اخذهم الموت

Part 35

ًالكاتبه. لوجين ادم
......
بكَ، أجدُ السلامَ والراحةَ التي أبحثُ عنها
........
لينا
طلعته وسديت الباب اريد ارتاح اريد اهدأء طبيت اسبح طلعت لكيت دريد كاعد ع الجربايه
دريد. ليش تسوين هيج بيه هاا لينا والله تعبان وحيلي انهد ميت فكره اجتي بالي ميت حسبه وتجر حسبه
لينا. اطلع من يمي روح لمرتك روححححح
دريد. مرتي انت
لينا. هاككك اقرهه هاكك كافيي جذبب كافيي ترا تعبتت ماعرف منك ماعرف من مصطفى ماعرف من امل مليتتتتت والله مليت كافي كافيييييييي
دريد. زينه وتصدكين بزينه تدرين اني اجيت هسه علمود منين ترا جنت مسافر ايفاد المستشفى طلبت مني
لينا. ييي صح بس من تكل لامك لا ماكدر خطيه هاي هم جذب
دريد. يي صح اني هيج كلت علمود لان ماريد اروح واعوف اخاف عليج
لينا. يي واضح
دريد. هاي كله شايلته عليه والله لو مو المدرسه جان اجذتج وياي والله عوفيه لزينه ميته منج والله اني لعد ليش خليتج تجين اهنا انت لو حاجيه لام ريم جان كلتلج مسافر
لينا. يي ام ريم تدري واني لا عود حلوه هاي هااااا
دريد. شكد حلوه من تعصبين تسوين اهلي والله وين جنتي انت
لينا. معليك
دريد. شنو معليه غير رجلج اني
عفته ورحت اجه عليه من وره وحضني
دريد. مشتاقلج ياريحت هلي مشتاقلج بكد ماخلق الله بشر يامتوحشه ياكلب الحجر
لينا. اكرهههههك وخر
دريد. واني هم  اموت عليج
لينا. منو كال اني احبك
دريد. انت
لينا. مكلت
دريد. يجوز مو بالكلام
عفته جان اكل
لينا. اكدر اتنازل ع مصطفى
دريد.ليش نكدر نعرف وين جنتي
لينا. يم بيت عبد الرحمن
دريد. شوداج
لينا. من راسلتني ع عرسك اني طلعت كعدت لكيت محمد كدامي واخذني للبيت
دريد. زين ليش طالعه انت اذا متحبيني
لينا. ضايجه جنت
دريد. ليش تطلعين اكو شي اسم تفاهم اتصال اي شي
لينا. شعليه بيك اني اصلا اريد السنه تخلص
دريد. اني مثلج
اني جنت اكول هيج بس كلبي جان يريد غير شي
دريد. مكلتيلي ليش تريدين تتنازلين ع عمج
لينا. احسن
دريد. اكثر وحده تصرفين الف وحاء وسين ونون احسن احسن هو شنو الي احسن
لينا. اريد اعرف خالتي
دريد. باعي خلي نطلع ونحجي بيت العالم عيب
لينا. لا مابيه حيل
دريد. اسم الله ع حيلج من حيلي ع حيلج
لينا. لا يلا خلي نطلع عادي بس مو هسه انام شويه والمغرب اتصل عليك نطلع
دريد. ع راحتج حياتي
طلع هو واني نمت مكعدت غير الساعه 9 بليل
ريم. صح النوم
لينا. الساعه بيش
ريم. ب9
لينا. عزاااا
ريم. شكو
لينا. مو دكتور كال نحجي اريد اخلص
ريم. من شنو
لينا. بعدين بعدين
رحت اتصلت عليه حتى اريد اخلص منهم
لينا. الو
دريد. هلا
لينا. والله راحت عليه نومه
دريد. احسن
لينا. هه تعال خلي نحجي ترا خاله تقبل
دريد. لا عيب حتى اذا قبل ماعدنا بيت
لينا. يلا لعد ابدل
دريد. يي اني بالباب
لينا. الباب مال منو
دريد. بيت اهل ريم
لينا. صدك ليش
دريد. احسن هههههه
سديت الخط وبدلت وعدلن نفسي وطلعت جان هو واكف يم السياره وخال ضهرا عليه
لينا. هلاو
دريد. اهلا تفضلي
لينا. ليش منتضر اهنا نار
دريد. تخافين عليه
لينا. لا عشتو اني اخاف عليك هي تهي
دريد. هاا هاي جديده
لينا. هلاو احمد
دريد. من يم احمد احمد ومن يمي دكتور
لينا. انت وريم متفقين عليه
دريد. لا ابد
وضحك وكال
دريد. يمي مصاله ويمها مصلحه
لينا. شلون يعني
دريد. هيج حبي لتعبين
لينا. صوجي اني الي احجي وياك كلماا حجيت كال هيج
دريد. يمه بنيتي عصبتي هيه علمود احمد واني علمودج افتهمتي
لينا. شنو سالفت احمد
دريد. يحب حرام وسالفتي احبج
لينا. لا يعني ملكه غير ريم
دريد. ليش شنو بيه
لينا. نادره
دريد. ليش يابه من ياكوكب
لينا. عطارد
دريد. وانت من كلبي
وصلنا جان ننزل للحديقه كال
دريد. احجي شنو الي بيج كلشي احجي لتخلين سالفه تعتب عليج  وبيت عبد الرحمن شمعرفهم بمصطفى شنو غردي
لينا. امل جانت تحب مصطفى بس محد اخذ الثاني بسب الاهل
دريد. هوب هوب هوب شنو مصطفى عمج وام الي هيه ام عبد الرحمن
لينا. يي
دريد. لااله الاالله
لينا. محمد رسول الله ﷺ اي المهم جانت من تضرب هو يوصيهانو تضربني
دريد. ايا حقير هاي لو عرضه يقبل احد يسوي بي هيج لو مرته جان شصار مو ذابحه من قبل انتضر اهلك يوافقون واتزوج ليش هيج يسوي المره متزوجه والرجال متزوج زين ها خسيس ليش اصير اخس منه
لينا. المهم تكول اتنازلي حتى ادلج خالتج
دريد. وانت شنو معرفج خالتج صح لو غلط عوفج من هاي تتنازلين عن حق اهلج
ضليت ساكته ماعرف شنو احجي والدمع هو الي حجه بدالي
دريد. ليش تبجين ياكلبي انت
لينا. احس نفسي ضايعه
دريد. افاااا تضيعين انت انت تضيعين  اني موجود وياج ليلو كلبي انت اني اضل وياج للموت حتلو الثار يصير عليج اعوف الثار وانسى وارجعلج والله واذا تخلو كل الدنيا اني يمج اني يمج
هاي الكلمتين الاخيره جان دائما ماهؤ يكوله الي انو كمت ابجي بالزايد جرني ع صدره حيل وكال
دريد. هديتي كلبي وروحي وعقلي انت والله
ضل ساكت واني ابجي جاب عصير وبسكت وكام يوكل بيه بعدين جاب موطه يكلي
دريد. بردي كلبي الي اعرف هو ميبرد
احس نفسي ارتاحيت وضلينا نسولف ونحجي رجعنا مال اليوم نروح للشقه
لينا. لا المعهد
دريد. عود الصبح نطلع منه
لينا. لا جنطتي ملابسي
دريد. بالجنطه
ضليت مصدومه
لينا. ريم
هز راسه مبتسم
دريد. عطارد جابهن ههههههه
رجعنا بدلت ونمت كعدت الصبح عليه تريكنا وبدلت وطلعنا
دريد. دير بالج عليه
لينا. عليكك شكو
دريد. لان نفسج اني
لينا. هاا
دريد. مع السلامه حمودي
خله فلوس بجيب الجنه وكال
دريد. اني اليوم ارجعج ممنوع تروحين
مشت الايام واجتي الامتحانات اخر السنه وخلصن بخير وسلام جنت ادرس اني وريم لو ويه دريد جنت يم بيت ريم واجتني رساله
دريد. يلا اطلع اني برا
لينا. مو شبو نايمين
دريد. شتريدين منهم تعاي ومعليج
طلعت بالباب جان التفاق انو نحجي برا بس هو سوى عكس اخني وياع للبيت
لينا. وين موديني
دريد. امتحانات خلصتي خطف خطفوج كتل كتلوج نوم شبعتي ترجعين لبيتج بعد هاهيه
لينا. بس هذا مو بيتي
دريد. حرام تكولين هيج
لينا. ليش
دريد. بيت رجلج هو بيتج
لينا. لاوالله منين صرت رجلي
دريد. صدك تحجين لينا انزلي انزلي
نزلنا للشقه مرحنا للبيت جنه مثل الاصدقاء هو يطبخ لو من برا المهم واستلمت الشهاده ونجحت اني وريم وكلش فرحنا وجاب دريد كيكه مال التخرج النا  واجه يوم عرفه تسحرنا برا ورجعنا صلينا اني نمت وهو نام بس يكعدني  اتصال من يأذن الظهر والعصر
قبل الفطور لتصلت عليه ريم كالت تعالي اليوم يمنا اني وفقت بس كتله خلي اشوفه قبل فطرت ونظفت وطلعنا
دريد. صرتي نشيطه باجر اجي اخذج
لينا. الله كريم
وصلني وطلع وهم ضل يوصيني ع نفسي و هاي السوالف
ريم. لج حمد الله جبتج
لينا. ليش
ريم. لا هيج بس خلي نسوي ماسكات وهيج شي وش*** لان باجر عيد
لينا. اني مسويه
ريم. والله
لينا. باعي
ريم. شلون
لينا. ليش متعرفين شنو الي شلون
ريم. اقصد ودريد
لينا. لا من يطلع
ريم. والله يابه اني امت محمد تلتم ع الي مااعرفهن يجون
لينا. هههه صلى الله عليه وسلم
ريم. وجهج منو سوالج
لينا. اني
ريم. لالا شني هاي
لينا. شبيج بس الحاجب اخلي خاله تسوي
ريم. ياهي منهن اهوي خلاتج
لينا. هههههههه امج
ريم. هاااا
لينا. يي حمودي
ريم. شنو
لينا. سلامتج
ضلينا نسوي ترتيبات العيد وعنايه وهاي نمت اني وريم الساعه 4 الفجر كلمن عايدت الثانيه وكعدنا الساعه 12 راسنا موتنا من الوجع اكلنا وسبحنا وكشخنا واندك الباب ياسر جان مسافر
وسن. جيبي حجابي يمه اركضي
ريم. هاج يمه
جنت متوقعه دريد بس ابد مااتوقعت هو واخونه وامها
.......
ريم
جنت داىما اتواصل ويه دريد واحمد جنت كاعده وجان اتصل ع لينا حتى تجي يمي ضوجه وخلصت المدارس بعد ماكو حجه نمنا الساعه 4 وكعدنا  الساعه 12 اكلنا وبدلنا وكعدنا جان اكو اتفاق بس مو وياي ويه امي اي امي الساعه 5 اجه دريد وامه واخوانه حتى يطلبون ايد لينا الي همه اصلا متزوجين بس عود يطلعه من نفسها
ضلو يسلمون ويحجون قدمنا الهم جاي وكليجه جان يكول دريد. خاله اني لو ماحاسبج مثل امي فلا أمن لينا يمج اني اريد اتقدم لينا ع سنه الله ورسوله والمهر الي تريده والشروط الي تعجبه
وسن. هلا بيك اوليدي  جيتك ع عيني وراسي اول تالي البنيه الي تريده يصير انت حجيت وياه بس يحرم اذا فكيت حلكي بكلمه هذني بنات واسئلهن
دريد. تعلميني بيج خاله فدوه لوحج الطيبه
وسن. تسلم تسلم ياغالي
واني عفتهم وانتبهت ع ايد لينا والا جسمه الي يرجف
........
لينا
اتفأجأت منهم انوب ايدي ورجلي وجسم يرجفون وعيوين بالكاع كالت
حنين. يمه هاي بنيتي شي اكيد توافقين حتى يوم الرابع انت بيت رجلج
اني انصدمت شنو هاي السرعه
لينا. ليش هل سرعه
دريد. احسن
باوع بابتسامه
حنين. ها شنو كلتي
باوعت بحيره كالت
وسن. زين والجهاز شلون
دريد. خاله اني جايبله كل الجهاز وان شاءالله مااخليه تحتاج لاي شي
وسن. ان شاءالله اني اردلكم الخبر لان هيه تستحي
باوعلي وصغر عيونه وكال
دريد. اهم شي راحته
ابتسم ابتسامه شكت حلكه وضلو يسولفون ويحجون اخر شي بالليل كالت
وسن. اكل يابه هذا رجلج يكول شنو موافقه لا
لينا. كليله لا
وسن. يابه هيه مو لعب جهال كولي يي اي لا لا
لينا. مادري
وسن. اذا مااخذتي لح تبقين مطلقه
لينا. وشبيه المطلقه
وسن. مابيه بس الناس ماترحم
ضليت ساكته واخر شي اتصلت حنين
حنين. السلام عليكم
وسن. وعليكم السلام
ريم. افتح سبيكر
حنين. ها بنيتنا شلونهه
وسن. بخير ورحمه بفضل الله
حنين. عسى دوم شنو ردت ع الموضوع
وسن. شويه خجلانه بس موافقه
ضليت مصدومه شنو كاعد تحجي
لينا. خاله
مباوعت عليه اصلا رحت للغرفه وضليت ابجي اجتي ريم
ريم. يولي شبيج ليش تبجين مو هذا دريد
لينا. ريم عوفيني اكرههههه والله
ريم. لا مبين اصلا تموتين عليه
لينا. يعني اني ميته هسه شبيج منو مات وره احد
ريم. ترا هو متزوجج يعني توافقين متوافقين بعدبن هو لو ماايحبج جان ما خطبج حتى يسويج هالج هال البنات كل بنيه تتمنى بيت ورجال وزواج وجهال صح لو لا وخصوصا ويه الرجال الصح
لينا. لس احس هو موصح
ريم. اصفني شويه ويه نفسج شوفي هو صح لو لا
لينا. يراد وقت
ريم. لعد ليش من البدايه وافقتي عليه بدون تفكير
لينا. احس واحد كلي مو لحالي
ريم. خلص هاي اشاره من الله عوفيه ع الله يمعود والله يحبج مبين وحتى انت تحبي
لينا. كاعد تسجلين ريم
ريم. لا والله وين
لينا. ماعرف تذكرين من رحت يم بيت مصطفى او كرايب ماما تمنيت هو يمي اتمنيت اشوفه حتى من كالت اتزوج تمنيت اموت
ريم. هاا باعي شنو كلت تحبي بس انت متريدين تبينين اله والله اخذيه مني
ضليت حايره بزماني اتذكر ماما من تكول هو الزواج عمر مو يوم ويومين صدك اني شضمني انو لح يضل وياي عمر بس الحب شنو يسوي خلي اخليه ع الله والله كريم
نمت وكعدت الصبح داز
دريد. صباح العسل ياعسل
لينا. صباح النور ممكن احجي وياك
راساً صار متصل
دريد. شكوت بالضبط
لينا. شكوت مايصير عندك مجال
دريد. اذا تريدين هسه اني يمج
لينا. لا مو هسه وره الغروب
دريد. ادللي ان شاء الله بس اكو شي يعني
لينا. لا لا مع السلامه
دريد. الله وياج
سديت الخط ورجعت نمت وكعدنا  اكلنا نضفنا اني وريم وتغدينا ورجعت كل وحده وحد اني جنت اكلب بالتلفون وريم خاتله بالبطانيه اني اجاني شعور اريد انام صدك نمت وكعدت الساعه 5 وريم نفس مكانه ونومته رحت غسلت وصليت صارت الساعه 6 بدلت وكعدت ودزيت رساله
لينا. هاا تجي
دريد. ثواني يمج
نزلت جوه
لينا. خاله اني طالعه
وسن. ويه رجلج
لينا. يي خاله يي
وسن. ليش ضايجه
لينا. احسن اكبر من عمري مسؤوليه كلش جبيره
وسن. كلنا بعمركم واصغر تزوجنا وكبرنا وربينه وتربينه
لينا. اوف اوف الله كريم
دريد. اني بالباب
لينا. يلا خاله بالباب اني لح اروح
وسن. الله وياج يوم بحفظ الله
طلعو من الباب ورحت يم دريد
لينا. السلام عليكم
دريد. وعليكم السلام
طلعنا وطول الطريق بس الاغنيه تنعاد
انطيني وعد للموت
دريد. بيج شي
لينا. اريد احجي
دريد. احجي
لينا. انت تريد تزوج عمر
دريد. اممم
لينا. اذا تريد تزوج عمر بس تخطب عود بعدين الزواج لان اني بعدين صغيره وانت تعرف ميحتاج اكلك ثاتي شي هذا مسؤوليه واني مو كده
دريد. لا انت جبيره لصغار ميعرفون هيج يحجون
لينا. صغيره بس الدنيا الي ركضت بيه
دريد. شن. المانع من الزواج
لينا. احنا جذبنا الجذبه وصدكناهه احنا مو اتفقنا ع السنه شنو صارت من صدك
دريد. لينا اني رايدج عمر جنت استغفرالله
لينا. شبيك
دريد. مابيه يعني شوكت شكد المده شهر لو شهرين
لينا. يجوز سنه او سنتين
دريد. ليش باله
لينا. اريد اعيش حياتي
دريد. ويني قابل ملح تعيشين حياتج مثلاً
لينا. ماقصد بس اريد ارتاح
دريد. ع راحتج اذا هذا ترتاحيله
لينا. يعني يتأجل
دريد. يي
لينا. اوففف الحمدلله
دريد. هل درجه
لينا. مثل الامتحان الصعب والله
دريد. الله يهديج عليه
لينا. وعد اني الي اكلك بس لا كل ساعه تكلي شوكت مو
دريد. ع كيفج يابه
حسيته مثل الضاج بس اني ارتاحيت
لينا. بس عادي نرجع للبيت
دريد. بس نتعشى
لينا. اني مااريد بس رجعني للبيت
دريد. براحتج
رجعني للبيت واني فرحانه وهو بخبت امل وملامح ذبلانه كال
دريد. ديري بالج ع نفسج

يتبع.....