غلاك على كل البشر ماخذ الأول

البارت ١٧

روضة يعني ف البدايه صدق انصدمت ان ها شيسوي هني
نزل زايد من السياره وسلم ع محمد ... علومك شخبارك هني هناك .. وهو كل الي شاغل باله ان محمد يكون جاف روضة
محمد لف يتطالع السياره بشك
زايد يوم تأكد ان محمد جاف روضة توترر .. يعني مب خوفاً من محمد ولا شي بس ان سمعة البنت
زايد بنبرة عصبيه : عندك شي ؟
محمد : لا سلامتك
سلم عليه وسار
ركب السياره وعرقه من زود التوتر يعوره
روضة بكل برود : يبدو ان أحدهم متوتراً
مسكت ايده بهدوء وابتسامه ويلست تمسح عليها عسب تخفف توتره
زايد بصدمه : انتي كيف جيه باردهه ؟!!! انا مب خايف عع عمريي .. خايف عليييج .. عن يسير يقول لسيف ولا ابوج شي
روضة : ما يروووم
زايد : كيف يعني ما يروم روضة
روضة : بقولك السالفه بس انت اهدا شوي
زايد رد راسه ع السيت : هديت هديت قوليلي
روضة : الموضوع وما فيه يا طويل العمر .. ويت تحيد يوم كنا ف امريكا وهو يتم يتطالع وعقب انت روحك تنرفزت
زايد حرك راسه ب ان هيه : هيه بس شو يخص ؟؟
روضة : من عقبها م ارتحت لهه يعني حسيت شي وراه
و ف نفس اليوم يا ويلس يلمح ان اباج وجيه وما عطيته ويه
ويوم ردينا البلاد شغلت تحرياتي ويلست استكشف ماضيه وحاضره وكل شي (زايد عدل يلسته باهتمام) ... وعرفت يا طويل العمر ان محمد "..........................." .. وعبالك سكت ؟؟! لا والله تلاقينا ورمسته وقلتله شو مشكلتك وجيه وقالي يا فلانه تراج ف خاطري .. قلتله جرب ترمس ابويه عني وبقوله ها كله .. طبعاً الريال انصدم ف البدايه وعقب قاليي الريال ما يعيبه شي .. قلتله اوكيه م يعيبه شي .. ومن دق الباب ياه الجواب .. سر جرب دق الباب .. وطبعاً من هذاك اليوم هو كل م يجوفني ينزل راسه
زايد بذهول : يخربييييييت.... (سكت ما كمل) كيف عرفتيي ها كلههه
روضة : اسرارر
زايد بضحكه : مقوااااج
روضة حطت ايدها صوب قلبه بابتسامه : تطمنت الحيين ؟
زايد مسك ايدها : هييه تطمنت
باس ايدها ويلس ع ه الوضع تقريباً ١٥ ثانيه وروضة قلبها يدق بقو وذايبه من المستحى
عقبها هد ايدها وسحبتها وعدلت يلستها
عقب ربع ساعه من الهدوء ضحك زاد وقال : عرفنا كيف نسكتج .. كل مره تقرقرين ببوسج وبتسكتين هههههههه
روضة ضحكت وضربته بخفيف ع كتفه : كلب ياخي
زايد : تبينا نلف صوب دار الحي ؟!
روضة رفعت راسها بصدمه : الحييييين ؟؟؟؟
زايد : هييه ليش لاا
روضة : زيوود تحمست جنك .. ما يمدي احس .. يعني متى بنروح متى بنرد
زايد : هو صح .. بس مابا اردج بيتكمم .. ما شبعت منج .. ما بنطول ما بنطول
حرك صوب دبي
ارتخت شيلة روضهه وما عدلتها يعني .. لانن شعرها م كان طالع
زايد : اووي خذتي راحتج .. ترانا ف شارع الناس يجوفون
روضة : هلكت زاايد !!
زايد ضحك وسكر الشمسيه الي جدام : مع ان عليها مخالفه بس لاجلج يهون
روضة : لا بويه خلاص بتشيل فج
زايد : برايه برايه
روضة : زيود صد هناك شعري تبطل بلفه
زايد : ما بلف لفيه جدامي
روضة : زيوود عاد
زايد لف : ها زيود لفيييت
يوم حس انها فجت شعرها لف يتطالعها
يلس زايد يتأمل شعرها : ما شاء الله تبارك الرحمن
روضة كملت بتوتر بس ابتسمت يوم سمعته جيه يقول ويوم جافت نظراته
زايد : عادي امسكه ؟
روضة حركت راسها ان هيه وهدت شعرها وانسدل ع كتوفها و وصل ليين اخر ظهرها والباقي ع الكرسي يعني
حط زايد ايده ع شعرها : ما شاء الله ما شاء الله !!
ضحكت روضة ولفت شعرها ع السريع وحطت الشيله ع راسها ما تشيلت عدل يعني
ويلست تسولف معاه وهو بس يتأمل شكلها وشعرها
عقبها ب ربع ساعه
زايد : عيوني يوعانه ؟!
روضة : نو
زايد : والله احسج يوعانهه
حط ايده ع بطنها بخفه : ولديه يوعان ما كل
روضة استحتتتت
مسكت ايده وشلتها عنها : ما فيك ادب انت هههههه ؟!
زايد بابتسامه : لا ما فيني يوم اكون معاج
روضة ضحكت
رن فون زايد وكان شابك ع السياره
( راشد : الوو
زايد : هلاا رشوود
راشد : انت وييين ؟؟ ييت الدواام ما حصتلك ؟!
زايد : ساير دبي
راشد : شوو عندك هنااك
زايد : اتحوط
راشد : مع سيف ؟
زايد : لا اخته
راشد شرق : شووووو ؟؟؟
زايد : ساير مع روضهه
راشد : كيف يعني ؟
زايد : جوف ما كنت بقولك .. بس قلتلك لانيي اعرف حركاتكم .. عادي تدقون سلف وتيون الحين
راشد : ها الي كنت بسويه لو ما قلتلي انك ويا روضهه
زايد ضحك : جفت !
سولفوا مال دقيقتين وبند زايد )

زايد : وين تبينا نسير فديتج ؟!
روضة : ماشيي مكان معين ف باليي
زايد : نزييين بقولج ونتيي اختاريي
روضة : يلهه
زايد : دبي مول .. القريه .. سيتي ووك مع ان م فيه شي .. قوارب و ه السوالف .. تخيري وانا تحت امرج
روضة : ههممممم .. احس دبي مول
زايد : تمم
روضة : تمت افراحك
زايد : يبالنا مال ربع ساعه
روضة طلعت شنطتها وعدلت بلاشرها و قلوسها وزايد يتأملها
زايد تقرب وباسها ع خدها : محلاج !!
روضة ابتسمت وعدلت شيلتها : ركز ف دربك
زايد : انتي دربي
روضة هني صدق تشققت بس يعني الي بينت ابتسامتها
زايد بركن وهيك
زايد : اتغتر ولا البس كاب
روضة : همممم .. تغتر
زايد تغتر ونزل ونزلت وياه روضة
زايد : خلنا نسير ناكل لانيي مييت من اليووع
روضة تقربت من زايد وهي تضحك : شعريه شو يسوي ع كندورتك
زايد وهو يضحك : شكليي يوم ييت وحطيت ايدي ع شعرج يبت العيد وشليت شعرج كله
روضة ابتسمت وعقب قالت : باي ذا وايي عطرك حلوو
زايد : فدااج العطر وراعييه
روضة ابتسمت وهي تجوفه
مسك ايدها واتجهوا صوب المطعم عسب يتريقون
يوم دش ياه النادل مبتسم : سيرر زايدد
زايد مد ايده يسلم وهو مبتسم : يسس بووسس
النادل وه يتطالع روضة : يور فرند ؟
زايد وهو يضحك ويتطالع روضة بكل حب : ماي فيونسيي
النادل نقع من الضحك ودخلهم ايلسون ع وحده من الطاولات الموجوده واليي يسمونها طاولة زايد .. لان كل ما ايي ايلس عليها
زايد : يا مرحبا وسهلا .. هلا بالشيوخ
روضة رفعت راسها وابتسمت له
زايد : شو ف خاطرج تاكلين الغلا ؟
روضة : ع هواك فديتك
طلب لهم زايد ريوق وهيك .. تربعوا وهم يسولفون
ويوم خلصوا جافوا النادل ياي صوبهم وماسك كيكه وحطها جدام روضهه وسار
روضة دمعت وهي تجوف الكيكه مكتوب عليها "احبج" .. حست ان كيووووتتتت
روضة بابتسامه ودموعها ف طرف عينها : زيوووودددد !!
زايد مسك ايدها وباسها قرب الاربع مرات : عيوونه زيود .. قلبهه زيوود .. روحهه زيوود .. كلهه زيووود فداا لج
روضة بوناسه : ثنكيووو سووو مجج حبي والله
زايد : ما بيننا فديتج
خلصوا من المطعم وهيك وطلعوا
كل شوي يخطفون مكان ويسوون شي
روضة : زيود عطني بشل الكيس
زايد : ما عندنا بنات يشلون أكياس
روضة ضحكت : زيود ياخيي ما بروم أتشرى ع راحتي
زايد : ما يخصنيييي قلتلج من الحيييين انا الي بشل

كملوا حواطه وعقب دخلوا مطعم يتغدون
زايد يوم يلس ورفع راسه ضحك .. جاف ربيعه ورا روضة
زايد : حالفين ما اخذ راحتي اليوم ههههههههه
روضة تتطالعه باستغراب : منو ؟!
زايد : ربيعي وراج
روضة : اووه

قام زايد بوم جاف ربيعه يأشر له .. سلموا ع بعض
ربيع زايد : علومك ان شاء الله انك بخير؟
زايد : الحمدلله بخير وسهاله انت طمني عنك
ربيع زايد : الحمدلله عال العال .. هلك ؟
زايد : هيه نعم
ربيع زايد : خذ راحتك عيل واسمحلنا ع الازعاج
زايد : افا ما من ازعاج
سار زايد وجابل روضة
زايد : متى بترمسين هلج ؟
روضة : عقب ربع ساعه جيه
زايد : شو بتقولين ؟
روضة : ان بسير ويا ربيعتي اخلص كم شغله
زايد : عادي عندها امج ؟
روضة : هييه
زايد : اوكييه
خلصوا امورهم وهيك وردوا بيوتهم بسلام

قامت روضة بصعوبه الصبح وهيي تسمع صوت الفونن
( روضة بكل تعب الدنيا : الوو
سلطان : ما بتداوميين ؟
روضة : لا سلطان تعبانه
سلطان : روضهه اليومم عندنا كلاس المشروعع وايد ضروري تحضريين
روضة : تعبانه سلطان حرارتيه مرتفعه
سلطان تنهد : شت .. برايج خلاص برمس الدكتوره انا مع انها شوي كلبه
روضة م بغت تحطه ف ه الموقف مع الدكتورهه : خلاص بداوم
تفاهموا وسكرت عنه )