ام حنين : هلا والله بولدنا لك وحشه والله بخير دامك بخير بشرني عنك وعن والدتك
محمد : والله كلنا بخير والوالده وصتني أوصل لك العشاء بمناسبة شوفتكم عندنا الليله حياك انتي وبناتك
حنين : واقفه تتسمع وتلعن نفسها وتنقد على عمرها أنا اسلوبي متى يتغير وش هالدفاشه ماخليت للعيال شيء بس يستاهل هو محد قاله يستفزني ولا يرد
ام حنين الوالده : جعله بيت عامر والله سلم لي عليها
محمد : ابشري يلا فمان الله
الوالده : الله معاك ياولدي
حنين : غارقه بهواجيسها ومتفشله من الموقف ولا ودها تروح لكن امها بتاخذها وراحت تجهز خواتها كلهم وتجهز أبوها وأخوانها طبعاً هي الكل بالكل كل شيء تقوم فيه وبعدين تشوف نفسها حتى لو الوقت قصير تكون اجمل بنت خلقها ربي وتلفت الانظار دااااايم تحب تروح مكان كل الانظار عليهاااا وتفوز بالاناقه والجمال والاخلاق كامله والكامل الله شعرها كان طوييييل لحد ردفها ومسويته ستريت ولبست فستانها الاسود القصير راسم جسمها رسممم كان فيه ريش بالأكمام وبأخر الفستان ريش كبير وميكبها الناعم فعلاً زاهيه
ببيت ام محمد
ام حنين : السلام عليكم
الكل : السلام عليكم
طبعاً حنين وخواتها مادخلو مع امهم راحو عند المرايا يشيلون العبايات
حنين : السلام عليكم
الكل : السلام عليكم يأهلا والله
ام محمد: يالله حيها اقبلت اقبلت سيدة البنات
حنين :دخلت عليهم بجمالها كالعاده ورزتها ودلعها والكل يسلم عليها وهو يذكر الله عليها
غيداء :أخت محمد خذت حنين بالاحضان وهي مبسوطه لانهم من زمان ماشافو بعض
غيداء : وحشتينيييي تكفين لاعاد تروحون وتتركونا ياحنو وحلاوتك زايده
حنين : تحب اللي يناديها حنو يابعد روحي والله انتي اللي لك وحشه صدق انتي اللي كالعاده حلوه
طبعا الحريم بقسم والرجال بقسم الحريم بالمجلس والرجال بالحوش
البنات : طلعو بالصاله مع بعض يسولفون
وحنين : كانت تصب القهوه لهم غيداء حنو تعالي اجلسي جنبي حنو ابشري يلا فنجالك
غيداء : تسلمين ترا حمودي حمودي محمد اخوها قالي اليوم وش صار معكم وهو يحكي لامي ملامحه فاضحته ويبتسم
قالت له امي ترا الكل يدري انك تحبها وانا أولهم حاول ينكر بس ماقدر وضحكنا
حنين : سوته نفسها غبيه ولعبتها الاستغباء بانو تدري بانه يحبها بس ماتبي صدق إلا لما تسمع منه وهي
متفشله اخوك ذا نقال علوم أنا استر على اللي صار وهو مغير يمشي ويتكلم الله يعين بس
محمد : من ورا الباب اقول لا تغلطين بس ترا من اليوم وانا ساكت لك لا تزودينها يحب يرفع ضغطها مره
حنين : بصوت خفيف وجع يوجع عدوك ياقليل الادب
محمد : ترا سمعتك
حنين: جتها البكيه لأنها حساسه جدا حساسه لابعد درججججه حتى لو كانت الكلمه مزحه تبكي وتفكر بالكلمه وتشيل بخاطرها ٥ دقايق وتنسى
غيداء : صلحي قهوه وشاهي للرجال خلصت
غيداء : ابشر تعالي معي للمطبخ
حنين : يلا صدق بسالك
