اخذهم الموت

part 13

الكاتبه. لوجين ادم
.......
لم اقصد حبك
كان الفضول فقط يدفعني لاكتشافك فصرت كمن وجد شيئأ قد خلق من اجله واقسم الا يتركه
.......
دريد. محتاجه شي
لينا. اريد ايدي تصير زينه والله ماكدر احركه
دريد. ان شاءالله مضل شي ليش هل البجي صيري قويه وحل ينحل كلشي صعب صدكيني
لينا. لا اصير قويه وبعدين بمرور الوقت انكسر
دريد. لينا بيج شي
لينا. لا دكتور
دريد. اعتبريني اي صديق مقرب الج واحجي تره اذا تضلين هيج موزين ع صحتج وايضا نفسيتج
لينا. ليش شنو الي بيه
دريد. ماهر اخوج
لينا. يي اخويه شنو هل السؤال
دريد. زين بل الجنسيه ليش اسم يختلف عنه
لينا. لان مسميني ع ايم ناس ماتو
دريد. شلون يعني
لينا. يعني اني بس بل الجنسيه مو باسمهم
دريد. زين ليش متوسوه
لينا. متصير
دريد. كلشي الا حل
لينا. ماعرف
.......
لينا
شفت دكتور دريد اجه يمي وحاول انو ياخذ مني كلام بس اني مانطيت بس لمن سئلني عن الجنسيه حجيت
دريد. الله كريم يجوز لمن تطلعين بخير وسلامه يسوه لتضوجين
لينا. هسه اذا انت ممسميك باسم اهلك واهلك عايشين والي مسمي اسم بناس ماتو شنو شعورك
دريد. انقهر شي اكيد
لينا. باوع
دريد. بس هم مااضوج نفسي خلاص اني عايش بيت وعندي اخ وام هاي كلش كافي
لينا. الحمدلله
دريد. تمنيت عندي اخت
لينا. ليش ماعندك
دريد. لا
لينا. الله يعوضك
دريد. بابا ومات شلون
وابتسم
لينا. عادي
ضل يباوع عليه ومبتسم وبعدين استوعبت الكلام وكلت
لينا. اعتذر بس اثر الضربه
واشرت ع راسي
دريد. عادي عادي ولا يهمج
لينا. انت اي مريض تجي تحجي وياه وتهدي
دريد. لا بس الي اعزاز ع كلبي
لينا. اهاا
دريد. يي وانت منهم اقصد انتو بيت ابو ماهر
لينا. تسلم بس هسه بس تكوم اخذ سيئاتك كلهن
دريد. افف ليش
لينا. ماعرف فعادي اطلب طلب
دريد. امري مو بس اطلبي
لينا. شكرا انطوني ابره متكعدني والم يخف واصلا ماحس بل الالم
دريد. ادللي هسه بيدي اني اضربه الج
لينا. شكرا دكتور
دريد. العفو عيني
ضربني الابره بل المغذي وضليت شويه ونمت
........
دريد
ضربته الابره ونامت انقهرت ع ملامحه الي تعبانه ع صغر سنه والي كاعد تمر بي هيه شغلت الجنسيه احس اكو قصه براه وقصه جبيره رجعت شعرها بره اذانه عفته تنام ع راحته رحت للحديقه مال المستشفى واشوف ماهر كاعد بره
دريد. هلا بماهر ليش كاعد وحدك
ماهر. هلا بيك دكتور والله ماكدر ارجع للبيت ولينا جوه والوالده
دريد. صدك جذب روح اني موجود
ماهر. لا شلون
دريد. روح ارتاح
ماهر. لا راحتي وين ميروحون
دريد. ان شاءالله الله يحفظكم
ماهر. تسلم دكتور رحمه الله والديك ماقصرت والله وكفاتك حلوه
دريد. مثل وجهك ياطيب
فتت المستشفى ومريت للغرفه الي جذبني اكثر انو ماهر بشرته بيضه والعيون سمائي هيج مثل البحر ع ابو زين معقوله انو لينا مو اخته لو شنو واكف يم الباب واباوع من الشباك ففت للغرفه اسم صوته لمن تكول اممممم اممممم شكد تعبانه وايضا ضربت الراس مو هينه خلص اليوم واجه موعد عمليت ايده تجبير
ماهر. دكتور بي ديرو بالكم
دريد. من عيوني ادلل
اجه دكتور هيثم وسوه ايده واني وكفت يمه كاعد يعدل ايده وكامت تصير من الالم وكمشت ايدي بكل قوه اني ابتسم لاارادياً كملت العمليه مال ايده رادو يطلعو لان ماهر اصر الا ان يطلعوه ويكون اني اتحمل المسؤليه بس مخليناهم هم لح تبات اليوم الثاني راحت ام ماهر وماهر حتى تجيب ملابس للينا ووصتني ع لينا وطلعت رحت يم لينا الاكل عايفته ومكاعد تأكل
دريد. ليش مماكله
لينا. مااشتهي
دريد. لا ميصير لازم تاكلين
......
لينا
نمت وكعدت ثاني يوم راسي يوجعني وايدي سوو العمليه ومن الالم كمشت الدكتور ومن كل كلبي بحيث اثر الاصابعي ضلن ع ايده هو ابتسم واني وخرت ايدي ماما وماهر راحت للبيت  دخل الدكتور واني مماكله شي جاب الميز يمي وكام يطعم بيه عبالك طفله وامها توكله
لينا. لا اني اكد اكل
دريد. عادي اني اريد اوكلج انت امانه يمي هسه لا الوالده وصتني بيج قبل لتروح للبيت
لينا. وصتككك
دريد. يي
لينا. انت زين ليش
دريد. لان مامنه بيه
مرت الايام والحمدلله نجحت من المرحله الاولى بل المعهد وبس هاي السنه واتخرج وفتحت الخيط بعد مرور 14يوم عدل وصارو يخافون عليه بعد اكثر والمقبر كالو الا تصيرين جبيره يلا تكومين تروحين عليه بعد مرور شهر تقريباً
ماهر. اليوم دكتور دريد اتصال عليه معزومين هذا الخميس خطوبت اخو
ماعرف ليش كلبي كام يوجعني عبالي هو الي لح ينخطب المهم اول شي ماما كالت لاعيب جان يكول ماهر والله اول شي اعتذرت بس كال اذا متجون ازعل عليك واني حاسبكم اهلي المهم رحنا ثاني يوم للمول حتى نشتري ونجهز للعرس اني اشتريت فستان مورني هيج يصير مخصر وهيج شي مال حفلات وماما اشترت دراعه ورجعنا للبيت كمنا نجهز واجه يوم الخميس تمكيجت مكياج مال بنات بسيط وبدلت لبست النفنون اول شي ماهر كام يحجي وبعدين ماما كالت
ميس. هو مال حفلا وبعدين انت الي لح تجيبنا وتودينا وقابل هيه حفله مال شباب هيه بس بنات
عاد رحنا للبيت جان بيت جبير نفس بيتنا  كلش ماشاءالله بس هذا يختلف  بس بلحديقه تفتح النفس وجان اكو ورد احمر حبيت كلش طبيت للبيت وجان دكتور دريد بل الباب اني صرت يم ماما وهو صد ع صفحه وسلم ع ماهر
.......
دريد
بعد ما مرت الايام ع خروج لينا بصحه وعافيه من المستشفى رحنا بيت خالي وتقدم احمد مره ثانيه لروان وافق خالي وحددنا الموعد اتصلت ع ماهر حتى تقوه العلاقه اكثر  كلت لماهر اتفضلو عدنا انت والاهل يوم الخميس لخطوبت اخويه احمد اول شي كال
ماهر. بل الخير ان شاءالله بس والله يمكن منكدر نجي وشايفين كل الخير يارب
دريد. الله يسلمج حبيبي بس اذا مااجيت ازعل عليك
ماهر. حسب الضروف والله
دريد. تره اني حاسبكم اهلي
ماهر. الله كريم
واجه يوم الخميس جنت كاعد اتصل عليه ماهر كال ان شاءالله نجي
دخلته يم الزلم احنا عادتنه نسوي خطوبه ومهر وبعدين حنه وعرس بل القاعه المهم رحنا لحتى نخطب روان رسمي لاحمد اجه الشيخ حتى يعقد القران كملو الترتيبات كامو يهلهلون والاغاني ارتفعت بركت  للاحمد وطلعت رجعنا للبيت  جنت كاعدين احنا الزلم وكفت بل باب اجتي سياره ماهر تحضرت نزلت ام ماهر وماهر كلت شنو ولينا وبره شويه نزلت لينا وختلت بره امها سلمت ع ماهر ورحت ع صفحه شفته وماشفته سويت روحي مااباوع بس كلبي مانطاني شفته هي ولابسه الفستان والمكياج والعطر الي قبله سلمت ع ماهر والابتسامه شكت حلكي
ماهر. يوم الك دكتور
دريد. تسلم وانت الحاضر تعال اتفضل اتفضل
طلعت للحديقه حتة اتصل ع احمد جان اشوف لينا كاعد تتصل وخاله ع اذنه ايده من وره الصوت تقربت يمه وكلت
دريد. ادخلي جوه لان الزلم لح يطلعون
جفلت وكالت
لينا. كاعد اتصل ع ريم
دريد. يي ادخلي جوه راسليه مراسه
شفته سدت التلفون رصيد
دريد. ماعندج نت جيبي
لينا. لا ميحتاج
عافتني وفاتت جوه ماابالغ لو كلت متتت عليه فرفحت روحي عبالك طير بقفص فاتت جوه طلعو الشيخ وياهم الزلم طفو الاغاني لان اذان المغرب وبيت ام ماهر رادو يروحي بس مخليتهم
ماهر. لا قابل نريد نجربكم
دريد. والله متطلعون هسه شنو اني مو اكلت يمكم لو غلطان
ماهر. لا وحده بوحده يادريد
ضلو ع العشاه وباركت النا ام لينا وطلعو ولينا خاتله ويه امها المهم كالت ام هاي منين
دريد. هاي الي ابوه قبل فتر مات
حنين. الله يحفظه ويستر عليه ولا مثل البنات كاعده ويه امه وابد متحركت
دريد. يي هم خؤش اوادم
دخلت لجوه جانت كاعده عمتي ليلى ومرت خالي وكاعدات يحجون دخلت امي جان تكول اكولج هاي البنيه حلوه شدكولين اخذه لفراس
حنين. والله ماعرف شعرفج بيه
ليلى. حجيت وياه بنيه ولا اخطتلطت باحد
دريد. انت متريدن اتزوج
حنين. يي خلي نفرح فرحه وحده
دريد. اريد اتزوج لينا
حنين. منو هاي
دريد. بنت ام ماهر
ليلى. وين تعرفه
دريد. اعرف قبل لتعرفيه عمه ع الاقل اكثر من مره اجوي للمستشفى وعرفته
ضلت وحده تباوع بل الثانيه رحت للغرفه واجتي امي ورايه
حنين. ليش هيج هجيت لو منتضر
دريد. شنتضر تنزف كدامي بل المختصر المفيد لو لينا لو والله مااخذ اي بنيه
حنين. ع كيفك بس ملشي بل التفاهم
دريد. تريد تاخذه لفراس حتى تترغب بيه هاا وبعدين يحبه

.......
لينا
دخلت اني وماما صرت مثل الضل مالته ضليت كاعده ويه ماما البنات يركصن ويصفكن اجتي مره كالت
. ليش متخليه مثل البنات تونس
ميس. والله اني معليه بس هيه متحب هيج شي
. انتو بيت منو
ميس. بيت ابو ماهر
. وين صاير بيتكم
ميس. يم ************* اهناك
. اها زين شبيه ايده
ميس. مكسوره اسم الله ع ايدج
. مابيه غير العافيه
ميس. رحمه الله والديج

طلعت بره كل شويه تتصل عليه ريم ع الرصيد طلعت بره حتى اسمع شنو تريد بس مفتهمت لان الصوت عالي كلش اني وكاعد اتصل اجاني صوت خله كلبي يوكع من الخوف دريد دخلت للبيت كالو ضلو ع العشاه وطلعنا للبيت جان مره اضن ام دريد سلمت علينا واحنا عم سلمنا وطلعنا رجعت للبيت غسلت ونمت كعدت الصبح اتصلت ع ريم اجتني
كعدت ع صوت ماما وتكول لااله الاالله
لينا. شكو ماما
ميس. عمج مات
لينا. الله يرحمه ليش
ميس. شنو اليش الي بل الموضوع
اتصلت ع ماهر حتى نروح للبيت عمي ع الرغم من الي سوه بينا الاان رحنا اهناك وياليتنا مارحنا
يتبع......