غلاك على كل البشر ماخذ الأول

البارت ١٤

زايد فج عينه بالقو
روضة : زايدي يله حبيبي تأخرر الوقت
زايد عدل يلسته بتعب : عنبوو ه الكثر ترمسين خووج
روضة : قلتلك ما برد انت اصّريت !!
زايد : شعرفني بتطولين ه الكثر ههههههههههه
روضة ابتسمت
زايد : شو يبا ؟
روضة : قالي قبل لا تيون اباج تاخذيلي اغراض
زايد : متى بتسيرين ؟
روضة : باجرر ان شاء الله
زايد : ما تبين تروحين الحين ؟
روضة : لا الحين بتم عندك
زايد : فدييتج
روضة : فدااك كليي
قاموا اليووم الي عقبهه خذووا اغرااض سعييد واتجهوا للمطار كلهم
خوله طبعاً م بغت تييلس عدال روضهه ف يلست عدال محمد
المهممم وصلوا الامارات الحمدلله بسسلامه وقرروا يودون كل واحد بيته
نزلوا زايد واخوانه
زايد ابتسم و ودعهم بكسر مع ان بيجوفهم فليل لان اغراضهم عندهم

دخل زايد البيت بابتسامه
جاف امهه ونسسسى عووقه
ساار صوبها وحضنها بكل قوته وباسها ع راسها وكتفها
زايد : اميييه اشتقتت لج والله
ام مايد : والله انييي اكثرررررر .. البيييت موحش بدووونكم
مايد سحب زايد ع طرف : دورناااا دوورنااااا زيووودد
ام مايد ضحكت
يلسوا شوي جيه وعقب وقف زايد بتعب
زايد : يله من رخصتكم
مايد : الله يحفظك
ام مايد : زايد بوعييك الساعه ٧ عسب نسير بيت عمك مسوي عزييمه
زايد : ان شاء الله
سار عنهم فوق

زايد كتب لروضة : " عيوني انا برقد "
روضة : " نوم العوافي فديتك "
وطى فونه ورقد بتعب
عقبها بشوي لحقوه كلهم ورقدوا

الساعه سبع ونص ام مايد وعت زايد
زايد : قمت امايه !!
عقبها سارت توعي الباقين
زايد شل فونه ودق ع روضة .. اول مره ما ردت وثاني مره ردت بصوت كله رقاد
(روضة : الوو
زايد الي روحه صوته كله رقاد : فديت ه الصوت الراقد محلاهه
روضة ضحكت : شو تبا زيوود ؟!!
زايد : قوميي بسسج .. ابا اجوفج تعالي بيت عمي
روضة : قلت لاميي اني ما بسيرر
زايد : هاي بدايتها ؟ اييييه لا تستهبلينن روااض تعالي دخيلج
روضة : زيوود والله فينيي رقااد
زايد زعل حبتين : خلاص امورج طيبه
روضة عرفت انه زعل : ايييه زاييد
زايد : هلا فديتج
روضة : ليش زعلت
زايد : ما زعلت حبيبتي
روضة هني صدق تلومت
زايد : يله انا بسير ابدل
روضة : الله يحفظك
بند عنها )

دقت روضة ع امها وقالت لها انها بتسير وياها
تلبست وتكشخت ونزلت لامها وساروا

كانوا كلهم يالسين ف الصاله ويوم دخلوا فز قلب زايد .. صدق تشقق
سلموا ويلسوا
ام مايد : روضهه حبيبتي هاتيلي ماي
روضة : ان شاء الله
قامت روضة صوب المطبخ
زايد لحقها بهدوء ..مسك ايدها وسحبها برا من باب المطبخ
زايد بعتب : لازمم تذليين الواحد ذل عشان يجووفج .. ما تقدرييين اني اشتاق لج ف كل دقيقه وثانيه ؟!
روضة ابتسمت : هد ايدي عن ايي حد
زايد رد لها الابتسامه : محد يهمني !!
روضة ضحكت : زيوود عااد
زايد : ها عاد هااا حبيبي
روضة ذابت من المستحى : شفيييك انت اليوم ؟
زايد : مشتااق لج .. اتوقعع انيي ما انلامم هناك اربعه وعشرين سااعه انتي ويايهه
روضة ابتسمت
زايد : يا ويييل حالييي
روضة دزته بهدوء وهي تبعده عسب تخطف : خالوه تبا ماي قووم
زايد ضحك : يا الله يا امييي خربت عليّه
روضة ضحكت ودخلت عنهه
شلت ماي وسارت عطته لام مايد
ام مايد وهي تسولف : عباليي رقدتي
ررضة ضحكت : سسرت هناك جفت زايد تعبان ف عطيته بندول وها
هاييي اول ترقيعه يت ع بالهااا
ام مايد : ويدييي شفيه
روضة : مادريي يقول مصدع
يا زايد بهدوء كعادته وهو منزل راسه عشان البنات الي يالسات
ام مايد : زااايد اميي شفيييك
راحت روضة يلست مكانها
زايد : ما فيّه شي امايه
ام مايد : روضهه تقول انك تعباان
زايد رفع راسه يتطالعها عرف ان سألوها عن سبب تأخيرها وتوهقت : امايه لا تحاتين صداع خفيف بس
باسها ع راسها وراح يلس مكانه
زايد مسك فونه وكتب لروضة : " يا حيوانه تفاولين عليّهه "
روضة : " سوري حبيبي اول شي طرا ع بالي هههههههه "
زايد : " ابا رضووووه بسسسسرعه "
روضة : " يكفييك وجوودي طال عمررك "
زايد نقع من الضحك ف سكر الفون وحاول يلتهي عسب ما يتم يضحك
شوي ودخل سيف
زايد سلم علييه وخذ علومه وجيه وعقب ساعه زقره مكتوم
زايد : صبر سيف بييك !!
رفع فونه يجوف اذا روضهه مطرشه شيي
روضة : " بسسسك سوالف .. يعنيي انا يايه عسب اجووفك تسولف ويا اخويهه ولا كيف ما فهمت ؟؟؟ "
روضة : " ايييييه زيووود بسسسسس "
روضة : " زيوود ترانييي برد البيييت "
روضة : " اوهوووو زاااايد عااااد "
زايد طرش لها فويس وهو يضحك : " ردي ردي بيتكم عندي مكتوم وسيفوو "
روضة : " افااا يعني هاييل يغطون مكانيي "
زايد : " لا والله يخسسون هم الاثنين اسولف وياج حبيبتي .. ييت عند مكتوم يباني ف سالفه .. من اخلص بفضى لج فديتج "
روضة : " خذ راحتك "

زايد وهو يرمس مكتوم : بلاك يا ريال خوفتني
مكتوم : اعطيك اياها من الاخر ولا امهد لك الموضوع ؟
زايد : عطني اياها من الاخر
مكتوم : مم ارمس وحده
زايد انصدم صدق يعني توقعها من الكل الا مكتوم
مكتوم : يعني هي البنت تعرفونها كلكم
زايد : صبر صبر شوي استوعببب .. منو البنت ؟
مكتوم : ممممممم وديمة
زايد فج عينه ع الاخر : هههااااااا ؟؟؟؟
مكتوم : وديمه
زايد : اي وديمه ؟ هااي اليي كناا نلعب وياها ونحن يهال ؟!
مكتوم : هيييه
زايد : تستهبل ولا صدق ؟
مكتوم : والله صدق
زايد : من وين يبتها هاي
مكتوم : امسات كنا سايرين الكوفي انا وميثاء ..... (ويلس يقوله السالفه ومتى التقى فيهم)
جافوا روضة وامها وسيف طالعين
سيف : زيووود بوصل الاهل وبييك
زايد : تمم
خطف سيف وزايد ابتسم لروضة
مكتوم : وانت بعد انا شاك فيك
زايد : انا ؟؟؟! شسويييييت ؟؟
مكتوم : شو بينك وبين روضة
زايد توهق : ما بيننا شي
مكتوم بنبرة ان تراني زاخنك : زييوووددد قول الصدقق
زايد حط ايده ع شعره ولف : نزيين مكتوم قلتلي ترمس وديمه
مكتوم ضحك
زايد : نزيين اسمع عندي سؤال
مكتوم : اسأل
زايد : لييش صارحتني ب هالشيي ؟!
مكتوم : مااعرف .. يعنيي من يوم صغار انا وايد احسني قريب منك ف م حصلت حد غيرك اقوله
زايد ابتسم : يلههه نسييير نخطبها
مكتوم ضحك : صبرر يا رياللل تونا ما قلنا بسسم الله
زايد وهو يضحك : بخطب لك وانت اخطب لي
مكتوم : منو تبا ؟!
زايد : بقولك عقب شهرر
مكتوم : تم بس ترا يعني وايد واضح منو تبا
زايد ضحك وعقب هدوء تثاوب : شكليي برد البيت ماروم اترياا سيف
مكتوم : سير سيرر بلعتنا
زايد سلم عليه وراح

وهو ف السياره دق ع روضة
( زايد : ياا هلاا بالخفووق
روضة : هلاا بك زوود
زايد : ويينج ؟!
روضة : ع فراشيي
زايد : ما شبعت من شوفج اليوم
روضة : راحت علييك .. باجر بتجوفني
زايد ضحك : يوم اقول تذل الواحد ذل
زايد ياه الم ف خاصرته وهو يسوق .. حط ايده ومسك عمره بالقو عسب ما يصرخ
لف السياره و وقف ع طرف الشارع وهو صدق يتألم
روضة : زيودي ؟!
زايد وهو يحاول يخفي الألم : قلبه فديتج امري
روضة : احبك !!
زايد ابتسمم : وانا اعشقج و بعشقج لاخر نفس ف حياتي
روضة بحب : ماقدر اعيش بدونك زايد .. استوييت صدق جزء من حياتي ولا اقول استويت حياتي بكبرها .. الله لا يحرمني منك !!
زايد : ولا منج يا نظر عيني !
روضة : حبي ؟
زايد : قلبه ؟
روضة : بلاه صوتك ؟! شي صابك ؟!!
زايد : لا فديتج لا تحاتين
زايد سمع دق ع الدريشه ف نزلها
(مكتوم : زيود شي بلاك ؟! ليش واقف اهنا
زايد بابتسامه صفرا : ما فيّه شي بس تعايزت اكمل لين بيتنا
مكتوم : علينا ؟! تكلم صدق شفيك
زايد : اقولك ما فيّه شيي
مكتوم رفع راسه وجافه ف كول ومكتوب يعني " الخفوق (وقلب) "
زايد : شفيك تتطالع جيه جنك ماسك عليّه شي هههههه؟
مكتوم : الخفوق عيل ها
زايد : لا تظلمني يالس ارمس امايه توصيني تبا اغراض من برا
مكتوم للحظه صدقه : خالوه لا تطرشينه ها سكراب مرره ما ينفع .. بنوديه الصناعيه بنبدله
زايد بضحكه : تبانييي اسكررر الدريشه ع ايدك الحينه يا الهيسس
مكتوم : لا لا مشكور ما يحتاي .. خل ها الحين .. تباني اوصلك زيود ؟!
زايد : لا ما يحتاي طال عمرك ما تقصر
مكتوم : قصر عنك الشر .. (دقه ع كتفه) انتبه ع الدرب بن عمي توهم معدلين الشوارع !!
زايد ضحك : تم
راح مكتوم وحرك زايد)
زايد : انزيين حياتي علومج بعد
روضة بهمس لانها ف اخر مراحل مقاومة الرقاد : زايد من توصل واقع عشان اتطمن
زايد ضحك لان عرف انها تبا ترقد : ان شاء الله فديتج !!
شوي ورقدت روضة و وصل زايد البيت .. طبعاً يعني ما صرخ بس دخل غرفته خذ مسكن ورقد معاها ف الكول )