اخذهم الموت

Part37

الكاتبه. لوجين ادم
........
والمرءُ تَلقاهُ مِضْياعًا لفُرصتهِ حتَّى إذا فاتَ أمرٌ عاتَبَ القدرا
.............
لينا
ريم. امي وين
دريد. ع الطريق
لينا. شنو شمدريكم
دريد. ويه احمد بالطريق شافه وجابه واجه
ريم. صدك يعني اجتي
دريد. يي هسه هيه يمج
صدك راح ودخلت ام ريم واحمد
وسن. السلام عليكم
راحت حضنته وتبجي
ريم. وين جنتي والله حيل راح
وسن. ع كيفج يمه جنت يم خالت لينا
لينا. خالتي
وسن. يي
ريم. الحقيقه
وسن. ييي ماخليج حلكج يابس علمود تعرفين اهلج
دريد. اني اعرف منو خالته واعرف شنو هيه بس حبيت اتأكد
لينا. شنو انيي احجي
دريد. انت بنت امير وميس مو علياء وامير هذوله يصيرون اهل ماهر
وكعدت بالكاع وخليت ايدي ع راسي
ريم. يعني شنو
دريد. السالفه كله هي عباره عن علياء جان امير ميريد جهال وقدر الله وصار عدهم ماهر هيه كالت اني مااريد شغل وبيت وامير كال خلي ننطي لاي احد نسجله بسمهم المهم شافو خاله ميس هيه جانت متخلف فأخذت الطفل وسجلته بسمهم بس شنو وره خمس سنوات حنت علياء ع ضنها لان شالو الرحم اسم الله فمكدر تجيب اطفال والله رزق امج بيج كالت علياء تسجلوه بسمي واذا مسجلتوهه بسمي اخذ ماهر ميس خاف ع ضنها الي ربته وكالت اذا اجتي اسميه باسمج كالت يي صدك اجيتي بخير وسلامه وسمته باسمه واخذتج من امج يعني ماهر مو اخوج ولا انت اخته بعدين جان تكله من تطلعين عوفيه يمي صدك بذاك اليوم طالعت وعافتج يم ميس بس همه بعد مااجوي ببيت ماهر تعرف انت بنتهم بس خالت ماهر تعرف ماهر ابن اخته اني عرفت الموضوع وحبيت اتأكد منه حتى اكول وصدك نفس كلام الي سمعته اناكل لام ريم
لينا. هسه اهلي ماتو الحقيقين يم مصطفى عمي
دريد. مع الاسف يي بس الجنسيه تكول لا
.......
ريم
ماعرف شنو الي صار كعدت ولكيت لينا يمي وشوفوني التسجيل عرفت انو هذا خضر وضليت اسئل ع امي كال
دريد. هسه جايه
اجتي وحجو القصه كاله مال لينا وجان اتفاق بين ماما ودريد حتى يعرفون الصح من الخطأ بس جان كاتم وكلشي محجه بس اني ولينا الي جنه مندري كعدت لينا تبجي
دريد. ليش تبجين ياكلبي مو كسرتي حتى كلبي شبيج
احمد. خاله ممكن احجي وياج
وسن. يي يمه
اباوع ع البيت الجامه الي يم الباب مكسوره حتى يفتح الباب ودم بالمكان
ريم. منو مجروح
احمد. اني
رحت جبت معقم واجيت وكطن
ريم. هاك خلي ليدك لليلتهب
احمد. وكلبي شنو اخليله
ريم. اجتي امي
وسن. يمه هاي شنو بيه ايدك
احمد. جرح بسيط
وسن. يابسيط يمه متشوفه عميق
ريم. اصيح دريد
وسن. يي هلي يشف شلون يداوي
......
لينا
دريد. هسه ليش تبجين مو كسرتي كلبي
ضليت ساكته
دريد. الحقيقه وعرفته ليش هلبجي
لينا. اريد اشوف هاي الي حجيتو وياهه
دريد. من عيوني
لينا. وين صايره
دريد. اني اوديج عليه هسه مو زين عرفي اهلج ارتاحي بعد
باسني من راسي وكاعد يرجع احتي ريم
ريم. دكتورر احمد مجروح
دريد. هو لو احمد لو انت
ريم. ها
دريد. موياج هسه جاي
كمت اضحك كال
دريد. يلا امسحي دموعج وخلي نروح
مسحت دموع ورحنا يم احمد
وسن. يمه شوف ايده
دريد. هوووووو
احمد. شبيك
دريد. عميق امشي خلي اخيطه
احمد. خياط شنو عمي معقم وخلاص
دريد. تخاف
احمد. ياخو الي شايل دمه بخاشوكه يخاف امشي يابه امشي
جلب بيه وكال
احمد. مع السلامه وديرو بالكم ع نفسكم واني اعلمهم
وسن. انت هم وليدي دير بالك ع نفسك يمه
دريد. يلا مع السلامه وليلو باجر اجي اخذج
هزيت براسي
وسن. شنو سالفت خضر
ريم. يمه غير طفر عليه من السطح وراد يفوت للبيت
وسن. صدك
ريم. يي عاد اتصل بالينا وعدنا اقصد دريد واجوي
وسن. زين هذا الوليد شجابه
ريم. هاا ماعرف
لينا. لا خاله اجه ويانه كسر الجامه حتى نفوت لان لكينه ريم متمده بتلكاع
وسن. يمه شسوالج
ريم. مسوالي بس خفت وكعدت
لينا. غير خله ابو وامه يبجون اخذو اثين خالد وخضر
وسن. هاهيه لعد لخي يأدبهم شويه ويلا كومو نامو ارتاحو
اخذت ريم ورحنا للغرفه راحت اتصلت ع احمد يسولفون سدت التلفون لان شافتني كاعد
ريم. لينا شكرا
لينا. ع شنو
ريم. لان نقذتيني اليوم
لينا. لا عادي غير احنه صديقات بس انت تضمين عليه صايره
ريم. لا يولي مجرد صداقه
لينا. صداقه جرح ايده علمود ومو اي جرج عادي الله اعلم يجوج خياط
ريم. اصتلت عليه وكال ليضل بالج
لينا. اصدقاء متصله عليه حتى تشوفين شنو بيه
ريم. اهووو احبه
لينا. هاا اني اعرف بيج انت صديقته
ريم. لج لا حنين لطيف احس لمن احجي وياه بغير عالم والله
لينا. اممم عالم شنو بالله
ريم. هو الي بدأ والله مو اني
لينا. طبعا والله جان ذبحتج
ريم. باعي اصلا يريد تزوجيني تدرين
لينا. ان شاءالله شكو بيه
ريم. ليش ضايجه
لينا. مضايجه والله بس عرفت الحقيقه وانقهرت
ريم. انقهرتي لان عرفتي اهلج
لينا. لا لان طلع مصطفى عمي
ريم. ههههههههههه والله
لينا. يي بس الحمدلله عرفت مو والله متت
ريم.الحمدلله تدرين من شوكت دريد يدور ع اهلج من يوم الي خطفج قاسم ولمن سافر هاي راح يم خالت ماهر وهيه الي حجتله كلشي
لينا. خالت ماهر
ريم. يي خالت ماهر حتى بس يعرف حتى ليعوف ليلو كلبه
لينا. ايعع ايكتي لااحبه ولا يحبني
ريم. لا يحبج ياثوله كل هاي وميحبج وثاني شي انت تحبي بس تكابرين
لينا. لا
ريم. يي
لينا. هدى كاعد تتصل هاي لساعج وياهه
ريم. احمد
لينا. احمد يعني دريد كال هاي هدى وجذب وطلع احمد
ريم. يييي
ضلت هيه تحجي ويه احمد واني نزلت جوه اريد احد يفهمني شنو كاعد يصير رحت يم خاله وسن
وسن. يمه شبيج اهلج وعرفتيهم
لينا. لعد والدفتر خاله
وسن. جذب يمه كله جذب جانت تحب ماهر وحتبج اكثر
لينا. خاله عادي نروح للبيت مالتنا
وسن. هسه
لينا. يي مازال وطنينه لان ماعنده مولد ماسحبين
وسن. لعد جيبي عباتي
رحت جبت العبايه نزلت ريم
ريم. وين اريد اروح
وسن. لبيت لينا
ريم. يلا لعد
يدت الباب خاله وطلعنا فتت للبيت ورحت للغرفه مالتي وضليت ابجي واباوع ع الصور مالتهم وابجي اني حتى مو مثل البشر بجيت شويه وسكتت ليش هيج سويتو بيه ضليت اعزل بالملابس وابجي ماعرف شكد مر من الوقت واني ابجي
لينا. بلكت حلم واني اكعد منه بلكت احد يكعدني ويكلي اهلج بعدهم بلكت يرجع الزمن مااخليهم يروحون لفاتحت مصطفى بلكت ارجع الزمن يارببببببب والله تعبت اختبار اصعب من اختبار والله مليت
حسيت بمشي عبالي ريم بعدين انصدمت
.........
ريم
لفضل لله الي نطق لينا وكالت احنه جبنه ويانه ولحمدلله انو ياسر جان ماكو اتصلت ع احمد حتى اعرف شنو بيه
احمد. هلا بريمي هلا بحيلي
ريم. شلون صارت ايدك
احمد. لتشيلين هم كلبي وروحي انتِ
ريم. شنو مااشيل هم وبسبي هاي كاله
احمد. لا موبسببج
ريم. لا شلون
احمد. لو ماامتصله عليه جان تأذيت اكثر والله
ريم. تدري اليوم لينا نقذتني
احمد. امم من شنو
ريم. كالت لماما انو همه الي دزو عليك
احمد. الحمدلله
ريم. اكلك لينا كاعده وصافنه ويه زمانه
احمد. دريد يمكم بالفرع
ريم. صدك
احمد. والله يكول ماكدر اعوفه
ريم. خطيه والله خلي اروح يمه
احمد. تمام
حجيت وياه ورجع اتصل عليه
احمد. ها شلون صارت شنو بيه
ريم. مقهوره ع مصطفى
احمد. ع عمهه
ريم. يي لان طلع عمه
احمد. لا بربج
ريم. والله
احمد. عليجن سوالف الزعاطيط ماكو مثلهن
ريم. يعني شنو
احمد. هيج هيج حياتي اخخخ
ريم. شكووو شبيك احمد
احمد. كليوم احبج اكثر
ريم. والله عبالي بيك شي
احمد. لينا نامت
ريم. لحضه خلي اشوفه لا لا اصلا ماكو بلغرفه
احمد. والله عرفت متشوفين سئلتج كومي شوفيه خطيه
نزلت راسي شفتهم يريدون يطلعون
ريم. اريد اروح
احمد. وين
ريم. لبيت لينا
احمد. يي هو هم فرفحت روحه عليه يكول متبين انو هيه بيه شي ابد
ريم. يي ابد لتذبحه
احمد. يلا لعد من ترجعين نتصل
طلعنا وضليت اتلفت منا ومنا عرفت دريد موجود بس هيه مبيت اي شي صعدت فوك واحنه جوه بس من اجه دريد دك الباب
وسن. يمه تعال تعال
دريد. السلام عليكم
اني وماما. وعليكم السلام
دريد. وينه هسه
وسن. بغرفته مخنوكه تريد تطلع خنكته
دريد. روحو نامو تعبتكم ويايه اني لح اخذه
وسن. لا يمه شنو تعب هاي بنيتي
دريد. رحمه والديج من طيب اصلج
وسن. شنو تحتاج يمك اني والله
دريد. متقصرين والله
رجعت اني وماما للبيت وصعدت اني وماما فاتت لغرفه واني اتصلت ع احمد وضلت احجي
.......
لينا
لينا. ريم هم تصدكين ماتو
دريد. الله يرحمهم
انصدمت من صوته اندرت واني امسح بدموعي
لينا. شنو الي جابك
دريد. انت
لينا. ليش اجيت ليششش
دريد. اصلا مرحت عرفت لح تسوين هيج
لينا. ليش مكتلي من البدايه
دريد. جنت الا انت تروحي وياه وهذا الموضوع صعب
لينا. صعب لان اريد اعرف اهلي منو
دريد. لا بس حبت اعرف وعرفج ع كلشي
لينا. تعبتتتتتتتتت
وكعدت اشمر بلملابس والصور
دريد. اسم الله عليج تعاي امشي ليناا
لينا. مااروح
طفت الكهرباء كال
دريد. نكعد بالضلمه
صدك رحنا للشقه مالته وكال
دريد. لينا اريد اني هم احجيلج شي عني وهم محد يعرفه
سكت من شفت الحزن الي بعيونه
.......
دعاء
قبل سنتين جنت هسوني ناجحه من السادس الاعدادي دخلت للكليه تعرف ع بنيه جانت كلش حبابه وحلوه وهادئه حسيته مثلي حجت ويايه واني هم حجيت وياه تعرفنا وصارت اغلى من روحي جنت اني وياهه هيه تنتضر اخوه واني انتضر ابو الخط لان اني وحيدت ماما بس اني وياه بالبيت وماما جبيره بالعمر وتعبانه مرن الايام والسنين اجتي بدايه المرحه الثانيه جانت تكول
لمار. تعرفين اخويه
دعاء. منو اخوج تقصدين لوصلج
لمار. يي واني احبج واخويه هم حبج
دعاء. شنو يعني
لمار. يريد يتعرف عليج وياهذ رقمج حتى تقدملج
دعاء. بس اني ممفكره اصلا لا بي ولا بالزواج
لمار. جربي
دعاء. لا والله لا ائمله ولا ابد اني ماريد ادخل علاقه اني اريد ادرس واكمل
لمار. تمام لعد
كملنا من الداوام طلعت انتضر ابو الخط صدفه انو جانت بنته مريضه اجتي عليه لمار
لمار. تعالي حيدر وصلج وياه
دعاء. لا حبيبتي هسه اخذ تكسي شكرا
لمار. ميصير هذا يعني انت لا تريديني ولا تحبيني ولا ابد
رجعت للسياره ومكدر حتى احجي وياه نزل من السياره واجه بتجاهي
حيدر. مرحبا
دعاء. اهلا وسهلا
جنت اباوع ع الكاع واحجي
حيدر. تفضلي وياي للسياره
دعاء. لا ماكدر اصعد هسه اني اتصلت ع ابو الخط وكال جاي
حيدر. انت تعرفين صديقتج اكثر مني واذا تزعل تخبص الدنيا خبص
دعاء. بس اني ماكدر اصعد ويه احد غريب اهلي مانعيني اسفه
حيدر. والنعم من تربيتج بس ميصير تضلين اهنا
دعاء. وهم ميصير من واحد يجي ويطلع عليه سمعه مو حلو والبنيه اهم شي سمعته
حيدر. عاشت ايدج
اشر ع تكسي وجان رجال جبير وكال
حيدر. مرحبا حجي بس ممكن توصله
انطاه العنوان الي مستغربه شلوت اندل المكان وكاعد يريد يطلع الفلوس كالت
دعاء. ممحتاجه عندي شكرا
صعدت وهو انطه للرجال
دعاء. عمو شكد الحساب
. واصل عمو
دعاء. والله انزل كول شكد
. 8
دعاء. اتفضل والباقي الك عمو
باوعلي بستغرب حيدر
. هاك ابني
حيدر. خلي حجي بسلامه
. رحمه والديك ابني
طلع كبل واني راجعه للبيت كلت لمار
دعاء. اعذريني كلش اسفه بس خلي نفسج مكاني اني غاليه عليه بس مااكدر اصعد وياج
لمار. عادي حبي مصار شي بس يوم بعد يوم تكبرين بنضري
ابتسمت وسديت التلفون وكمت اسوي اكل وجان الجو كلش حار سويت اكل واجيت يم امي
دعاء. يلا ماما تعاي اكلي
فاطمه. حيلي مهدود يمه
دعاء. اسم الله عليج من حيلي ع حيلج يمه ليش
فاطمه. تعبانه ونفسي احس روحي تريد تطلع
دعاء. يمه العصر اوديج للدكتور
فاطمه. لا يمه برانه عيشه
دعاء. تدبر يمه تدبر
اوكل بيه ومتقبل تاكل احس النفس كوه يطلع منه خليت الاكل وكتله
دعاء. يلا يمه امشي نروح
فاطمه. غالي
دعاء. صحتج اهم
بدلت لامي وطلعتها بالعربانه مالته ورحنا للمستشفى جان يكول
يمان . السكر صاعد وو
ونزل راسه
دعاء. دكتور فدوه احجي شنو بيه
يمان. عده فشل كلوي
دعاء. لا فدوه دكتور لا لتكوله
يمان. خلي امانج بالله قوي
دعاء. دكتور اكدر اتبرع اله
يمان. لا ماكدر اجازف بالثنين
دعاء. يعني شنو
يمان. عمره جبير وانت صغير ميصر والدتج حيل تعبانه والعمر بيد الله خليج قويه
راح واني الي كعدت ع حيل من لمن عرف هاي السالفه الي حدت حيل اجه دكتور جان طويل وابيض وضجم وجسم حلو مرت اجه يمي وكال
. ببج شي
دعاء. اني مابيه بس امي الي بيه
. شنو بيه
دعاء. فشل كلوي
. كولي يالله وعوفيه ع الله كومي بابا غسلي وجهج لان اذا والدتج تشوف حالتج تحس اكو شي
دعاء. دكتور فدوه ساعدني ماعندي غير ساعدني وخليه زينه تضل ويايه والله ماعندي غير
. سهله سهله بس خليج يمه هسه هيه تنحل واول منشوف متبرع رساً نسوي العمليه
كمت ومسحت دموعي ورحت يمه هيه صاير بس عضم وخلد عوده وحيل مابيه عده ضغط وسكر
دعاء. ها يمه شلونج
فاطمه. هلا شكال الدكتور
دعاء. كال مابيه غير العافيه
فاطمه. هيه لعد خلي نطلع
دعاء. لا نضل شويه لان يريدون يسون تحاليل  ونمنه مستشفى وكعدت واشوف الدكتور واكف
دعاء. بشر دكتور
. مو كتلج خلي املج بالله جبير الحمدلله لكينه متبرع
دعاء. صدك دكتور الف الحمدلله بس شكد المبلغ اني حاضره
. لالا في سبيل الله
دعاء. والله
. صدكيني يلا هسه لازم من هسه تصوم حتى نسوي العمليه
دعاء. ان شاءالله شكرا دكتور الله يوفقك وفرج همك
. لا ولو هذا واجبنه
طلع الدكتور واني طايره من الفرح وقررو العمليه العصر واجه العصر وقعت ع العمليه  وتمت العمليه بخير وكامو الاثنين تشكرت من الرجال الي تبرع وانتضرت امي تكعد والدكتور الي ماعرف اسمه جان حباب كلش  بس سوه العمليه طلع ودكتور يمان هم  حباب رحت وتشكرت منه وكتله وصل شكرا للدكتور الي سوه العمليه اله ضليت افتر اتصلت عليه لمار
لمار. هلا دعاء شلونج
دعاء. الحمدلله وانت
لمار. زينه ليش اليوم ماكو
دعاء. والله عندي ضروف
لمار. خير شنو الضروف
دعاء. عود اني اكلج بعدين
سديت التلفون منه
يتبع.........

شنو تتوقعون لح يكله دريد؟!