((صياد الجنوب))
(( الكاتبة مسره علي))
(( لاتنسو التصويت + التعليق بين الفقرالطفا))
"""""""""""""""""""""""""
چم شوغة انچوت بالروح
من شحّت مراسيلك ...
"""""""""""""""""""""""""
❥_________________♣__________________❥
_ البقيه بحياتكم
الصدمه الحتلتنه كلنه أول ماكمل كلامهه زهراء غابت عن الوعي لزمها مصطفى أجت موج حضنتني شفت مُهام اجهه ملهوف شافني حاضن موج من وصل يمي گال
مُهام- شلونهه صارت احسن مو؟
عضيت على شفتي من شاف الصريخ حجهه بخوف وصوته أختنگ
مُهام- ماتت؟ مالحگت؟
جاد- البقيه بحياتك يخوي
مُهام- لاجذذبب عليَ جاد أجيت اشوفها
جاد- أهدء مُهام أهدء
ضل بس يباوع مايرمش حركته اريدهه يصحه
جاد- باوعلي مُهام شبيك ليش هيج جمدت
بعدني احجي وگع عليَ فاقد _ مُهامم شبيكك يخويي
خليته بحض موج وركضت أصيح الدكتور اجوو الممرضين أخذو وياهم ومنعوني ابقى يمهه
أمير أخذ جثمان أمهه ضليت يم مُهام وزهراء الفاقدين أجت يمي موج تحجي وهيَ تشهگ
موج- رجعني للبيت فدوه
جاد- وزهراء ومُهام أشلون اعوفهم؟
موج- ضل انتَ آني رايحهه
عافتني وراحت لحكتها .
وصلتها للبيت ورجعت للمستشفى لگيت زهراء مطلعها مصطفى أتحسرت ودخلت الغرفة مُهام
مشكليله مغذي گعدت يمهه اتلمست أيدهه البيها الكانونه وهمست
جاد- الله يساعد گلبك يخوي بعد شتتحمل
اباوعله شلون مبين عليَ التعب نزلت أدموعي على أخوي وعلى مصيبته
مسحت وجهي من دخل الدكتور فحصه وسألته
جاد- ليش فقد الوعي؟ وشوكت يصحه؟
- للأسف صابته ذبحه قلبية، وتبين عدنه بالتحاليل عنده سكر مزمن
جاد- سكر؟ بس هو ماعنده سكر بس ضغط بالدم
- يمكن عنده من زمان وماملاحضين عليَ
جاد- دكتور متأكد ماعنده لو عنده سكر مثل مادگول جان عرفنه
- انتَ شصير منهه؟
جاد- آني أخوهه
- ابني بس يصحه نفهم منه اذا عنده علم بمرضه لو لا
أنت تقرأ
صياد " الجنوب "
Mystery / Thrillerكل الحرباء داهية في الذكاء وحنونه دائماً ومثل الكبريت تشتعل بسرعه ومثل الُغم موثوق
