اخذهم الموت

part 6

الكاتبه لوجين ادم

في وقت الشدة فقط ، تعرف من هم أحبابك ومن هم حثالة اختيارك ..!

عافتني وراحت طبت للبيت صدك خلت بالي اسئل شلونه
رحت يم احمد  حتى اسئله عن رقم الولد
دريد.  سلام
احمد. عليكم شبيك
دريد. ماكو
احمد. تعلمني بيك انت ضايج
دريد. لا بس اريد رقم ماهر
احمد. ماهرر
دريد. يي
احمد.  ليش
دريد. شنو ليش مريض عندي شلون منسئل
احمد. اوكي لتعصب لمن يجي
دريد. والله ممعصب
احمد. واضح
عفته وتوجهت للبيت للعصر  دزلي الرقم
احمد. لك كوه اخذه
دريد. حقه ميكول ليش
احمد. بس اني كلت يابه هذا الدكتور يريد يسئل عليك
دريد. عاشت ايدك
كملت اتصال من احمد اتصل ب ماهر
دريد. الو السلام عليكم
ماهر. عليكم السلام ورحمة الله وبركاته تفضل
دريد. شلونك حبيبي
ماهر. الحمدلله بس ولا صغراً منو
دريد. دريد دكتور دريد
ماهر. اهلاً دكتور
دريد. شلونك
ماهر. الحمدلله تفضل دكتور اكدر اساعدك بشي
دريد. لا بس حبيت اسئل عن صحتك
ماهر. حبيبي دكتور رحمه والديك شكرا ع السؤال
دريد. واجب
........ 
لينا
عفته الشهاده وقرت اصير معهد تمريض او مدرسه ضليت حايره ماما كالت انتِ معهد او مدرسه اثنينهن دراسه عاد قررت اصري بمعهد تمريض مشت الايام ويوم من الايام رحت للسوبر ماركت حتى اجيب شغلات للبيت ماما دزتني جان ماهر بل الكليه رحت للمحل طلعت جان اكو وحد لعبان نفس واكف وكام يشمر بحجيه اخر شي اجه واحد جان يوخره اني معرفته ولا اتذكرة لمن كال اهم شي راحتي معقوله هذا دكتور دريد زين هو بيته اهنا عفته جان يسئلني عن ماهر 
احنا وكاعد نتغده الساعه 5 العصر اتصل رقم ع ماهر
ماهر. وعليكم السلام
ومن جاب اسمه بل الاتصال كمت من السفره معقوله هذا شبي ياربي هاي شنو الي كاعد يصير
كمل اتصال ماهر ماما سئلته هذا من وشنو
ميس. هذا منو هذا الدكتور
ماهر. ماما دريد الي بمستشفى ********
ميس.  يي
ماهر. ماكو بس كاعد يسئل عليه
ميس.  رحمه والديه
ماهر. يي احسن من الكرايب
رجعت حتى اكل جان ماهر كال الاسبوع الجاي ننيجه مال التشريح مال بابا الله يرحمه
كمنا نبجي وعفنا الاكل رحت للغرفه شبعت بجي واعتاب لبابا الى حد ان نمت كعدت الصبح  راسي يموتني من الوجع
لينا. ماما اريد حب وجع الراس وين
ميس. ع الميز
اخذت وحده راسي مات مات من الوجع كمت كل اشويه اشرب وحده اخر شي شربت الشريط كله برا الشويه احس الدنيه بدت تغوش الدنيا صارت سوده
.........
دريد
سديته من ماهر وضليت افكر اني شنو كاعد اسوي معقوله حبيت الا متت من الحب الي فجه طلع من اعرف من وين صارت الساعه 10 بل الليل اكلت ورحت للغرفه صليت ودعيت الله اذا زينه يقربه واذا متريدني يبعدها مكلت غير شي ضليت افكر انو ليش ماانقل يمهم بعدين كلت لا اخاف تكوم تضوج مني اخر شي نمت كعدت ب8 الصبح رحت اخذت اجازه وطلعت يم احمد
دريد. صباح الخير
احمد. صباح الورد والياسمين
دريد. الله شنو هاي اليوم شكو
احمد. اليووممم حلووووو
دريد. يي درينا لتعيطط اذني
احمد. وانت شلون يومك
دريد. من المستشفى الك بعده يومي
احمد. اخ اخخخ تذكر دريد لمن جنا اصغار جنت اتريد تصير دكتور واني ضابط سبحان الله
دريد. الحمدلله
اني وكاعد اكول الحمدلله اشوف ماهر بل السياره وليوره لينا
دريد. هاي شكوو
احمد. شكوو
دريد. اقرب مستشفى وين
احمد. يم معهد التمريض
دريد. احمد اني رايح
احمد. وين تعال
عفته ورحت برا سياره ماهر الى ان وصل وشاله ويركض جوه فات رحت وراه حتى اكد اعرف هيه شنو بيه رحت واشوف محمد صديقي من ايام الجامعه
محمد. دريد
دريد. محمد
سلمنا واحد ع الثاني كال
محمد. ليش متجي اهنا تشتغى احسن الك والمدير حباب ومستشفى معرفه
دريد. الله كريم بس اريد منك شغله
محمد. كول
دريد. باوع اكو مريضه هسه فاتت اسمه لينا امير بس تكدر تشوف شنو بيه
محمد. واني اكول شعجب جيت
دريد. يي والله
راح محمد واني احاول اسوي روحي مو يم ماهر حتى ليعرفني
محمد. دكتور تسمم او حالت انتحار
دريد. دكتور شلون انتحار
محمد. شاربه كميه كلش جبيره من الحبوب ولي وياه يكول اني اخوه يكول جان راسه يوجعه وشربت يجوز لان مصار زين شربت الكميه كله او العكس
ضليت صافن هاي شبيه معقوله
دريد. شكرا تعبتك بس لتكول ل اي احد تمام
محمد. ادلل بس بشرط
دريد. شنو
محمد. اريد الرقم
دريد. مال منو محمد
محمد. مالتك
دريد. اهاا هاك سجل
محمد. لح اتصل
دريد. امم
محمد. اكتب عليه حمودي كورك
وكام يضحك اني اهنا صدك ضحكت لان جانت وحده تحبه ومسميته حمودي كورك حتى بل التسميه مفالحه
دريد. محمد حبيبي اي شي يصير بلغني
محمد. ادلل
رحت طلعت بس ضليت يم المستشفى وقرتت انو انقل الى هذي المستشفى اتصل عليه محمد الساعه 1 كال صارت زينه اذا تريد تشوفه
دريد. لا يابه اخاف اخوه يشوفني اكعد
محمد. اخوه  راح
دريد. وين هاي سيارته
محمد. حلو حلو مراقب خط
دريد. لا مو هاي البنيه خطيه
محمد. حتى اني خطيه
دريد. بس صدك اخوه وين
محمد. تعال البس لابكوت متبين تجي
دريد. يي بس لحضه
سديت الخط وطبيت لحتى اشوفه دخلت للممر الي غرفتها بيه واشوفه وجهه اصفر وتعبان لبست لابكوت وطبيت
دريد. السلام عليكم الحمدلله ع السلامه شلونج
باوعتي بطرف عيونه وكالت
لينا. الحمدلله
دريد. شنو الي بيج اكدر اعرف
لينا. صدوك انت دكتور وتسئل مريضك
دريد. اعرف انتِ شاربه كميه كلش اهويه من الحبوب بس شنو السبب
لينا. راسي يوجعني
دريد.  اشربي وحده مو كله مو زين ع صحتج
لينا. يعني اموت
دريد. لا سامح الله احتمال
لينا. عادي يومي واجه
دريد. كولي ياالله
لينا. ياالله
دريد. زين اذا هاي تكدرين تفضفضين يم احد
لينا. ميخالف
دريد ـ يي عفيه يلا مابيج غير العافيه اخذي راحتج
لينا. انت دكتور دريد لو انتو هيج كل نهايه كلام اخذي راحتج
اجتني الضحكه بس كلتلها
دريد ـ العفو من دريد
لينا. لا هيج اكص ايد اذا مو انت لو صديقك دريد
دريد ـ وليش لحد اجذب هاا
لينا ـ اسفه انت مو انت اني شكو
دريد. ديري بالج ع نفسج لان هاي النفس الله انطاه النا حتى نحافظ عليه
لينا. ان شاءالله بس دكتور مو تطلع صيح اخويه
دريد. ان شاءالله
لينا. بس مكتلي شنو اسمه اسمه ماهر
دريد. يي يي اعرفه لان هو وياج جاي
لينا. تمام
راحت هيه صدت وجهه  ع الحايط اني طلعت بس اريد اضحك ع سوالفه هيه بيا حال اجه اخوه من يمي وفات للغرفه واني طلعت لان محمد كال كله كم ساعه وتطلع عاد ضليتت انتضر طلعت واني رحت لبيت الساعه 3 العصر  رجعت لبيت سلمت ع امي وكعدت يمها
حنين. شبيك يمه
دريد. والله مادري شنو الي بيه

سَاكت شرد اگلك ،
هو ظل لسان
بي اكدر. اسولف
واعترف مُعجب ؟
شِفتك من بعيد
وخَذت كُلشي وياك
آنة ادري شراح تاخذ
منّي من تگرب ؟

حنين. ليش شنو الي بيك
دريد. اخخخخخخخ يمه
حنين. شبك مو لح اموت
دريد. اسم الله عليج
حنين. لعد شبيك
دريد. مادري مرضي ميڪد عليه دكتور ولا شيج ولا كلشي
حنين. تحب
دريد. مادري
حنين. هو الحب بي متدري
دريد. يمه اكو بنيه يتيمه تكسر باب الكلب
حنين. شمعرفك بيه
دريد. ابوه الي مات قبل فتره
حنين. ياامي وابويه
دريد. يي يامي اي اريد ارتحاح ماما
حنين. روح ياامي روح الله يريح بالك ويهديك
رحت لغرفه اريد انام ماعرف ماكدر حتى انام ماعرف الي بيه شنو
......
لينا
كدت لكيت نفسي بل المستشفى عبالهم حالت انتحار
وره اشويه اجه دكتور بس عبالك نفس الدكتور الي اسمه دريد نفس طوله  ماعرف حسيته هو نفس عطره والي زاد ثقتي اكثر من كال اخذي راحتج هو جان لابس ملابس مال الاطباء بس عيونه طالعه ولمن سئلته نكر وكال مو اني طلع وطب ماهر بيده عصير وشغلات اني احبهن
ماهر. حمدالله ع السلامه ليش هيج تسوين هااا امي تخبلت
لينا. والله راسي يوجعني
ماهر. مكلتي اليه هااا جان اخذتج للصيدليه لو صاير بيج شي هاا
لينا. الله احلى شي
ماهر. لينا اصحي اصحييي
لينا. كاعده
مر مااعرف شكد من الوقت اجه ماهر
ماهر. امشي يلا خلي نروح للبيت
لينا. يلا بس احس نفس لح اوكع
ماهر. لا كومي متوكعين اني يمج
لينا. ماهر عو اذا اموت شنو تسوي
ماهر. اششششششش وامشيي
لينا. شكلت كلنا لح نموت هذا بابا مو مات هااااا
ماهر. امشيي وسدي الموضوع
سكت ومشيت وكمت ابجي اني وبل السياره
ماهر. اسكتي ياعيني والله بابا وصاني عليج تدرين قبل لنطلع لبيت بيبي شنو كال هاا
لينا. شنو
ماهر. كال دير بالك ع اختك ولتخليها تنزل دمعه وحده وانت موجود كال صير اله سند من بعد الله اني رايح والعمر بيد الله دير بالك ع امك واختك هاي امانه بركبتك
لينا.  الله يرحمه
ماهر. امسحيي ادموعج
لينا. تمام
مسحت دموعي ونزلت للبيت
ميس. يمه بنتي اسم الله عليج بيه ولابيج يمه شنو سويتي بنفسج
لينا. ماما مابيه كلشي والله شبيج باع عليه زين شوفي
ماهر.  روحي ارتاحي لح اجيب اني عشه لمن ارجع انتو ارتاحو هاي ع سلامت لولايتي
لينا. حبيبي اختك
ماهر. محتاجين شي اني طالع
ميس. الله وياك دير بالك  نفسك
طلع واني وماما ضلينا بل البيت لان ماما عده ولازم متطلع كالت باجر عرفه لازم تشترين ملابس لان براج عيد
لينا.  لاماما مااريد اصلا وين لح اروح اصلا اني مكطوعه من شجر
ميس. انتِ شعليج بيهم قابل الهم اطلعي انتِ وريم انتِ وماهر
لينا. الله كريم
لليل اجه ماهر وبيده العشه اني شربت عصير واخذت قطعه من الكباب وكمت
ماهر. وين تعالي كملي
لينا. عو لمن اجوعع شبعانه هسه
ميس. تعالي ع الواهس
لينا. بل العافيه
يتبع....