اخذهم الموت

part 36

الكاتبه. لوجين ادم
......
سلني عن الحب يا من ليس يعرفُهُ ما أطيبَ الحُبَّ لولا أنه نكِدُ
........
ريم
من بعد ماراحو بيت دريد رجعت زعلانه من امي لان ردت الجواب موافقه رحت وراها وضليت احجي اني وياهه بعدين نامت هيه وازي ضليت ع اتصال ويه احمد
احمد. شكو ماكو
ريم.ماكو بس انقهرت ع لينا
احمد. بيه شي
ريم. لا ضايجه
احمد. لان دريد اتقدم اله
ريم. يي
احمد. غريب عجيب امرهم
ريم. يي والله
احمد. شلونج
ريم. الحمدلله وانت
احمد. عندي واجب هاي الايام اذا رحت ورجعت اتقدم الج واذا ماارجعت فحلليني واهبيني
ريم. ليش هيج تحجي الله يرجعك بسلامه
احمد. ان شاءالله
ضل الاتصال مفتوح للصبح لينا متغير حاله كئيبه وروحهه طالعه كملنا الشغل واكلنا واني ضليت احجي ويه احمد عن ايام قبل مال المدرسه والتدريب كعدت لينا تسئل بيه ع الوكت من كتله جفلت بعدين بدلت وطلعت
احمد. شبيه
ريم. والله مادري كايمه متحجي اي شي
احمد. اخخ اخخخ ياكلبي
ريم. شبي كلبك
احمد. بي انت
استحيت وسكتت اجتي لينا بليل والابتسامه شاكه وجهه
ريم. دوم شبيج
لينا. انحلت
ريم. هو شنو
لينا. ماكو عرس
وكامت تلوف بنفسه
ريم. يعني شلون هيه غير تحجي
....
لينا
فتت والفرحه ماشلتني ابد كامت احجي ويه ريم والوف بنفسي
لينا. يعني نأجل هيج شي رايحه انام لان الليل مانمته
عفته ورحت ماعرف يمكن جنت اجذي ع نفسي جنت ضايجه ابد ولا فرحانه بس جنت ابين انو اني ضايجه بدون محد يدري وبسكوت خليت راسي ع المخده وشبعت بجي ماعرف ليش هيج سويت بس المهم ابعده حتى اعرف اهلي حتى يصير الي سند اني شنو معرفني انو لح يضل وياي نمت كعدت راسي يوجعني ريم نايمه بس اني كاعده الساعه جانت ب 2 هو من لمن راسلته بعد مافاتح انقهرت عليه وع نفسي اني شنو كاعد اسوي جان ياسر مسافر وخاله نايمه كعدت بالطرمه ابجي واباوع ع السماء يارب يارب المستحيل صدك الكه اهلي صدك يصير عندي اهل خاله عمه عم اي شي يارب بس شي اسمه اهل
«وعسى ان تحبوا شيئا وهو شر لكم»
كاعده وخاله راسي ع الحايط وابجي بجيت بدون محد يعرف غسلت وجهي ونمت خلص العيد ودريد ولا سئل عليه حتلو برساله قرتت اروح لعياده مالته واعتذر منه لان الي سوه عمي مسواه لبست قميص وبنطرون وكويت شعري ومكياج خفيف بس حلو
ريم. فدوه شهل كشخه يابهه العطررر يموع
لينا. صدك
ريم. والله
لينا. يلا اني طالعه من تجي خاله كوليهه
ريم. ميخالف بس دير بالج ع نفسج
لينا. تمام وانت هم
ريم. تجين اليوم للبيت
لينا. يي قابل وين اروح
ريم. ليش مو يم دودو
لينا. لا
ريم. احلفي
لينا. يلا مضل وكت باي
طلعت الساعه 5العصر وهو ب8 يكوم اخذت تكسي ويه رجال جبير وانطيت العنوان ورحت اول مااريد افوت حسيت برهبه اريد امشي مااكدر دخلت جان اشوف بنيه شابه حلو كاعد ع كرسي وميز واكو مراجعين كومه
استبرق. تفضلي
لينا. دكتور دريد موجود
استبرق. يي منو حضرتج
لينا. ميحتاج بس انتضره من يكمل لتيلغي
صدك كعدت ضليت اكلب بالتلفون طلعت شتريت حلويات ماكو اريد بس يخلص الوقت صارت الساعه سبعه كمت اتمشي بالممر اريد الوقت يخلص ماكو اخر شي ضليت افتر خلصو المراجعين وصارت الساعه 8 طلع وشافني كدامه
استبرق. هاي البنيه اجتي من الساعه 5 ومتقبل تكول شتريد
دريد. ميحتاج تسئلين عنه
استبرق. اول مره اشوفهه
دريد. لا لح تكومين يوميه تشوفيه
استبرق. اختك
دريد. استغفر الله مرتي
انصدمت وباوعت وتحجي
استبرق. مرتك ليش متزوج دكتور بس صغيره
دريد.امم اكو باجر مراجعين
استبرق. يي
دريد. شكد
استبرق. حسب اكو يجون اهنا وكاعدين
دريد. الله كريم
اخذ ايدي وطلعنا عبالك صدك متزوجين بس ماكدر استوعب الرهبه الي صارت باستبرق
دريد. شجابج
لينا. عليك
دريد. ليش
لينا. انت مختفي
دريد. ويهمج
لينا. لا
باوع رافع عيونه
لينا. هبيه هاي منيه ليش هلكد خافت عليك اخاف هاي الي تريد تزوجهه
دريد. يي هيه
باوع بصدمه وعدم استقبال للموضوع
لينا. يعني صدك حجي زينه انت شكد جذابب وحقيرر
دريد. السانج لينا
لينا. باوع اكلك البيت ريم بعد ماكو جيه ولت اتصال ولو عيني هاي تارسهه عيونك حتى سؤال ماكلفت نفسك بي عليه همزين الله اني مااجيت يمك ولا اتزوجتك يلا يلا روح يمهه اشبع منهه
دريد. صوتج نصي واصعد للسياره ولا اريد لو حرف
لينا. لا روح وصله هيه اني شكو حتى اصعد وياك
سحبني حيل وصعدني للسياره وكال
دريد. شبيج خلبتي الدنيا كله تباوع علينا شببيج
لينا. نزلني لو اكلب الدنيا يلااااااااا
جنت اريد افتح الباب بس مينفتح سكت ماعرف ليش تخبلت وصلنا للشقه اي كلما نضوج نروحله هو يرتاح بيه كال
دريد. ليش تحركين بنفسج
محجيت اي شي
دريد. ترا كله شقه انت مو تكولين اني ممهتمه ليش تنفعلين زياده
لينا. وزينه من حجت هم جذب
دريد. يابه والله جذببب جذبببب شبيج ليناااا كبري عقلجج
لينا. ع شنو اكبر عقلي
دريد. كم مرهه اني كلتج جذبب جذب زينه اني دواه
لينا. يي دواء البنات انت حقهن
دريد. صدك تحجين عود
ضليت ساكته كال
دريد. اني جنت ضايج منج وماكاعد اراسلج
لينا. بس اني خفت عليك
ابتسم وباوع عليه
دريد. من شنو تخافين عليه
لينا. من البشر كلهه
دريد. هل درجه
لينا. يي لان اعرف الناس كلهم غدر وبعدين هذا قاسم او حتى قصي مصطفى ايمان امل منهم كلهم والله
دريد. زين ليش تبجين ليش
لينا. اخاف
دريد. من شنو اني وياج لاخر نفس بس اسكتي ترا كلبي راح
لينا. يم استبرق
دريد. استغفر استبرق متزوجه
لينا. انت
دريد. لا واركض وراج اني لو متزوج
لينا. لعد منو رجله
دريد. واحد متعرفي
لينا. شنو اسمه
دريد. اسمه حسين وامه امنه وابو علي وكاعد يم اهله وعنده ولد وبنيه وهسه جايهم طفل بالطريق بعد اي استفسار ها وهاي صورته
لينا. شعليه
دريد. باعي الغير حتى بجي وبعدين تكول شعليه شعجب اجيتي
لينا. صوجي لان اجيت بس كلت حرمات جذيج المره متعشيت
دريد. جانج ع العشه غالي والطلب رخيص
لينا. لا يجوز مو رخيص
دريد. هههههه الغالي يرخصلج
ابتسمت
......
ريم
طلعت لينا وامي جانت ماكو بالبيت فاتصل باحمد وضليت احجي وياه جان ياسر مموجود بالبيت مسافر فقرر ان يوم الخميس الخطوبه اتصل ع لينا ماكو اتصل ع دريد كال يمي لتخافين
ريم. بس اريد احجي وياه
لينا. ها ريم
ريم. اكل ياسر لح يخطب
لينا. صدك مبروك شوكت
ريم. الخميس هسه اتصل عليه بس امي ماكو لحد هسه
لينا. زين اتصلتي عليه
ريم. يي بس ماكو مغلق
لينا. يمكن ماكو شحن
ريم. والله ضل بالي
لينا. لا ليضل بالج
ريم. يلا لعد من تجي اتصل عليج
لينا. لا هسه جاي انت وحدج بالبيت
ريم. لالا ضلي
دريد. سدي البوب زين هسه احنه جاين
سدت الخط ورحت سديت البوب اول مره هيج طلع ويه صلاه العصر لل ساعه 10 بليل وماكو تلفونهه مغلق وين راحت مااعرف ضليت افتر وابيدي التلفون اتصلوعليه احمد. ريمي شلونج
ريم. امي ماكو صاره من العصر لحد هسه
احمد. شنو وين راحت هيه
ريم. جانت تريد تجيب مسواك
احمد. واتصلتي عليه
ريم. مغلق
احمد. هسه لح اروح ادوره بس انطيني العنوان بالضبط
اني وكاعد احجي وياه الباب اندك
ريم. الباب كاعد يندك
احمد. لتطلعين جاي اني
ريم. لا يمكن دريد ولينا
احمد. اتصلي عليهم شوفيهم همه
ريم. يي
سديت التلفون اتصلت عليهم جان يكول لا بعدنا ماواصلين
رايا اتصل ع احمد
ريم. احمددددد بسرعه تعال هذا لا دريد ولا لينا فدوه لح اموت
احمد. جايج جايج اني هسه
اسمع صوت الهورنات واني الباب يدك بسرعه واحس روحي تريد تطلع كن الخوف انو اندك باب السطح وبعد ماعرف شنو الي صار
......
لينا
رحنا للمطعم وكاعد نتعشى ونحجي
لينا. الحمدلله بيت ريم موجودين
دريد. والحمدلله انت موجوده اكلج ريم كاعد تتصل
لينا. ذكرنا القط نط
دريد. هاج انت ردي
لينا.ها ريم
كالت انو خاله ماكو بالبيت وصاره اهوايه مو بالبيت
صدك خاله طالعه من اني جنت موجوده ولحد هسه هيه ماكو ضل بالي
دريد. خلي نروح يمهه بين متجي امهه اخاف تخاف
لينا. يي هيه تخاف من هيج شي
والي زاد تفكيري من اتصلت علينا حجت ب رهبه
ريم. الو اجيتو
لينا. لا بعد
سدت الخط بدون حجي
دريد. ها
لينا. تكول اجيتو
دريد. يجوز خافت
لينا. صوته احس اكو شي حباب بسرعه
دريد. وصلينا مضل شي
فتنا للفرع وجانت سارت احمد باره
دريد. هاي سيارت احمد
لينا. اخاف اكو شي
نزلت اركض للبيت بس اشوف ريم ممدده بالكاع واحمد خال راسهه ع رجيله
احمد. اكعد اني يمج شبيج
لينا. ريممممم شبيه بس كلي شبيه
دريد. اهدائي هلي اشوف شنو بيه
احمد. فتت لكيته هيج
دريد. مابيه شي لتخافون بيه نبض بس من الخوفه واكعه
احمد. يشتغلن الكامرات
لينا. لا
احمد. زين اكو واحد من الفرع عنده كامرات
لينا. يي
ضليت اني كاعده يم ريم واحمد ودريد طلعو ضربت بخدوده بالمي شويه وكعدت تكول ماما ماما وين
لينا. امج بعدهه ماكو انت ليش هيج صار وياج
ريم. باب السطح اندك
لينا. السطح
ريم. يي وخفت اكو احد فات عليه وبس اني بالبيت
لينا. انتضري خلي اروح اكلهم واجي
ريم. امن
لينا. احمد ودريد
ريم. شوكت اجيتو
لينا. قبل نص ساعه
ريم. لتعوفوني اخاف
لينا. ميخالف
طلعت حتى اكلهم سمعته يتشكر من الرجال فات
احمد. صار شي كعدت
لينا. يي بس تكول اكو واحد دك الباب السطح
احمد. الباب
لينا. يي
احمد. لح يكمشه اي شي
دريد. بس مو واضح حيل
احمد. اهنا نقرب ونشوف
جابو الحاسبه وكعدو يكبرون بالكامرات جان يشفون واحد يدك ع الباب والثاني صعد ع البيت من وراه بس ماواضح زين اخر شي وضحو واحد حيل طلعت ملامحه جان تكول
ريم. هذا خضر
احمد. منو هذا
ريم. ابن جيرانه
دريد. ياهو منهم يابيت
ريم. الباب الرصاصي يمه نخله
دريد. بصفه سياره
ريم. يي
كاعد يكوم جان يكول دريد
دريد. يابه كل عقلق هسه هو بالبيت
احمد. حتلو
دريد. امشي نروح
طلعو وره شويه اجوي
دريد. مو كتلك
احمد. قابل لح يطير هسه اخلي دوريه تطلع تطلعه من جوه الكاع
ريم. زين امي وينن بس كولولي لح يصير يوم ثاني وهمه ماكو
دريد. يمكن هذوله الهم ايد بلموضوع
احمد. يجوز كلشي توقعو
طلع يتصل  والمنطقه صارت متنشاف اول مافاتو تفتيش ع بيت الجيران وجان  خضر وخالد اخوان اخذوهم والام تعيط والاب يحجي ولدي ممسوين شي وريم تبجي وتكول امي وين وضلينا احنا بالبيت شويه واجه دريد
يتبع......