غلاك على كل البشر ماخذ الأول

البارت السابع

زايد تلوم وابتسم ف نفس الوقت
روضة ضحكت
زايد : شو ؟؟
روضة وهي بعدها تضحك : تذكرت نظراتك
زايد وهو يضحك : اييه كف كف روااض
روضة اشرت له انها بتسكت خلاص
زايد ضحك

المهمم تمشوا وجيه وعقب اعلنوا ان بيسكرون البوابه وجيه ف راحوا الطياره
كان سيف يالس عند ثنين شباب
بو سيف نفس الشي بس ان معاه مايد
راشد وزايد وروضة عدال بعض
روضة : شهالبلى ما لقوا الا راشد ايلسونه هني
راشد : بصفعج يالحماره
زايد : تصفع منوو اييييه
روضة طبعاً ما كانت تعرف ان راشد يعرف انهم يرمسون بعض ف استغربت
زايد يوم جاف نظرة الحيره عليها كمل : بنيه بنيه هاي
راشد حاول يكتم ضحكته بس ما قدر وفطس
زايد وهو يضربه ع ايده : اييييه ف طياره نحن .. صوتك صوتك
روضة : زايد جنك يد
راشد وهو يضحك : وهي صادقه والله
زايد : ادافع عنج من الصبح يال....
ما كمل لانه بهت ف الريال الي يا وبكل برود يلس عدال روضة
زايد بهمس : يستهبل ؟
راشد : مكانه شو يسوي بعد
زايد وقف : قوم
راشد : وين ؟
زايد : ايلس مكاني وروضة بتقعد مكانك
روضة قامت بدون ما تقول شي ويلست مكان راشد وراشد عدال الريال وزايد ف النص
راشد بهمس : ارتحت ؟
زايد : وايد
اقلعت الطيارة
ما كملوا دقايق الا وراشد متعرف ع الريال ويسولف معاه ويياخذ ويعطي
زايد : ما شاء الله عليه رشود
روضة ضحكت : زايد !!
زايد : قلبه وروحه
روضة ابتسمت : كيف تحس عمرك ؟ وايد تعبان ؟!!
زايد : دامج معايه لا مب تعبان
روضة بمستحى : زاااايد
زايد : ها زايد هاا
روضة ابتسمت
يلسوا يسولفون وياخذون ويعطون و ه الساعات خلتهم يتعرفون ع بعض اكثر ويتقربون من بعض

وصلوا وكل واحد هلكان اكثر عن الثانييي
استلموا الشقه وكل واحد بخ رقاد لين قال امين
عقب عشر ساعات
بو سيف : يلهههه نشششووواااااا .. يا الله شو يايب انا دببه مب بني آدميهه
دق ع روضة الباب بهدوء : روضة ابويه قوميي بسج رقاد
روضة بكسل : ان شاء الله ابويه
وعقب راح للشباب وقومهم

طلعت روضة عقب ما تسبحت وخلصت امورها وجافت ويوه الشباب وهم معصبين ان ليش بو سيف يوعيهم
روضة بضحكه : بلاكم بسم الله ؟
راشد : كلمة زيادة وبطلع حرتي فيج
زايد عطاه نظره
روضة ضحكت : اويه !!
سيف بابتسامه : روااااااض دخيييلج نبا قهوهه سويلنا
روضة ردت له الابتسامه : ان شاء الله
سيف : احبج احبج يا احلى اختتت
راشد : تغايضنا لان ما عندنا اختت يعنيي ؟
مايد وهو يضحك : اليي ع راسهه بطحهه يتحسس
راحت روضهه عنهم ودخلت المطبخ وطلعت الاغراض وطلعت القهوه الي يايبينها من الامارات وقامت تسويلهم وسوت لهم سندويجات خفيفه ياكلونها
سارتلهم وعطتهم
زايد بابتسامه : تسلم ايدج
روضة بابتسامه اقين : ربي يسلمك !!
سيف : تعاليي ايلسيي
روضة : بزقرر ابويهه
سارت زقرته ويلسوا ياكلون ويتقهوون وعقب تبدلوا وطلعوا يستكشفون المدينه
روضة تمشي عدال ابوها وتسمع سوالفه مع زايد والباقين وراهم يسولفونن
بعد ساعه من المشي
بو سيف : يابويه انا رويلاتي عورنّي برد الشقه ونتوا كملوا
زايد : افا يا عمي وانا اتحراك شباب
روضة : ابويه شاب لوسمحت لا تغلط عليه .. هو بس مرهق
بو سيف ضحك وسار عنهم
سيف : وين راح ابويه
زايد : الشقه يريح
سيف : ههييييي
زايد : امشي شوي شوي عسب نكون وراهم مب جدامهم
روضة ضحكت : اوكييه
دخلوا كوفي وكله مواطنين سبحان الله وعرب يعني
يلسوا جيه ع وحده من الطاولات
زايد رفع حايبه يتطالع الي جدامه وحاط عينه ع روضة
زايد وهو يهمس لراشد : بقوم بفقع له عينه تراني
راشد : منو هو ؟؟
زايد : ها الخايس يالس يتطالع روضة من يوم دشينا .. تعال انا ليش اقولك بقوم ادفنه (يا زايد بيوقف ومسكه راشد)
راشد مسكه من ايده : ايييه زيودد لا تستهبللل اييلس
سيف : شفيك زايد ؟؟
زايد يلس لان راشد شد ع ايده
راشد : يبا اييبلي كيك غصب لاني قلت فخاطري بالغلط
زايد رفع راسه وعطى الي جدامه نظره وفهم هذاك ان لو ما اصطلب بييه طراق
زايد وصله نوتيفيكيشن سناب
روضة : "زيود بلااك ؟"
زايد : "ما تجوفيييين ه الحمااار كيف يتطالع رواااض ؟؟"
روضة : "اجوفه .. بس يعني تحرق اعصابك لانه يتطالع"
زايد : "هيه هيههه احرق اعصابي شوو عندههه يتطالع"
روضة : "اويه زايد بلاك اذا سيف ما سوى ها كله"
زايد : "احبجج روضهه احبببج .. الحييين عرفتيي ليششش .... مارضضضى حدد يتطالعجج .. اغغااررر عليييج من ظلججج .. مننن ظلجج تعرفيين شو يعنييي .. ف ما بالج من كلب يتطالعج"
روضة انحرجتتتتت و ويهها قلب الوان والتزمت الصمت .. قرت وما ردت سكرت الفون ع طول
زايد يلس يطقطق اصابعه ويعض اظافره وهو متنرفز
مايد : زيود تعال اباك شوي !!
طلعوا زايد ومايد برا
مايد : شفيك زايد ؟ ليش معصب ؟؟
زايد : مب معصب ما فيني شي
مايد : تبا الصدق لو مب ان العرق الي فيبهتك ناط كنت بصدقك
زايد تنهد
مايد : شو فييك ؟!
زايد : مايد متضايق شوي خلني هني ولا تطرشلي حد
مايد : خلاص ع راحتك واذا بغيت شي دقلي
يلس زايد ع اقرب كرسي وهو يحس ان اي شي جدامه بيشوته

دخل عندهم مايد
مايد : ياخي مادري ع منو طالع ه الريال كبريت
سيف : ع ابوك ع منو بعد .. صبر بسير له (وقف)
مايد : ايلس ايلس سيف ما يبا حد يكلمه
يلس سيف
راشد : روضة احس سيري له انتي
روضة : ما سمعت ميود يقول ما يبا حد
راشد : انتي بنت .. غير .. بيستحي يقولج شي .. وغير جيه عندج اسلوب ف الاقناع سيري
روضة بتوتر : اوكيه
شلت فونها وطلعت

طلعت ونظره ع طول توجه عليها وتم يترقبها لين يت ويلست عداله بس ان يعني مب وايد قريب منه .. تموا ساكتين لمدة خمس دقايق
روضة بتوتر : اعصابك يا ريال .. انفاسك يسمعونها داخل
زايد : روضهه ؟
روضة : همممم
زايد : انااا اعيششش صراااععع داخليييي ... ما بيينن ههييي ولااااا .. مااا بيييننن قلبييي يقولييي حبههااا وعقلييي يقولليييي يياا زاايدد هاااييي اخختت اقررببب النااسسس لكك .. وعقببب ه الصراععع كلهه اعترفف لجج بحبييي وتجوفييين وتتجاهليييين
روضة بهدوء وهي تتطالع تحت : في فرق بين اني اتجاهل واني اتوتر واستحي وماعرف ارد .. عبالك حابه الف ومرمسه الف قبلك ؟ لا زيود .. عسب جيه توترت ما عرفت ارد عليك
زايد تلوم : اسف !
روضة بابتسامه : ماشي مشكله زايد !! ممكن الحين تطم ه القنبله الي فراسك وتدخل لاني يعت
زايد : ممكن بس بشرط !
روضة : عيوني لك زايد
زايد تطالع عيونها باعجاب وعقب قال بضحك : روحي داخل خلاص بييب فيج العيد الحينه
روضة ابتسمت : ماشي طلب يعني الحمدلله ما يحتاي اعطيك عيوني بخليهن لي
زايد نقع من الضحك
قاموا وساروا داخل
راشد : قلت ولا ما قلت ؟
مايد وسيف : قلت
زايد تطالعهم وفهمهم من نظراتهم بس التزم الصمت ويلس مكانه

اليوم الي عقبه الصبح ساروا المستشفى مايد وزايد وبو سيف
سيف كان راقد و روضة وراشد كانوا مجابلين بعض

لين قرب الظهر ردوا وتغدوا وعقب رخصهم بو سيف وقالهم يسيرون وين ما يبون وهو بيروح صوب شباب او يعني شياب تعرف عليهم
طبعاً سوو تصويييت واخر شيي قرروا يسيررون حديقة او الملاهي
سيف : يا هييي حالهه اسميكم يهالل لو سايرين نقعد ف كوفي مب احسسسن ؟
مايد : لو سسرت ويا ابووك مب احسن ؟!
ضحكوا كلهم
دشوا ولعبوا كم لعبه
راشد : عندييي لكممم مكان طرررررر
الكل : ويين ؟
راشد : بييت الرعبب .. يمدحونهه مالهممم .. تخيلوا ف البدايهه يكون نفس القطار وجيه وعقب تكمل ع ريولكم
مايد : فوققق
روضة تطالعتهم بصدمه
يوم وصلوا صوب بيت الرعب روضة زاغت من الززعيق
تمت واقفه ع طرف
سيف : يلهه روضهه
روضة : ما بدشش
سيف : شو يعني بتمين هني تتريين ؟
روضة : هييه
حركوا وعقب جافوا زايد م تحرك و وقفوا
زايد : سيروا سيروا بييكم انا
الشباب : زين
وراحوا
زايد : شو يعني تتمين هني روحج روضهه .. انا ف الشقهه ما امنت اخليج روحج تبيني اخليج هني وبدون حد بعد !!
روضة : زاايد اخاف ياخييي
زايد : روااض ماشي يخوف انا انا بكون معاج ومحد بيقرب منج
تمت تتطالعه لين استسلمت للامر الواقع
راحوا صوب الباقين ويا دورهم
روضة : والله ما اقعددد ع الطرففف سييفففف والله
سيف : تعاليي تعالييي ف النص انزيييين
قبل لا تبدا اللعبه سار سيف صوب راشد ومايد وسحب ع روضة وزايد
زايد : جوف الخايس
بدت اللعبه وتحرك القطار وكان بطييء وكل مره تطلع اصوات تزيغ وناس واشياء تتحرك
و روضة حرفياً ميته من الزيغه بس متحمله عسب ما تبين ياهله

قاايزززززز
عندكمممم خياريييين
يا اوقف كتابهه او ياا ف ه البارت يعني تكتبون لي افكار حق البارت الي عقبه واكثر فكره تكون مناسبه بكتب عنها
لان حرفياً ما عندي افكارر 🌚.