ရင်ထဲက ပန်းတော်ဝင် 🪷🪷

"တော်လောက်ပြီ သားတော် ....
Jungkook မပါရင် သားတော်လဲ
အပြင်မထွက်ရဘူး ... ဘာလုပ်မလဲဆိုတာ
မြန်မြန်ဆုံးဖြတ်ပါ "

ဖခမည်းတော်ရဲ့ အမိန့်ကြောင့်
မင်းသားလေး ဘာမှဆက်မပြောသာတော့

" ဟုတ်ပါပြီ သားတော် သူနဲ့ သွားမယ်
ခမည်းတော် ‌ကျေနပ်ပြီလား..."

" ကဲ ... ဒါဆိုလဲ လိုအပ်တာ စီစဉ်ချည်
သားတော် .... ဆောင်းတွင်းကာလမို့
အပြင်မှာ အရမ်းအေးတယ်
သားမွှေးရုံ ထည့်သွားချည် သားတော်"

" ဟုတ်ကဲ့ ..."

မကျေနပ်သလို တချက်ကြည့်ပြီး
ကိုယ့်ရှေ့ကနေ သူ့နန်းဆောင်ကို
ပြန်တဲ့ အခါ....
ရနံ့သင်းသင်းလေးသာ Jungkook အနား
ကျန်ရစ်ခဲ့သည်...
မော်ဖူးခွင့်သာ ရမယ်ဆိုရင်
သူက မုန်းနေသည့်တိုင် ပေးဆပ်သူပီပီ
မင်းသားလေးအနား ကနေ
တဖဝါးမှ မခွာပဲ
စောင့်ရှောက်ပေးချင်မိပါဘိ...

" သားတော် က နည်းနည်းတော့
တဇွတ်ထိုးဆန်တယ် Jungkook
မောင်မင်းက နားလည်ပေးပါ "

" ကျနော်မျိုး နားလည်ပါတယ်
ဘုရင်ကြီး..."

" သားတော်ကို
သေချာစောင့်ရှောက်ပေးပါ....
ကိုယ်တော် စိတ်ချမယ် "

" ကျနော်မျိုး တာဝန်ကျေပွန်ခဲ့ရင်
ဘုရင်ကြီးဆီက တခုများတောင်းဆိုခွင့်
ရှိမလား..."

" အရှင် လို့ပဲ ခေါ်ပါ...
ဘာများလဲ မောင်မင်း...."

" တာဝန်‌ထမ်းဆောင်ပြီးတဲ့ အခါ
တောင်းဆိုပါ့မယ် အရှင်..."

" ကဲ ဟုတ်ပါပြီ....
ဟားးးးးဟားးးးး လူငယျဆိုတာ
ဒါမျိုး ကိုပြောတာနေမှာ ....
ငါကိုယ်တော် လူငယ်ဘဝကလဲ
ဒါမျိုး မကြောက်မလန့် ခမည်းတော်ဆီ
တင်လျောက်ခဲ့ ဖူးတယ် ....
လူငယ်ဆို ရဲရင့်ပြီး ပြတ်သားတာကို
ငါ ကိုယ်တော် သဘောကျတယ်
မောင်မင်း ရဲ့ တောင်းဆိုချက်ကို
ဖြည့်ဆည်းပေးမယ်လို့ ငါကိုယ်တော်
ကတိပေးတယ် "

" ကျေးဇူးတင်ပါတယ် အရှင်...."

" ကဲ သွားနားတော့....
မနက် သားတော်နဲ့
ခပ်စောစော ထွက်ရမယ်
မဟုတ်လား..."

" ဟုတ်ကဲ့ အရှင်...
ဒါဆို ကျနော်မျိုး ပြန်လိုက်ပါဦးမယ် "

" ကောင်းပြီ "

ဘုရင်ကြီးဟာ တပ်မှူးလေးရဲ့
စိတ်ဓာတ်ကို
သဘောကျစွာ ပြုံးလျက်
ခေါင်းတညိမ့်ညိမ့်.....

အမတ်ကြီးကတော့ တူတော်မောင်  Jungkook  ဘာကို တောင်းဆိုမလဲဆိုတာ
ကြိုသိနေသလို ခပ်မြေ့မြေ့ ပြုံးသည်...

ငယ်ရာက ကြီးသူမို့ ....
ဒီအကြည့်တွေ ဒီရင်ခုန်သံတွေ
သိပ်ကို နားလည်တာပေါ့....

" အမတ်ကြီး ..."

" ဟုတ်ကဲ့ ဘုရင်ကြီး"

" မောင်မင်းရဲ့ တူတော်မောင်ကို
ငါ သဘောကျတယ် ....
သူရဲ့ တောင်းဆိုချက်က ဘာလဲဆိုတာကို
မောင်မင်းရော ရိပ်မိသလား..."

" ကျနော်မျိုး မသိပါဘူး "

အရှင့်ဘေးနား နေခဲ့ရတဲ့
ကာလတလျောက် တခါမျှ အရှင့်အပေါ်
မလိမ်မညာခဲ့ဖူးသူ....
ခုတော့ တူတော်မောင် လက်ချက်နဲ့
အရှင့်အပေါ် လိမ်ညာလိုက်ရသည်...

အရှင့်ကို Jungkook ဖွင့်ပြောလိုက်တဲ့
တနေ့မှာတော့
ဘုရင်ကြီး အံ့ဩနေတော့မည့်
ပုံရိပ်ကို မြင်ယောင်ရင်း မလုံမလဲနဲ့
ရေနွေးခွက်ကိုသာ ခပ်မြန်မြန်
မော့ချလိုက်မိပါတော့သည်...