قامت روضة عنهم وهي حاسه ان نتفه وبتنفجر وسارت المطبخ
وهي واقفه وعاطيه الباب ظهرها ودموعها تنزل سمعت صوت واحد يرمسها
.... : بتصدقيني لو اقولج هاي اول مره اجوفج فيها ؟
روضة تصنمت ونبضات قلبها تسارعت
.... : فيج شي روضه ؟
روضة ونبرة الصياح مبينه ف صوتها : زايد دخيلك !!
زايد تلوم : خلاص اسف !! بس لا تضايقين بعمرج روضة ت...
راشد دخل وهو مبتسم (ما جاف زايد لانه كان ع طرف) : روضووووههه
روضة مسحت دموعها ولفت صوبه والتقت عينها بعين زايد مره ثانيه : هلا
راشد استغرب يوم جاف زايد : اوه زايد انت هني !!
زايد وهو يتطالعه بطرف عينه ان خربت علي يالخايس : هيه
راشد : اوه سوري خربت عليكم
ويا بيطلع
زايد : تعال تعال أنا بظهر اصلاً
روضة ما كانت جايفه زايد من قبل إلا ع قولتها يوم كانوا صغار ف كانت كل شوي ترفع راسها تتطالعه وترد تنزل راسها ونفس الشي زايد الي روحه مصدوم من عمره ان كيف يتطالع بنت غير خواته جيه
راشد : انزين ليش ما نيلس أنا وانت
زايد اشر ع روضة بعيونه وابتسم
تحركت روضة ع اساس تطلع
راشد : بنتتتت الللللل ... (سكت ما كمل عقب قال) اييييههه نحن مب يالسين ساعه نتعازم عسب انتي تقفين بنا وتطلعين
روضة بهمس : شسوي ؟
راشد : يلسي بنسولف
روضة توترت : رااشد !!
راشد : هااع
روضة : بسير الصاله
راشد : يلسيي اقولج
روضة : اوكيييه لا تواقع
يلسوا هم الثلاث ع الطاوله ... زايد وراشد عدال بعض و روضة مجابلتنهم
تموا ساكتين لمدة دقيقتين كل واحد يتريا الثاني يسولف
راشد بملل : سولفوا ولا تراني بسولف
زايد : دخييلك راشد ... صكه صكه ه الراديو
راشد : شو صكه ... مااا سوولفتتتت بعدنييي
أنت تقرأ
غلاك على كل البشر ماخذ الأول
Romansaتبدون الرواية وتأخذك الحيرة لحد ما تنتهي ... ترقبوا !!
