اخذهم الموت

part 28

الكاتبه. لوجين ادم
.....
الأذوَاقُ لَيسَت مُتسَاوِيَة ، فَأحدُهُم يَراكَ شَيءٌ عَادِيّ , و الآخَرُ يَراكَ الجَمالُ بِعَينهِِ!
.......
دريد
من حجت هيج لينا كلش افتخرت بلينا اول شي وثاني شي من نفسي لان اختارت صح هيه صح عبرته عليه بس اهم شي كسر خشمهم بهل كلمتين صعدنا فوك ونزلت اجيب تلفون لينا لكيتهم يسولفون امي باوعتلي يعني عبر عفتهم
وفتت للغرفه للساعه 12 مجايه النوم اخذته للشقه عود لبيت ريم هيه اول شي مقبلت بعدين نامت كعدت الساعه 1 ع اتصال من امي
حنين. وينكم يمه
دريد. هلا يمه اهنا
حنين. هلابيك وين اهنا
دريد. ماكو شي هسه نكمل ونجي للقاعه راساً
حنين. دير بالك ع نفسك يمه لتخلي بالي مشغول
سديه من امي ورحت سبحت وكعدت لينا واكلنا ورحنا للصالون جان مره يم الشقه بس شغله زين يكولون اخذت لينا ورحنا اله وضليت انتضر لينا طلعت وصلنا للمجمع ونزلنا وانطيتاه الفستان حتى تلبسه واني رحت بدلت اني نوبه من اشتريت القاط اشتريت فستان وياه عجبني جنت وين مااروح من اشتري لنفسي اشتر شي مال بنات مو قصه لينا لا جنت اكول هاي لمرتي استري الي مااشتريله هيج جنت افكر لبست وكملت طلعت لينا عبالك لعابه والي يميزه بشرتها كلت لا ارادياً
دريد. شيصير  لو عرسي اني
ضلت هيه تباوع عليه واني هم كلت اني شنو كاعد احجي
دريد. طالعه حلوه
لينا. شكرا
دريد. واني طالع حلو
لينا. يي
دريد. شكرا
عود كاعد اضحك عليه مثله
لينا. العفو
دريد. يلا نروح
لينا. يي
دريد. كلتي لريم
لينا. يي
دريد. يلا كلبي اخاف ناسيه شي
لينا. لا
طلعنا حتى نروح لبيت ريم والطريق كله محجت شي الا من اجتي ريم
وسن. السلام عليكم خاله
دريد. عليكم السلام هلا امي
نزلت لينا تسلم عليهم وصعدت وره اجتي ام ريم يمي وريم ولينا وره جنت فاتح اغاني بتلفوني فأتصل احمد
دريد. هلا احمد
احمد. هلا بيك شلون الاوضاع
دريد. الحمدلله سيدي
احمد. الحمدلله لا صدك محتاج شي
دريد. الكاك يم القاعه هسه وياي الاهل
احمد. اهااا الاهل كاعد يسمعوني
جنت خايق لا يجفص كلت
دريد. يي بس يعني يمي خاله ام ريم
احمد. اها يلا مع السلامه سلامي
دريد.الله وياك الله يسلمك
ضلت متعجب هذا شي ليش هيج يحجي باوعت لينا من المرايه جانت تضحك وتسولف ارتاحيت ع راحته وصلنا جان احمد والولد واحمد اخويه دخلو لينا وريم وام ريم واجه المصور ودخلنا احمد واني وليث والولد
........
لينا
ضلينا نحجي اني ودريد وصعدنا بالسياره محجيت اي شي اجتي خاله صعدت اني يم ريم وره وكعدت خاله ليكدام وضلو خاله ودريد يحجون واني وريم نعلق عليهم ونضحك الى ان اتصل احمد ع دريد ضلت ريم تستمع عليه
لينا. هاي شبيج
ريم. مابيه
لينا. اكلج لنروح بعدين نكعد اني وياج وخاله بميز واحد لان مااريد اروح يمهم
ريم. ليش
لينا. هيج
ريم. هذا الفستان شو انت مو كلتي مال العرس رسمي
لينا. والله مااعرف هو انطاني هاي
ريم. اهاا
لينا. هاا احمد
ضلينا نضحك وصلنا جانو اكو زلم اهوايه عكس السياره ودخلنا اني وخاله وريم جان الفستان حلو حيل بس ماابارز اي شي من جسمي
ريم. اكلج مرتبه اني
لينا. يي والله حلوه
ريم. فديتج حبيبتي
لينا. كلبي
جانت لابسه فستان لون وردي وصخ بس كلش طالع عليه حلو ومكياج وشعره كلش حلوه وهيه بيضه كلشي يلوكله
شافتني خاله حنين واجتي يمي
حنين. هلا بلينا يمه شطالعه تخبلين
لينا. حبيبتي خاله جمال عيونج
سلمت علينا وراحت
ريم. ليش انت وين جنتي
لينا. مو يمهم بعدين اسولفلج
ريم. ميخالف بس اذا نسيتي
لينا.  لا والله ماانسه 
جانت العروس كلش حلوه طالعه وخواته داير مدايره وامها وخالاته وعماته يعني كل اهله جات الفرحه مببنه ع وجههم واني وحدي الي بالقاعه مااعندي احد كلهم جاين ويه اهلهم وره ساعه  كال البنيه الي محجبه خلي تلبس حجابه لح يدخل العرس دخلو المصورين والشباب وجان دريد وبالنص احمد وبصفهم ليث وابو روان  واحمد ولد عمه وخواله وره سلم ع امها وع ام روان جان يوكف الاب حتى ينطي روان لاحمد وسلم عليه واخذه وكامو يصورون فصارت القاعه ولد وبنات مقسومه اثنين جهه ولد وجهه بنان هيج يعني ضليت اباوع ع المنظر عيوني دمعن من حالهن
ريم.لج شبيجج لينا
لينا.مابيه
وسن.يمه شبيج كومي عدلي المكياج انت وريم هسه عبالهم تغارين منه
لينا.لا ليش حتى اغار
ريم.كومي صح حجي ماما
طلعنا اني وريم لان الحمامات لازم اطلع يلا نروح طلعت بره وضلت ابجي عبالك واحد كاتلني لان عده اهل لان ابوه عايش لان خوات عدها ام واني وحدي
ريم.غيرر لو اعرف شبيج لينا اكو شي ضامته بيج شي احد مسويلج شي
لينا.لا والله بس شفتي خواته وامها شفتي ابوه
ريم.اني اختج امي امج ليش هل البجي ياعيني
اهنا وكاعد نحجي اجه دريد
......
ريم
نمت وكعد ثاني يوم جان يوم جمعه وماكو دوام شفت طلعنا الصبح للسوك حتى نشتري والحمدلله لكيت فستان حلو ع ذوقي اشتريته ورجعت للبيت جان لونه وردي وصخ اني وكاعد اتجهز كالت لينا احنا لح نجي عليج انتظرينا
صدك كملت كلشي اني وامي وضليت انتظرها اجتي وجانت كلش حلوه طالعه هيه سمرا والمكياج لا بسيط ولا مبالغ بي والفستان حيل حلو عليه صعدت يمي لينا وامي يم رجل لينا لمن اتصل احمد حست اكو شي هيج بكلبي فز
ضل ويه كل سالفه يحجي اني وياه حتى لينا شكت وصلنا للقاعه وماعد ننزل شفته وهو لابس القاط مالته كلش حلو همه كلهم حلوين كمت مااميز بيهم الا ان بجت بجيه مفاجه لينا احنا وكاعدين رحنا اني وياها للحمامات جان تشبع بجي اني وكاعد احجي وياها جنا بالحديقه جان يجي دريد
دريد.خير ليلو شبيج
لينا.مابيه بس كلنا نغير جوه مو ريم
ريم.يي صح
دريد.شبي وجهج
كام يباوع عليه ويمسح بوجهه اني خجلت كلت
ريم. اني اهنا من تخلصون سوالف صيحوني
باوعو عليه واني رحت ع صفحه  جان الجو نهايه الشتاء بس هم بارد الجو واكفه واباوع منا ومنا ماعرف عبالك مسويه جريمه مو رجال ومرته ماحس غير واحد يكول
. شعندج بره
صديت لكيته احمد ورافع حاجب وخال ايده بجيوبه
ريم. لنتظر لينا
احمد. اهاا لينا كلتي مو يمها دريد
ريم. ماما كالت روحي وياه وماعرف هو لح يجي
احمد. ماما اوي فدوه لماما منو هو
ريم. دكتور دريد يعني منو
احمد. عوفي خلي ويه مرته ليش انت يمهم
ريم. شلونن اعوفههاا وهيه كالت لتعوفيني هاا هيه بلا هيج تحس نفسه وحيده
احمد. حسجججج
هذا ليش يعيط شكو قابل شنو حجيت
ريم. وليش تعيط عليه ترا اني مو متهم عندك
احمد. لا متهمه
ريم. لاوالله
احمد. يي والله
ضليت ساكته وصفنت ع صفحه كال
احمد. ليش تعلين صوتج هاا عيب انت مره
ريم. وعيب انت تعيط عليه انت رجال
احمد. هسه شلون اخلص يادكمه ادوس
ريم. مصار شي ارجع لمكانك واني انتظر صديقتي
احمد. اني هم انتظر صاحبي
ضليت ساكته مو يمه كال
احمد. انت النمله تسدين التلفون بوجهي
ريم. شوكت
احمد. اشش تذكرين كلش زين
ريم. العفو بس فصل النت
احمد. اوي يابه ومتعرفين تكولين
ريم. اعذني
احمد. ممقبول
ريم. احسن
جان يخليني ع الحايط وخله ايده ع الحايط وكال
احمد. شنو لج الي احسن
ريم. وخر لتجي ماما ليجي دريد وخرر
احمد. لو يجي ابوج
دفعت حيل وكتله
ريم. ابويهه ميتتتت مو يجي علمودك عوفه بكبره احسلكك والله الا ابويه افتهم لو لا
جان اشوف لينا ودريد اخذت لينا وفتنا للقاعه
وسن. ها يمه شو طولتو
حجت لينا لا اني جانت روحي طالعه
لينا. خاله مو كاعد اعدل مكياجي وهم اشتمينا هوا
وسن. شبيج ريم
ريم. مابيه
وسن. راحت لينا ضايجه اجتي بنتي مطنكره
ضليت ساكته كلشي محجيت فات هو ودريد وره نص ساعه تقريباً صارو كدامنا واني  حتى عشا متعشيت صارت فقرا الركص كام احمد ومرته يركصون والولد كلمن ومرته ودريد ولينا واني ضليت كاعده ليث كام يسوي ويه ولد عود كاعد يركص ضحكت عليه جان احمد كاعد يباوعلي بكسره خاطر وجان دكتور محمد جاي وياه امها اجتي يم ماما كالت
ابتهال. السلام عليكم
وسن. اهلا وعليكم السلام
ابتهال. شلونج يمه
ريم. هلا خاله الحمدلله بخير
ابتهال. هذوله بنات
عود عليه وع لينا
وسن. يي هاي بنتي ريم ولينا هم مثل بنتي
ابتهال. لينا متزوجه
وسن. الحمدلله
ابتهال. وانت
ريم. لا خاله
وسن. بعدها صغيره
ابتهال. هذاك ابني
اشرت ع دكتور محمد اني جنت مامنتبه انو دكتور محمد جاي بس هيه كالت
وسن. اهلا وسهلا بيكم
ابتهال. الله يسلمح هو ويه بنتج ان شاءالله بالمستشفى
وسن. والله ماعرف
ابتهال. هو مو وياج
ريم. يي خاله
ابتهال. شرايج تصير بنتي
ضلت متعجبه شنو بنتي شكو
ريم. لا خاله تسلمين اني امي موجوده
ابتهال. اقصد مرت ابني
صدك انصدمت اني
وسن. بعده صغيره عيني
ابتهال. شكو بيه هاي مو لينا وتكبر يمنا وتعلم منا
وسن. الله كريم
عاد اجتي يمنا لينا اني جنت من الفشله الي نحطيت بيه كليت لينا تعالي نسلم ع العروس واني مااعرفه اصلا
لينا. ريم شبيج
ريم. لج انخطبت
لينا. من منو
ريم. محمد الدكتور
جان لينا ضحكت ضحكه حتى دريد باوع عليه
لينا. محمد الدكتور لو الدكتور محمد
ريم. لج استكي حتى حيل مضل بيه
لينا. تعاي هاي مي
شربت مي وكعدنا اني وياه ع الميز وضلينا نحجي
ريم. لج اني الثوله تريد شنو كال شرايج تصيرين بنتي اني شنو كلت
لينا. يي شنو
ريم. لا خاله تسلمين امي موجوده
لينا. ياااا
وخربت من الضحك حتى اني كمت اضحك
وراه اخذو العروسه وكامن اهله يبجون ولينا وياهم ع الواهس
ريم. زين انت شكو
لينا. تأثرت
وضلينا نضخك وراحو للفندق واهنا هم رحنا لان الدكتور كال اني اوصلكم فأشلون يعوف اخو علمودنا
كملنا الحفله ورجعنا للبيت دكتور دريد
وسن. تسلم يمه متقصر ان شاءالله زواج الدهر يارب مبروك مبرك شايف كل الخير
دريد. رحمه والديج خاله متقصير وكفتج حلوه عمري ماانساه
وسن. لا يمه قابل شسويت
ضلو واحد يسلم ع الثاني من فتنا للبيت جانت الساعه 12 وياسر كاعد ينتضرنا رحت سبحت وطلعت لكيت التلفون احمد متصل 6 مرات
ريم. ها شكو بسلا لينا ودريد بيهم شي
دزيت رساله حتى اعرف شكو راساً اتصل
احمد. شلونج
ريم. لينا بيه شي
احمد. لا اني بيه اشاء
ريم. واني شكو
احمد. بسببج
ريم. اني
احمد. يي
ريم. يلا باي اريد امشط شعري
احمد. اهاااا شعرج اهم مني
ريم. العفو انت شنو
احمد. اسف اني ماعرف شلون حجيت هيج
ريم. عادي بس اني كلشي الا ابويه تقبل احد يحجي ع ابوك وهو عايش شلون اذا ميت
احمد. اني اهلي ميتيت كلهم ولا شايفهم يحجون ميحجون عادي هو اصلا لح يرجع عليهم
ريم. اعتذر ماعرف
احمد.  اخخخخخ مصار شي
ضليت ساكته كال
احمد. شتريد ام محمد منكم وليش تأشر ع محمد
اني ردته من الله كلت
ريم. تقصد خطيبي
احمد. خطيبج شنو احجي عدل لج
ريم. والله خطبتني واني كلت ابيع ثكل وبعدين اكول يي لان هو يمي بالمستشفى واعرفه كلش زين وحباب
كال بعصبيه
احمد. يصير خير يصير خير
وسد التلفون حسيت مي بارد نزل ع كلبي
.......
لينا
اجه عليه دريد واني جنت كعد ابجي كال سئل شبيه ورديت عليه كام يكمش بوجهي ويحجي
دريد. شنو بيج ابويه انت
ريم. اني اهنا من تكملون حجي اجي
راحت ريم وبقيت اني وياه
دريد. هاي طلعت فجأه وبجي اكو شي احجي شنو الي بيج امانه عليج
انوب لمن واحد يكلي شنو بيج اشبع بيج حضن راسي عليه وكال
دريد. مردتي كلبي شبيج
لينا. ع اهلي والله مو ع احد ثاني
دريد. شنو الي ذكرج بيهم واني بفرح
لينا. هو الفرح نفسه شلون حلو كلهم اجوي وياهم اهل بس اني بس اني
دريد. بس انت زين اني وين رحت ها وين لينا اذا انت تكولين مااعندي احد ازعل عليج والله اني احسبج كل اهلي وانت تكولين ماعندي احد ها لعد شنو تكولين ع الناس الي من صدك ماعدهم احد لينا اذا تحترميني وشنو تريدين تعتبرين اعتبرين بس لتكولين ماعندي احد لينا تكسرين كلبي والله من تبجي ليش ياكلبي ليش زين اني عوفيني وامي ها
لينا. دكتور مو مثل الاهل جذب والله مو مثل الام والله
دريد. بس لتبجين
كام يمسح بدموعي ويحضن بيه
دريد. حتى المكياج راح لح يكولون زراكه
وضحك واني هم ضحكت كال
دريد. لا والله يروحلج عماتي كله فدوه لوجهج
ابتسمت وكال
دريد. كومي عيني وامسحي وجهج او عدي اي شي ولتبجين فدوه لوجهج الحلو
كمت اعدل بالمكياج جان اسمع صوت ريم
لينا. هاي ريم
دريد. امشي نشوف شكو
لكيت ريم كاعد تعيط ع احمد وجرتني ورجعنا للقاعه وره ربع ساعه اجه دريد واحمد اكل مااكلت ريم جان تبده مرحله الرقص جان دريد يجي يمي كال
دريد. تعالي نركص
لينا. لا ماريد
دريد. امشي يلا
كمت وياه يعني اني حتلو اركص عادي لان ممبين مني شي
كمنا نركص وهو محاوطني ونركص وهو ضخم واني بالنسبه اله نمله كملنا ورجعت يم ريم ريم وجهه اصفر وتريد تحجي متكدر كال
ريم. امشي نسلم ع روان
بعدين حجتلي كلشي  بعدين صارت الزفه اني وريم وره وخاله ودريد كدام رحنا زفه صارت تختلف اختلف عام عن بقيه الاعراس احنا العرس بالسبعه المريه بيت رجله وخلصانه العرس اني بس بعد مااعرف لان اني مادري بس ريم كالت هيج لان اني اروح حفلات بس اول مره عرس لان اني اهلي مااعرفهم نوب اعراس المهم صارت الزفه وكلساعه نازلين وصاعدين اخر شي راحنا للفندق بعدين فتت خاله والبنات يمهم وطلعو نزلنا ورجعنا ريم وامها للبيت وسلمنا عليهم ورجعنا كال
دريد. تعاي ليكدام
يتبع.......