غلاك على كل البشر ماخذ الأول

البارت العاشر

راشد : حبيبتي هييي دوم جيه وكل مره تلف ع واحد من الشباب ومحد فينا يدانيها والله .. خص زيود ههههههههههههه
روضة : فاتك عيل من شوي كان تكه وبيدفنا
راشد ضحك : شو قالت لهه ؟!
روضة وهي تقلد صوتها : زايد علومك ؟! زااايددد ارمسسسك
راشد نقع من الضحك ع التقليد
راشد : طبعاً زايد سكت ومشى عنها عقب ما عطاها نظرهه
روضة ضحكت : بالضبط !!
راشد وهو يضحك : ياخي احب ردات فعله ينقعني ضحك .. صدق فاتني !!
زايد ياهم
زايد : شو فاتك
راشد وهو يتطنز : رياكشنك يوم خولوه صارحتك بحبها !!
زايد : هااا ؟!!!
راشد : اسستهبل اسستهبل عن ينط لك عرقق
زايد : كف رشود والله ه الاستهبال الثقيل ما نباه !!
روضة : خيبه ليش ؟
زايد لف يتطالعها وهو رافع حايبه : تسألين ليش بعد ؟ (وهو يقلد صوتها) زايددد زيووود علوومكك .. زاييد ارمسسك ياخييي .. (رد لصوته الطبيعي) والله لو مب خوفي من ربي كنت بدفنها ف مكانها !!
روضة وراشد ضحكوا
زايد : ما احس اني انلام والله !!
سيف يا صوبهم وقال بجمود : روضة قلنا يمكن ما تبلعين البنت او يعني استوى موقف بينج وبينها امس بس مب معناته تعقين عليها كلام !!!
روضة الف علامة استفهام ع راسها : انا ؟!!!!
سيف : منو يعني راشد
روضة بصدمه : بس انا ما قلتلها شي !
سيف : يعني بتشتكي علييج بدون سبب ؟!
روضة : شدرانيي فيها هاي مب صاحيهه .. بعد حلوه هاي تييلس تعق كلام وانا الي انهزب
يت بتمشي عنهم وسيف مسك ايدها بقو
روضة هني صدق انصدمت .. حتى انصدمت شوي عليها .. عينها بدت تلمع
زايد يبا يتدخل لكنه ما يحب يتدخل ف المواضيع الي جيه وخص الي بين الاخوان و ف نفس الوقت مب هاينه عليه روضة
راشد : سيف .. روضة من متى معايه ما رمستها ولا قالت لها كلمه
سيف : يمكن قبلها !!
زايد : قبلها كانت تمشي معايه وقبلها كنا كلنا ف الشقه وطلعنا رباعه يينا هني
سيف عرف هين انها كانت تقص عليه وتلوم وايد من روضة .. هد ايدها وراح عنهم
زايد بذهول : اول مره اجوف سيف جيه !!
راشد : وحتى انا :/
روضة ملتزمه الصمت وفيها صيحه بس ماسكه عمرها
راشد : امسحيها ف ويهي روضة
زايد : هاي شكلها غسلت مخه !
روضة بابتسامه : شكلها ؟! غسلته حبيبي وخلصت
زايد ابتسم ع كلمة حبيبي قرب منها وقال بهمس : احلى حبيبي سمعتها ف ذمتيه !!
راشد : اسمعك يالهيييسس
زايد : اسمعني عادي شو يعنييي بخاف منك انا

راشد : يوم اقولك مستوي هيس من حبيتها ما تصدقني
روضة : شقصدكككك ؟!!!!! الحيييين بطلعع حرتيي كلهااا فييييييييك !!!!!!!
راشد ضحك : ماقصدد شيييي عوذ بالله ضو ضو مب بنت
روضة ضحكت
رن فونها وكان اخوها سعيد المتصل
( روضة بابتسامه : حيه سّعود !!
سعيد بضحكه : حيههه رشووودد
روضة وهي تضحك : جب جب ما يضحك يالطفس !!
سعيد نقع من الضحك : شدرانيي عبالي داق ع رشود بالغلط !!
روضة ضحكت
سعيد : علومج نور البيت وضحكته !!
روضة : ابووبب لو ادري بتسمعني ه الرمسه كنت بركبها الطياره من زمانن .. (ضحكت) طيبهه والله انت شحالك طمني عنك ؟!
سعيد : دامج بخيرر كلنا بخيرر !!
روضة : ماماتي علومهاا ؟!
سعيد : طيبهه والله
روضة : الحمدلله
سعيد : احس فيج غصه .. في شي تبين تقولينه ؟!
روضة ابتسمت : يا فاهمني !! بس لا تشغل بالك سكب
سعيد : لا والله تقولين بلاج ؟!
روضة : خلها عقب الحين نحن طالعين .. من اوصل الشقه بتصل بك فيديو كول وبنسولف
سعيد : تمم فديتج بترياج
روضة : تمام حبيبي .. انتبه ع نفسك سّعودي !!
سعيد : تامرين امر ونتي بعد انتبهي ع نفسج وضحكتج !!
روضة بابتسامه : ان شاء الله حبيبي
بندت عنه )