتوا تسولفون ؟
روضة ضحكت وعقب قالت : سوالف خاصهه
زايد : روضهه لا تستفزينييي
روضة : شوووو
زايد : قوليليي عن شو كنتوا تسولفوون
روضة : عنك .. يالس يقول انه مستهم عليك وقلتله ان زيود قدها بإذن الله وان ما عليه شرر
زايد تلوم وابتسم ف نفس الوقت
روضة ضحكت
زايد : شو ؟؟
روضة وهي بعدها تضحك : تذكرت نظراتك
زايد وهو يضحك : اييه كف كف روااض
روضة اشرت له انها بتسكت خلاص
زايد ضحك