إبـتسّم لي عُمري يوم أنا لقيتك

بـارت | 20

أخذت قميص الروز من منار وبتهور وبدلت لبسها ورفعت شعرها وتعدلت وكان كبير جدا عليها وطلعت لهم مباشرة بحماس تحت أنظار ام ياسر المصدومة ججداا من شكلها ومبهورة ونطقت : ما شاء الله يا ورد توك تصيري مـّرت ولد
أبتسمت ورد وأتجهت للمطبخ بعد ما سمعت من ام ياسر اللي قالت : بكلم امي تسوي لك وتخيط لك تشكيلة قمصان روز
بالمطبخ ***
ضحكت شديد الضحكة من ملامحهم اللي با عليها الاعجاب: وشو اول مره تشوفوني بهاللبس
حور بتعجب : صراحة كنت متوقعتك ما تتنازلين ابد وتلبسين قميص ابو ورده ابد
منار وهي تضحك : صادزه ، مو هذا موضوعنا تعالي عند العجين عشان اعلمك كيف تسوين
جلست على الارض مقابل منار اللي نطقت : شوفي اول شي تشكلينها كور صغيرة مرره وبعدين نوزعها بهالشكل ونسكر عليها بس ما نطول .. فهمتي ؟
ورد : كنت احسبه قروشه طلع بهالسهولة
ضحكت حور ونطقت : كلنا نعرف نتكلم يا ورد بس التطبيق شي ثانيييي
ورد وهي تهز كتوفها بغنج : ما اعرف ما حسيت انها صعبه لهدرجة
أبتدت تطبق مثل ما قالت لها منار وكان الموضوع شوي صعب لكن مع سوالفهم ألتهت وكثير
-•
صحت بحماس ونشاط كبير كون اليوم أحب عزومة لها رغم انها ما تحب مثل هالطلعات لأنها تنكرف فيها وكثير الا انها مبسوطة لأن اليوم رح تروح مع أمها واخواتها لأم رزان والفرحة جدأ لا توصف تعشق رزان وبشكل مو طبيعي وتفرح بالجلوس معها وبشكل مبالغ فيه .. فتحت الدولاب وبدأت تقلب بين فساتينها بحيرة وما بين تلبس فستان هادي او تلبس مشجر ورسمي وبعد حوسه قررت تلبس فستان أسود ومزخرف بشكل بسيط من جهةٍ الصدر وعاري الأكتاف والأذراع وكذالك الظهر وممتد لفوق الفخذ لكن بسبب قصّر ريـم يغطي بداية الركبة

مسحت جبينها بتعب كبير ونطقت : اف بنات تعبت احس مقدر اكمل
ضحكت منار بشماته : تّوك تّوك ما خلصنا
ورد بتعب : وش بقى خلصنا كل العجين وسويناه
حور وهي تضحك من ضحك منار ونطقت : هههههه باقي نطبخه بالقدر الكبير هذا
أشرت للقدر وكملت : وباقي ما سوينا الكشنه
ورد بتأفف : افف بنات كملوها انا تعبت ابي ارتاح
منار بأصغاء : كلنا بنرتاح ريـّا سوت قهوة لكن نشغل عليهم في هالقدر ونسوي الكشنه ونجلس مع بعض
على القهوة
ريـّا بضحكة: والله يا خالي بيرقص من الوناسة
حور بتسائل : صح تذكرت .. ورد
ورد اللي أخذت صينية مليانة بالمطازيز واللي هي أكله مشهورة وتحديدًا عند اهل نجد : هلا
حور : ما شفتي صور العرس ؟
ورد : لا والله
حور بتعجب : ليه؟
ورد وهي تنقل المطازيز للقدر : صراحة ما أهتميت كثير
ريـّا بتعجب : فاتكك ، يعني ما شفتي خالي وبيده السيف ويغنون حقة نجد العذية
حور: ضروري تشوفيها بس مو الحين لما نخلص من الغداء عاد نشوفها ونتقهوى
ورد بتسليك : تمام

| بعد نص ساعة |

أخذوا صينية الحلا وكذالك القهوة وجلسوا بالصالة وتحديدًا الجلسة الارضية التقليدية والمختصرة ومثل العادة روتينهم دائما هو ان ريـّا عليها القهوة والحلا وتنضيف المواعين اما الطبخ دائما على حور و منار ومرات جدا قليلة لمياء والجوري .. جلسوا كلهم وشغلت حور بالابتوب فديو الزواج من قسم الرجال
وتلفظت منار : بنات بروح اشيك على الاكل وأجيكم
حور وهي تناظر ومندمجة مع ورد وريـّا : طيب
أتجهت للمطبخ منار وبعدها بلحظات جدا بسيطة دخل نايف وهو ناظر في ورد اللي معطيته ظهرها أما بالنسبة له ناظر في منار اللي معطيته ظهره وتشوف الابتوب مع بنت أخته واخته ونطق وهو يناظر فيها نفس رفع منار لشعرها اتفه التفاصيل تثبت له انها منار : منار ما شفتي ورد ؟
أبتسمت ورد بضحكة تنتظر منار ترد جاهلة انه يقصدها اما ريـّا اللي كانت قدام ورد وونايف اللي ورا ورد وقالت : خالي ما تشوف معقولة ؟
ضحكت حور وكملت : شوف ورد معنا
بان على ملامحه البرود يحاول يستوعب لأن من سابع المستحيلات تكون ورد تلبس كذا ووش يجيب لورد قميص الروز!!