الكاتبه لوجين ادم
..........
لا تعجلن بوعد ثم تخلفه فيثمر المطل بعد الود أحقادا
................
دريد
مرن الايام ولينا بدت تتغرير يوم بعد يوم بس هيه مو مريضه بس لمن يتجمعون العائله تغير لينا ومن يوم الي عاطت كدام روان واحمد وامي وليث تغير مو لينا الي اعرفه ابد مو لينا وكلام ليث الي خوفني عليه اكثر صدك اني ماأمن بالكرايب بس معقوله يسون شي ضليت بين الشك الي بليث ومابين خوف امي وكلامه بلا يمه هذوله عمامكم وخوالكم وعماتكم امن امي ع لينا اتصلت ع ريم حتى اعرف اكو شي لو لا ماكو شي ورحت اكمل العمليه الي عندي رحت 3 ورجعت للبيت لكيت لينا وجهه اصفر وليث كاعد ع الدرج وامي واكفه
دريد. خير
واحد يباوع بالثاني
دريد. احجو شكو
ليث. يمكن مصران اعور كل ساعه تستفرغ
رحت حتى اشوف صدك حرارته عاليه وكاعد تبجي
دريد. هذا المكان يوجعج
لينا. يي يي
وتبجي
حنين. يمه هذا الاعور
دريد. يي تعال حضر الساره بسرعه ليثث ليروح ينفجر بسرعه ليث
اجه احمد يركض
احمد. خير
ليث. احمد افتح السياره لا لينا بيه مصران فدوه اركض
احمد. يي هسه
اجتي روان وامي يلبسون بلينا وهيه تعيط وتبجي
دريد. يلا بسرعه ليروح يصير ميصير
جنت خايف عليه لااسم الله ينفجر اتصلت حتى يحضرون الغرفه رحنا للمستشفى طبينا سوينا تحاليل وجانت تكول
لينا. لح اموت اني
دريد. اششش اسم الله مابيج شي شويه وتصيرين زينه
دخلنا للعمليات وجنت خايفه لو متأخرين شويه جان انفجر الحمدلله خلصنا العمليه بخير وسلامه طلعت لينا من العمليات واني رحت حتى اغسل ايدي وهيه بعده بالبنج
حنين. حمدلله ع السلامه
احمد. الحمدلله ع السلامه
روان. الحمدلله ع سلامته
دريد. الله يسلمكم وين ليث
اجه وهو يرجف
ليث. بشـ شر
دريد. الحمدلله خلصت
ليث. الحمدلله الحمدلله ع سلامته متشوف شر والله حيلي انهد عبالك بنتي
وكعد بالكاع
دريد. الله يسلمك زين انت شبيك
ليث. والله خفت عليه مشفته انت كوه تحجي والبجي مالته يبجي الحجر وانوب يتيمه انقهرت عليه شلون بالبدايه جنت وياه ومن انركعت بيه
اباوع عليه شلون عيونه عبالك واحد جان يبجي كعدت يمه وكلت
دريد. كول يالله هيه سبعه قويه كامت ليش تبجي انت
ليث. لان يتيمه وماعده احد وخطيه والله خطيه لان مكسوره
دريد. هاا اشو متعرف تحجي واني
ليث. البنيه تضل مكسوره هسه اني شطولني وهم ابجي ع ابويه زين هيه طفله دير بالك عليه خطيه والله
دريد. لك تحسسني انت ابوه
ليث. اخوه والي حق عليه
احمد. هاي شنو هاي ليث كدامي مكاعد اصدك
ليث. لا صدك تعالو
حضنا ليث كالت امي
حنين. الله لا يفرق بينكم
ليث. تعالي انت هم
ضحكنه والحمدلله من صارت زينه اتصل عليه احمد حتى يعرف شلوني وكلتله السالفه وره شويه فكت من البنج رحنا يمه
دريد. الحمدلله ع السلامه
لينا. شكو
دريد. انت بالمستشفى لينا
لينا. الله يسلمك
الصبح قيل لا افوت ع لينا جانت تتصل عليه ريم جانت متوتره وعرفت انو حاجيله كلشي احمد وهيه حجت بدون متدري
......
لينا
من شافني واني كمت ابجي واحجي وراه راح ضلو يمي خاله وليث ليث يسئلني شنو اكلتي منو مضوجج وهيج شي خاله تكلي منو وياج شنو هسه بيج حسيت بروحي تريد تطلع وبطني موتتني من الوجع وبس استفرغ وروحي طالعه كاعد وماعرف شكد مر من الوقت اجه دريد سئلني عن هذا المكان الي نفسه يوجعني راسا صاح ع ليث يحضر السياره من الجحي عرفت بيه مصران اعور دخلنا وتحاليل وخبصه دخلت للعمليات كعدت شفت كدامي دريد واني بعدين ماامستوعبه شنو الموضوع
دريد. الحمدلله ع السلامه
اني ماعرف شنو كاعد يحجي بعدين تذكرت الي اني بي دخلو بعده خاله وروان واحمد وليث يتحمدولي بالسلامه
ضليت كاعده والم هم بعد بيه
دريد. روحو ارتاحو اني لح اضل اهنا لان ميصر كلكم
حنين. شلون يمه اعوفه وحده
دريد. هت شبيكم اني وين رحت
لينا. خلي اطلع
دريد. ميصر باجر ان شاءالله
لينا. ليش
دريد. مضل مضل شي
ليث. اني اضل يمك اخاف تحتاجون شي
دريد. لا حبيبي روح مااحتاج شي بأذن الله
سلمو عليه وراحو للبيت وضليت روحي تلوب اريد بس اطلع كال لازم ناخذ عينه حتى نزرعه اخاف اكو شي بس ان شاءالله حميد عاد ماعرف شلون نمت كعدت الصبح
دريد. صباح العسل ياحلو
لينا. صباح النور
دريد. شلونج
لينا. الحمدلله بس همين بعد اكو وجع
دريد. يي طبيعي لان هاي وره العمليه
لينا. شوكت ارجع
دريد. مضل شي هسه نطلع
اجتي سستر وبدلتلي ضليت الى ان طلعنا جان ليث واحمد بس الي اجوي
دريد. انت وليث من كدام واني ولينا وره
احمد. يلا ليث تعال
دريد. سوق عدل
احمد. اني مو ليث
ليث. وشبي ليث
دريد. ضراير لتعاركون
جنت اني كاعد وخال راسي ع ظهره وكل مااكو طسه اكول اي يكول وصلنا وصلنا وصلنا للبيت جان اكو طلي يم الباب تفأجئت ليش من نزلت ذبحه الرجال كدامي كمشت ايد دريد قوي لان اخاف من هاي السالفه شالني ودخلنا جوه
حنين. الحمدلله ع السلامه يمه
كامو يتحمدولي بالسلامه واجتي ريم حضنتني وتبجي
وسن. ريم شوكت تكبرين ليش تبجين
ريم. شلون ماابجي اختي طلعت من الموت
ذبحو الطلي فجران دم عود الي ريم ماعرف شلون درت واني تعبت خلون بغرفت خاله نمت واتألم جابتلي معلاك كالت لازم تاكلين
لينا. مااريد مااشتهي كلشي
حنين. بس لازم تاكلين حتى يصير بيج حيل يمه
لينا. والله مااشتهي
انوب تذكرت انو رمضان
لينا. صايمه
حنين. الله عاذرج بنتي
لينا. لا صايمه
راحت من يمي واجه بس دريد
دريد. شلونه الحلو
لينا. الحمدلله
دريد. ليش متاكلين
لينا. صايمه
دريد. بس تدرين انت اذا تفطرين احسن الج الله كال من كان مريض او ع سفر فعده من ايام اخر يعني انت النفروض تفطرن الفطور احسن الج وبعدين اذا الدكتور كال لتصومين ميصر تصومين وموزين عليج
كام يلف بالفات وينطيني واني اكل اخر شي كلت
لينا. شبعت
دريد. الف عافيه اشربي مي
لينا. اخاف انت عطشان
دريد. لا الحمدلله
لينا. لعد اني مااريد
دريد. زين اذا اني عطشان تشربين بدالي
لينا. يمكن
دريد. لعد اشربي
شربت مي وكلته
لينا. هاهيه لح اطك
دريد. لا اسم الله بالعافيه ارتاحي هسه
عافني وكام واني نمت كعدت صوت مواعين وسوالف انفتح الباب
دريد. صح النوم
لينا. صح بدنك
دريد. بيج حيل نمشي
لينا. اخاف امشي
دريد. ليش كلبي انت ليش تخافين
لينا. تنفتح العمليه
دريد. لا بلعكس زين الج باعي خلي نمشي ومن تتعبين كولي اوكف مو
لينا. يي
كمنا كاعد نمشي شويه وكعدت
دريد. ها
لينا. ماكدر
دريد. لا لازم تمشين امشي وراجعج ع ظهري
ضحكت ومشيت ورجعت ع الجربايه
دريد. يي احسن نمشي حتى نرتاح مو
هزيت براسي يي
كال الله اكبر
لينا. اذن روح افطر
دريد. انت هم تعالي افطري
لينا. لالا مااريد
دريد. ميصير لينا
مشاني وياه وكعدت وهو راح توضى وكامو هو والولد يصلون وخاله راحت تصلي وروان هم ضليت بس اني
كملو صلاه اندار عليه مبتسم
لينا. تقبل الله
دريد. منا منكم صالح الاعمال
احمد. شلون صرتي
لينا. الحمدلله
دريد. اخوج البارحه كام ييجي
ضليت صافنه
لينا. منو ماهر عايش
دريد. لا ماقصد ماهر اقصد اخويه اني وياج الي مينزل دمعه عليه البارحه يبجي عليج
باوع ع ليث ابتسمت لان هو صدك مثل اخويه حنين وحباب
ليث. دريد
دريد. محجيت شي غلط امانه مو هيج سوه ليث
احمد. لا بس غير عيونه طبات جوه
لينا. شكرا الك لان بجيت والله العظيم اعتبرك مثل ماهر الله شاهد انت ورده
دريد. هااا هاا
ليث. الله يسلمج الله يعزج
دريد. لتدخل بالجو
ليث. ليش تغار اخ واخته انت شكو
دريد. ياا صدك اني رجله اذا انت اخوها
حنين. يلا يمه تعالو افطرو
اني كاعده ع التجم وهو يلف وينطيني الى ان شبعت
لينا. والله شبعت اكل انت انت صايم اني شبعت
دريد. الف عافيه
وضل كلما ياكل يكول تريدين واني اكو لا وره شالو السفره وصبت روان الجاي وكالت
روان. هسه ابويه وامي لح يجون علمود لينا
احمد. هلا بيج وبيهم
هيه ابتسمت وراحت دريد عاف الجاي وكومني للغرفه واني كوه امشي
دريد. باعي اريدج هيج تريدين تحجين متكدرين وحتى مشي لتمشين واذا اكلج كولي مابيه حيل مو
لينا. ليش
دريد. احسن الج والله اخاف عليج
اتذكرت حجي البارحه مال ليث بعدين كلت
لينا. ميخالف
اجتي روان ساعدتني انو ابدل شالني دريد ونومني ع التخم وغطاني اجوي الولد وخاله وروان اندك الباب طلع دريد سلمو وفاتو دخلو جوه جان بيدهم صندوك ببسي سلمو عليه وضلو يحجون عن الاهل وعند العمليات وهاي اني راسي انصطر باوعت عليه اجه يمي
دريد. ييج شي
لينا. اريد اطلع منا
دريد. زين بس انتضري شويه
لينا. يي
ضليت انتضر جان يكول
دريد. اني اترخص لان تريد ترتاح
شالني ورجعني للغرفه
دريد. بس اعدلي نفسج شويه
لينا. اسفه بس تعبت منهم
دريد. عادي ولا يهمج
ضل كاعد يمي كلت
لينا. ريم شمدريه
دريد. يمكن من احمد
لينا. احمد منو
دريد. لا اقصد يعني احنا اني هيه اتصلت واني كتله
حست اكو شي بس شنو ماعرف يعني معقوله هيه تحجي ويه احمد
........
ريم
من اتصل عليه دريد اني ضل كلبي يلعب اخر شي اتصلت ع احمد
ريم. الو هلاو احمد
احمد. هلا
ريم. بس تعرف شي
احمد. عن منو
ريم. عن دريد عن لينا اي احد
احمد. خير ليش شكو
ريم. اتصل عليه دريد كال اكو احد من صديقاته مضوجاته مااعرف شي
احمد. اهدأئ ماكو شي هسه اعرف من دريد
وره اشويه وكال
احمد. ليضل بالج ماكو شي
ريم. الحمدلله
تسحرت ونمت كعدت اريد افتح عيني ماكدر بس صوت التلفون
احمد. شلونج
ريم. الحمدلله اكو شي
احمد. ترا لينا بالعمليات البارحه بس مكتلج بس هيه هسه بخير ولح تجي للبيت
اني انصدمت راسا كمت وكلت
ريم. شلونن وليش مكلت هااا شنو العمليه وين وليش
احمد. بس ريحي بالج مصران اعور وهسه لح تطلع خفت عليج وبعدين فجر شوديج
ريم. تمام باي هلي اتصل ع دريد
احمد. ليش
ريم. حتى من اروح يعرفون اني اتصلت ع دريد
احمد. ماشي
سديته منه واتصلت ع دريد
ريم. السلام عليك دكتور
دريد. وعليكم السلام اهلا
ريم. صدك لينا بالمستشفى
بعدين كلت اني شنو حجيت
ريم. اقصد وين لينا وشلونه
دريد. الحمدلله هسه هيه لح تطلع من المستشفى بس هو من البارحه يدري شعجب اليوم يلا دريتي
ريم. هااا
دريد. واضح واضح
ضحك وسديت الخط من الفشله رحت كعدت امي حتى نروح بدلنا وطلعنا لبيت لينا فتنا جانت بس ام دريد وجنتهم وبالباب طلي سلمنا وانتضرت لينا تجي سلمت عليه والدموع من وحيدهن كامن يطلعن سلمنا وكملت ورجعت للبيت لان ياسر منتضرنا بالباب رجعت للبيت نضفت البيت وكملت وصليت ونمت كعدت لكيت احمد متصل عليه اتصليت عليه
ريم. الو هلاو
احمد. هلا بيج
ريم. مادري بيك جنت نايمه
احمد. عافيات بس شنو سويتي
ريم. رحت لينا واجيت ونضفت وصليت ونمت
احمد. منو جان موجود يمهم
ريم. محد
احمد. اهاا
ريم. حجيت اليوم ويه دكتور دريد جان اكله صدك لينا بالمستشفى
احمد. ههههههههه الله عليج يا ريم
ريم. شكد عيب يكلي زين هيه من البارحه ليش هسه يلا دريتي كتله هاا يكول واضح سديت الخط بوجهه من الفشله
احمد. هههههههههههههههههههههه ع شنو فشله بس هو
ريم. اني شعليه بيه شكد عيب منه
احمد. عوفينا منا شلونج انت
ريم. الحمدلله
احمد. الحمدلله شنو مسوين فطور
ريم. صايم
احمد. لعد يهودي
ريم. صيام مقبول
احمد. امين منا ومنج
ريم. مسوين دولمه
احمد. اريد ماعون
ريم. ميخالف
احمد. شكد فطيره شلون ميخالف
ريم. دك الباب واني احضر ماعون سفري وانطيك
احمد. هم رمضان وهم من جوه الجوه
ريم. ان شعليه
احمد. زعلتي
ريم. ع شنو
احمد. غير لان انت لح تاكلين واني لا
ريم. لا شكو اني كتلك وانت مااردت
احمد. ميخالف لعد اجي اخذ ماعون
ريم. تمام لعد
كملت اتصال ويه ورحت الدولمه بخشمي كمت فتحت الجدر وصورته ودزيته اله
احمد. مو حرام عليج صايممم
ريم. لعد بس اني اشوف واشيع قهر
احمد. ام بطن ع شنو مابقه بس ساعه
ريم. من تجي كلي من تنشف اخليلك بالماعون
احمد. ميخالف
صدك نشفت وصبيت بالماعون وخليته بالطرمه عاد كال اني بالباب كتله
ريم. لح اخليه جو الباب
احمد. واني اريد اشوفج الج وتالي متالي من جو الباب حرامي خما حرامي
ريم. والله مااكدر
احمد. لعد ماريد
ريم. يلا لح الطلع انطيه الك
احمد. انتضرج
سويت ماعون ماما جانت تكول
وسن. ودي هاي ام عباس خطيه
اجتي من الله طلعت واخذت الماعون واول ماطلعت شفته انطيته اله ورحت دكيت الباب وانيطته اله وطبيت هو جان واكف طبيت وهو بالسياره اذن وكمت احضر السفره واجه ياسر وصلينا وكعنا ناكل جنت اني عايفه التلفون ع الدرج وهمزين كاتبته هدى والمحادثه اول باول احذفه كاعدين ناكل جان وكع الببسي وكمت اجيب وصله حت امسحه جان كام ياسر واني كاعد ارجع الوصله واشوف التلفون بايد
ريم. شبي
جان يباوعليه بنضرات متفسر
ياسر. منو هدى
ريم. صديقتي
ياسر. يمـه يمـه
وسن. ها
ياسر. ريم عده وحده غير لينا اسمه هدى
باوعت عليه وكالت
وسن. يي ليش
ياسر. شنو موديه اله هاا
وسن. ليش تفتش هيه وصديقته
ياسر. يمه خليني اتصرف
ريم. علمته الطريقه مال ماما بالدولمه
ياسر. افتحي الرمز
اخذته من ايده وفتحت الرمز همزين ماكاتب شي بس كاتب
احمد. عاشت ايدج وعاشت ايد عمتي الورده
ياسر. ليش حاذفه الرسائل
ريم. نحجي اتصال
ياسر. اتصلي عليه
يتبع.......
أنت تقرأ
اخذهم الموت
Mystery / Thrillerقصه عن فتاه وشاب فتاه يتيمه يتوفه كل من تحب وتتعذب بحياته وشاب يحارب من اجل سعادة الفتاه ثم يأتي العوض الجميل من الله
