اخذهم الموت

part 39

الكاتبه. لوجين ادم
......
گولولۃ فضت وانتهَت خل يلتهييَ ويۃ احبابۃ
.......
ريم
راحت لينا ويه دريد واحنه بلشنا بتحضيرات للخطوبه مال ياسر هو خاطب بس علمود الحفله ومالته كمت اني امي نطلع من الساعه 8 الصبح حتى انجيب كلشي لان مضل شي للخميس كمت حتى ويه احمد مو اهوايه اححي وحتي بس رسائل نضفنا البيت وعزلنا ورتبنا البيت ع الخطوبه اجه ياسر قبل الخطوبه بيوم لان اهل البنيه بدهوك وكال
ياسر. اني لمن اتجزوج استقر بدهوك
وسن. ليش يمه واني واختك شلون
ياسر. كل فتره اني يمكم
وسن. هو ياهو الي يعوف اهله الرجال لو المره يمه
ياسر. تريديه تعوف اهله
وسن. الله يسعدك يمه شريد منك هو انت اله وهيه الك اني شلي دخل
ياسر. امين يلا اني اريد اطلع هسه اعزم اصدقاء باجر الخطوبه
رح وضلت تبجي امي وكالت
وسن. البنيه لرجله والولد لمرته واني ضليت وحدي
ريم. وين رجلي اني ها اني يمج ليش تبجين ليكول لح اتزوج
وسن. مردج لرجلج يمه واني اضل وحدي
ريم. اسوي اكعيدي يمج
وسن. ومنو يقبل يكعد يم عمته متكليلي اذا ابني قبل غير واحد ميقبل
ريم. لا ايجار
وسن. مو اهنا ملك هو اخر شي الج واله قابل اني لح اعمار
ريم. ان شاءالله تعمرين بجاه الله
وسن. كلنه نموت يمه
كعدت ابجي بصفحه
وسن. ليش تبجين ام دمعه
ريم. صار ساعه تبجين من بجيت ليش
وسن. كومي يمه الدنيا متسوى منو مهتم لغير كلمن لنفسه
ريم. يي والله كلمن لنفسه
كملنا كلشي والبيت كله والمسيقى(دي جي) ورحت نمت من التعب كعت الساعه 11 الصبح ع صوت امي
وسن. اكعدي تأخرنا
طبعا البنيه يم بيت عمامه اجتي لان بعيده من دهوك لبغداد بقرار منهم احنه معلينه المهم اجوي عمامي وخوالي وخلاتي وعماتي والبيت كمنا ماعرف حتى امي من العالم الي اجوي بس لينا انتضرته تجي للساعه 5 وكالو يلا خلي نطلع واتصل ع لينا ماكو اخر شي فاتت هيه وعمته (حنين) جان لبس رسمي وكلش حلو طالعه بي جان عباره عن قميص وبنطرون بس جانت تلفت النضر وكلش تطلع حلو من تلبس لون الرصاصي والبنطرون الاسود ويه جنطه لو ابيض وشعره شايلته ومسويه ع شكل كبه بس بي فيكه
حضنته وكلت
ريم. وين صرتي
لينا. هلا حبيبتي اسفه تاخرت بس كلت اخاف اجي بس اني
ريم. ها صرتي تخافين منه
لينا. لا بس علمو اخف اتأخر
ريم. امشي امشي خلي نروح دريد اجه
لينا. بالبديه كال لا بس علمود خاله وسن كال اي اجي
طلعنه ع بيت البنيه هيه حلو وحبابه كلش لطيفه سلمنا عليه الى ان اجه الشيج وعقد الهم وركصنه شويه ورجعنا كملنه الركص بيتنا وجانت الحفله كلش حلوه من رجعت للبيت اجاني صوتي بالمبايل باوعت هدى يعني احمد
احمد. انوب من تطلعين وتفوتين خلي شي ع راسج صح ممحجبه بس مكياجج ضمي وجههج
باوعيت عليه وابتسمت
ريم. بعد صارت
احمد. ومتنعاددد
سديته وكملنه ركص لليل وزعنه اني ولينا لفات للكاعدين ومي وببسي بحيث صدك صرنا خيط
لينا. تعبت لو عرس اخويه مو هيج
ريم. يي والله صرنا خيط
لينا. لج ياخيط زين هذني مو بنات اهويه ليش ميكومون
ريم. لج همه من يجون ميشيلون الكلاص الي يشربون بيه تريدين هسه تشيلي صدك جذب
لينا. والله ماعرف شبيهم العام المساعده حلو
ريم. لا والله بيت عمامي لمن نروح احنه الي نشتغل بس بيتنا محد يشل الخاشوكه باعي شايفه هذوله والله بيت عمامي وعماتي يركضون ركض بس من يمنا مغمضين
لينا. هو هذا حضنه بس المغمضين
ريم. تعاي ناكل
لينا. يي جوعانه
ريم. يلا تعاي لعد
كعدنا ناكل اجتي وحده كالت
ميسره. امي تريد لفه
ريم. استغفرالله هسه شنو يكومني
لينا. باعي انت تندلين المطبخ اكو ماعون جبير بي لفات اخذي حتى لابوج يلا حياتي
ريم. يالله هسه شتكو عيب
لينا. العيب بالجيب عوفيه من علايمج صرنا خيوطططط
ريم. هههههههههه لج طلع الببسي من خشمي
لينا. والله شنسوي
منحس الا ميسره اجتي كالت
ميسره. رجال بره يريد وحده اسمه لينا
ريم. ماعرف بنيه بهل اسمه
لينا. كمت متعرفينه لج تعاي كليه يي هسه جايه
ميسره. هسه اكله
لينا. يلا عيني مع السلامه
ريم. الله وياج بس تعاي اخذي وياج اكل لخاتج من علايمج خطيه تعبت
لينا. شنو ماعدهم قابل اكل
ريم. مو اجتي
لينا. لا عمري عدهم
بوستتي وطلعت اني رحت للمطبخ لان عيب ولفيت عشر لفات وانطيتهم بيد ماما
لينا.  والله ماخذه خاله
وسن. صدك جذب اذا متاخذي باعتبار متحترميني
لينا. اني اعلمج ريم
ريم. امون امون عليج
وسن. شكرا يابه واتشكر من الحجيه والله تعبانكم ويانه
دريد. لا يابه صدك جذب هم ان شاءالله توكفلينا بعرسنا
وسن. ادلل والله
دريد. متقصرون يلا يابه بلخير عليكم ان شاءالله زواج الدهر والله يسعده مع السلامه
وسن. الله يسلمك وليد الله وياك
ضلت امي تحمد بي عاد بدلت ونضفت البيت ونصهم بالتو يمنا فرشت الهم ونمت
.........
لينا
ضليت كاعد بالحديقه والباوع ع ااسماء احب حديقتم كلش حلوه وجبير
ليث. لينا
لينا. ها
ليث. يمعود عبالي بيج شي ليش اهنا وين دريد
لينا. خفاره
ليث. وليش زعلانه من منو
لينا. لا مزعلانه بس منعسانه
ليث. نروح لدريد ويوخر الحزن مالتج
لينا. لا عنده خفاره ميصير واني اريد اضل اهنا احب الحديقه
ليث. تدرين سوه الج مرجوحه
لينا. منو الي
ليث. دريد يي
باوعت اله صدك حلو وجنت ممنتبه اله
ليث. تعاي اكعد بيه
رحت كعدت بيه وهو يهز بيه
ليث. لرحمه للهمزه المرجوحه اثكل منج
لينا. احسن مااكسره
ليث. لتخافين ع شي مازال بضهرج دريد ليطخج اعتبر الله مخلقه نوبه كلب الدنيا علمودج
لينا. اني
ليث. يي
كعد ع النافوره الي يم المرجوحه وكام يحجي واني افر بنفسي
ليث. نوبه لمن اجيتي انت قبل لتصير مرته عمتي امي زينه رادتج لفراس كلب الدنيا شايفه من الام والاب يتعاركون وانت تكومين تسوين اي شي حتى يهدئون هو هيج
لينا. شوكت هاي السالفه اني من شفته وشافتني مامعبرتني
ليث. لا والله خوفج من هيج ناس بمهر احمد وروان
لينا. هااا
ليث. ييي بس ديري بالج تكولين لدريد مو
لينا. لا شعليه داكله
ليث. يي عفيه 
ضلينا ساكتين وهو يتصفح بالتلفون واني ع المرجوحه كال
ليث. هو هسه مو مال حلويات
لينا. لا ليل
ليث. ها دريد
ابتسمت
ليث. دريد هم يكول ميصر تاكلون بوقت متأخر حلويات مثل بالضبط
لينا. يي لان مو زين
ليث. تعرفين تسوين كاكاو وحليب
لينا. لا
ليث. هسه جاي
راح واجه وره شويه جايب كلاصين ونساتل
ليث. هاج
لينا. شكرا
ليث. ادللي اكلي واشربي جربي طيب
لينا. يي صح جانت ماما تسوي الي ولماهر
ليث. الله يرحمهم
لينا. امين
ليث. لتبجين ابجي وياج والله
ابتسمت وسكت كال
ليث. يي شو بعد مرحتي لا المستشفى ولا المعهد
لينا. لان خلص والمستشفى الا اطبق بيه
ليث. ليش مكملتي جان انت هسه سادس
لينا. انت تدري شصار بيه اصلا معجزه اني نجح
ليث. هم صح بس انت سبعه لو اني جان ضليت بالسادس ومطلعت
لينا. لا انت هم سبع
ليث. هم بعد طك جشمج دم
هزيت براسي لا
ليث. يي خؤش
ضل يتصفح بالتلفون واني شربت الحليب وكاكاو كلش طيب مسوي
لينا. عاشت ايدك طيب
ليث. لعد شعبالج هاي اني سويته
ابتسم
لينا. انتطيني كوبك خلي اغسلهن
ليث. لا عوفيهن اني اغسلهن
لينا. صدك جذب هو شنو
ليث. هاك دريد
اخذتهن وغسلتهن حسيت نفسي نعست
ليث. لح تنامين
لينا. يي
ليث. الحمدلله
لينا. ليش
ليث. امانه لازم انومج قبل لا انام
ضحكت هو صعد واني صدك حست نفسي اريد انام واخاف افوت للغرفه لان نايمه واخاف يطلع صوت صعدت فوك(غرفت دريد) جانت بارده ونضيفه فتت غسلت ورشيت عطر ونمت مرتاحه جانت الدنيا هستوه تصبح احس احد يمي بس ماكدر لا اكوم ولا احجي رجعت نمت كعدت الساعه 1 الضهر جان الكه يمي دريد باوعت لروحه شكد تعبان ابتعدت عدنه وغطيته ونزلت البيت هدوء ماكو اي احد غسلت وصليت ورجعت للغرفه لكيته بالحمام وره نص ساعه طلع
دريد. هلا بضوه عيني وشمعت بيتي شلونج
لينا. الحمدلله
دريد. راسج يوجعج
لينا. شلون عرفت
دريد. هاج خلي يمج وره الاكل
انطاني الدواء وراح يعدل بشعره
لينا. شو ماكو احد بالبيت
دريد. لا اكو بس ليث نايم واحمد يم مرته وامي سوت الاكل ونامت
لينا. امم
دريد. ليش تحتاجين شي
لينا. لا
دريد. اذن تخافين
لينا. من شنو
دريد. لا هيج شلونه الكاكاو والحليب
انصدمت
لينا. ياكاكا وحليب
دريد. الي دز صوته ليث
لينا. كلش طيب
دريد. الف عافيه مابقيتيلي
لينا. لا
دريد. ماريد
عود زعل
لينا. عادي ليث موجود هو يسوي
دريد. ليث ميقبل يسويلي
لينا. اطلع ع اليوتيوب واسوي
دريد. فدوه لطولج الحلو  جوعانه
لينا. يي
دريد. يلا امشي خلي ناكل
نزلنا جان يحمي الاكل وصبه
لينا. خلي اني اصب
دريد. لا اخاف تنجوين
كعدت وخله كدامي وكاعد ناكل وهو وخله الخاشوكه بحلكي فاتو روان واحمد
احمد.روان. السلام عليكم
دريد. واني. وعليكم السلام
كمت سلمت ع روان ورجعت كعدت
روان. شوكت نورني البيت
لينا. البارحه بوجودج منور البيت
روان. ياعمري انت
لينا. تعالو اكلو
روان. لا والله اكلنا واجينه بالعافيه
احمد. احنه نترخص اخذو راحتكم
طلعو احنه ضلينا ناكل
دريد. اليوم مهر ياسر
لينا. يي العصر اروح
دريد. ياا نسيته لحضه
راح واجه كال
دريد. ملابسج نسيتهن بلسياره
لينا. شكرا
دريد. شكلت
لينا. شكول لعد
دريد. عاشت ايدك حبيبي
باوعت عليه
دريد. هههههههههه يلا بس عاشت ايدك
كملت اكل  وهو راح غسل وكعد كمل اكل كملنا لميت الي ع الميز ورجعت كلشي لمكانه بس المواعين مكدرت ارجعهن رجعهن دريد
دريد. يلا نصعد نام
جنت مستحيه نزل ليث
ليث. صباح الخير
دريد. مساء النور
لينا. صباح النور
ليث. شسوي غير احس راسي يريد يطك
لينا. انطي حبايه خطيه مثلي
دريد. خطيه شو بس اني محد يكول عليه خطيه انطي انطي
ليث. يي والله حيل يأذي راسي بس طلع يغزر بيج مثل ذولاك الناس
لينا. لا لتشربه
ليث. شبيج جفلتيني
لينا. اكل اول شي بعدين اشربه
دريد. لا حبيبي احنه نضل نعلم شكبره شكده ميعرف
ليث. لا اسكت صايره نسخه منك وكلام الله
دريد. يكلك ليحب يصير نفس حبيبه
لينا. اصبلك اكل
دريد. وشبي هو
لينا. و البارحه هو سوالي حليب وكاكاو
ليث. كل يومه اسويلج طلع يغزر لا اني اصب تعودنا
اريد انزل الماعون ماانوش
لينا. بس اريد ماعون
دريد. يراد افلص ع طولج
ليث. تسويه مثل ما فصل مرجوه اله
صبيت كتله
لينا. هاك وبعدين اشرب الدوه بس وحده مو مثلي شربت شريط
ليث. شريططططط
لينا. يي والله
دريد. ليش تخلفين انت حجيتي صح محاجه للحلفان
ليث. مصدم مو ممصدك
صعدنا فوك جان اول منفوت كال
دريد. لينا انت تحبيني
ضليت اباوع عليه
لينا. ليش هل سؤال
دريد. خلي نتزوج مو طول الموضوع ترى مابي مستحى الموضوع خلي نستقر
لينا.بس انت تحب
دريد. احبج
لينا. لا هاي الي بالمحفضه
دريد. هاي
لينا. يي
دريد. استغفر الله اختي هاي بالرضاعه
لينا. تفىى
دريد. يي شمدريج
لينا. خاله البارحه حجتلي كلشي بحيث اريد انام ماكدر والله
دريد. يي صح
لينا. ليش محجيت
دريد. انتضرت الوقت نفسه الي حجتلج ع دعاء تعاي نامي هسه والله كريم
نمت وهو هم نام كعدت الساعه 4 ونص
لينا. ياااا ريم
كعدت ويفرك بعيونه
دريد. خير شبيه
لينا. تأخر الوقت
دريد. مصار شي بدلي بين مااكمل وامي تجي وياج تفوتج واني ارجعه
لينا. يي لعد
دريد. هذني ملابسج اني لح انزل احجي ويه امي واجي
كملت لبسي ونزلت شعري وقميص وبنطرون وروان مكيجتني هيه تعرف تمكيج لان اختصاصه بعد
دريد. لينا شعرججج
لينا. شبيه
دريد. شيلي
لينا. بس هيج احلى
دريد. ممنوع ينفل
لينا. هسه لعد اروح لروان
دريد. كليه معجبني هيج اريده كبه بيه فيكه
صدك سويه وطلعت حلو
دريد. والله هيج احلى يلا لنتاخر
صعدنا ورحت ع بيت ريم
دريد. ديري بالج لينا
لينا. ميخالف
نزلت واول ماشفت ريم يمي جانت لا بسه فستان فيروزي ومكاج وشعره طالعه كلش حلو المهم رحنه للبيت البينه بيت عمه وجانت حلوه ولطيفه بس كلش تعبنه من رجعنا خالتي رجعت ويه دريد واني ضليت احنه وكاعد ناكل اجه دريد
دريد. تونستي
لينا. يي بس صرنا من علايم ريم خيوط
دريد. ليش
لينا. هذوه لازكين بالكرسي وبس يوصخون
دريد. هيه هيج الحفلات بس المهم انت متونسه بس نرجع نامي ارتاحي
لينا. يي وهذا العشه الكم
دريد. عشه
لينا. يي
دريد. ليش جبتي
لينا. والله هيه جلبت بيه
دريد. عيب من العالم وهمه يمهم خطار
لينا. كلهم اكلو والله ماعرف
دريد. تدرين شكد نمت ونعسان
لينا. يي نام
دريد. ماكدر
لينا. ليش
دريد. الا انت يمي
سكت
دريد. اليوم نحدد العرس تمام
.......
دعاء
اوكل بامي بس متقبل تاكل الكلمه كوه تطلعه شربته عصير وبسكت وشوره ونامت من نامت ضليت ابجي وادعيله اتصلت ع خالتي حتى تجي باجر يمه لان خالتي هم ارمله وعده بس ابنيه 5 سنوات
زمن. يي ميخالف باجر اجي
ارتاحيت من سمعت هيج شي ضليت الليل كله كاعده عليه وادعي الله يريحه ويخلصه بسرعه اجه الصبح واني النوم ماضايكته اليوم الثاني واني منايمه اجتي خالتي خلته يم امي ورحت داومت
لمار. صباح الخير
دعاء. صباح النور
لمار. شنو صارت خاله
دعاء. احس من البارحه الحمدلله
لمار. وحيده ضلت
دعاء. لا خاله زمن اجتي يمه
لمار. يي زين لعد امشي الدكتور يريدج
دعاء. ليش
لمار. البارحه سئل عليج كال من تجي خلي تجيني
دعاء. شنو مسويه
لمار. يجوز يسئل عليج
ضليت خايفه رحت
دعاء. صباح الخير دكتور
علي. صباح الانور اهلا
دعاء. رايدني
علي. يي والله البارحه ليش ماكو
دعاء. والله دكتور عندي ضرف
علي. واضح اكدر اساعدج
دعاء. الحمدلله عدت
علي. الحمدلله اكدر اعرف شنو
دعاء. والدتي سوت عمليه
علي. مابيه غير العافيه سلامته مال شنو
دعاء. فشل كلوي
علي. ياحافظ الله يحفظها الج
دعاء. شكرا دكتور بس اني مسويه شي
علي. لا بس حبيت اطمأن عليج
دعاء. شكرا دكتور اكدر اروح
علي. اخذي راحتج
رجعت بس بالي مو يمي يم امي المحاضرت موجوده بس مااسمع ضليت اتصل ع خالتي حتى اعرف امي شنو بيه جانت ترد واحجي وياه خلصت ورجعت للبيت للعصر اندك الباب اجوي اهل لمار هيه وامها واخته سلمو وكعدو ضلو يتحمدون لمي بلسلامه وطلعو جانو جايبين عصير وذبو فلوس لامي وطلعو
دعاء. شكرا  جيتكم كافيه الله شاهد
امل. لا بنتي اني يمج وشتردين اني موجوده
طلعو وصار وجهي بوجه حيدر
يتبع.....