ام مطلق : يبه سويت لك شوربه خضار زي حقت امس
شهقت : بسم الله الرحمن الرحيم شفيك يبا طايح
ام مطلق : الهنوفففففف
ام رعد: هل.. بسم الله الرحمن الرحيم شفيه عمي
ام مطلق: مادري دخلت لقيته كذا تكفين نادي عقاب
ام رعد: طيب
ام رعد: عقاب
ابو رعد: هلا الهنوف وش فيتس
ام رعد: حنان كانت تسوي شوربه حق ابوك ويوم دخلت لقته طايح
ابو رعد: وشوو
ابو مسعود: يلا يلا شيلوه مستشفى
بعد ساعه ونص الكل صار موجود:-
محمد: رنا انا متأكد انها اغمى بس
الجده نوره: لا اله الا الله
الدكتور طلع
مسعود : طمنا يادكتور شلونه ابوي
الدكتور: للاسف الشديد العم كان عنده سرطان الرئه من اول والحاله متقدمه حاولنا نساعده بس عظم الله اجركم فيه ويغفر له
ام مطلق: وشووووو
وطاحت اغمى عليها
طبعا انقلب المستشفى عزا
صراخ وبكاء
هيام اغمى عليها وكاسر اخذها وعطوها مهدئات
ورنا تبكي ومحمد مو عارف يواسي من كان يواسي الكل
الجده نوره كانت تبكي وتدعي له: لا اله الا الله اللهم اجعله من اهل الجنة
بعد شوي قامت هيام:-
هيام : وين انا
صرخت بصوت عالي وبكت يوم استوعبت كل شي
كاسر: هيام يابوي وش فيتس ترا ذا قضاء الله وقدره وترا هم السابقون ونحن اللاحقون
هيام لا حياه لمن تنادي
اليوم الثاني وهو يوم العزاء:-
كان حال هيام مقلوب وكاسر خايف عليها وعلى الي ببطنها
رنا كانت هامله نفسها وهامله بهاج كانت مخليته مع لوسي
مرت ايام العزاء على خير
رجعوا كل واحد لبيته
كانت رنا هاديه ومحمد حس انها كاتمه كل شي بقلبها ويبغاها تفضفض
محمد: رنا لا تزعلي هذا قضاء الله وقدره مو احنا الي نحكم ومحد بيعيش كلنا بنموت
على طول انفجرت رنا وقعدت تبكي
رنا وهي تشاهق: بس انا تعلقت بجدي جدي عشت معه 23 سنه وتعودت عليه شلون ماتبيني ازعل
محمد : ادري ادري يابعد حيي
قعدت رنا ساعه كامله تفضفض لمحمد وتبكي وكان بهاج يطالعها ويبكي معها ومحمد توهق مو عارف يسكت من
بعد معاناه نامت رنا وبحضنها بهاج
ابتسم محمد بحزن على حال زوجته وحبيبه قلبه واغلى مايملك
ناموا الكل بعد اتعس يوم بحياتهم :-
بعد شهرين ونص
صارت هيام حامل بالشهر الثالث وكانت مره مرتاحه لان كاسر يساعدها ويحطها بعيونه
طبعا نقدر نقول ان هيام ارتاحت مع اهل كاسر بس برضو في مشاكل بسيطه بينها وبين هدئ بس عادي
الكل ماتخطئ موت الجد متعب:-
طبعًا بيت الجد متعب الله يرحمه كان شبه فاضي مع اني الجده جالسه فيه بس كان الكل يحس بنقص كبير
يوم من الايام
محمد عشان يغير نفسيه رنا: رنوي تعالي نروح عند النياق
رنا: بس مالي خلق روح انت وبهاج صار عمر بهاج سنه ونص)
محمد: لا بنروح كلنا وسحبها
وصلوا عند حوش النياق وقعد محمد بهاج على ناقه وكان بهاج يضحك ومحمد ماسكهه
ورنا كانت تضحك وتصورهم
عند هيام بليل:/
هيام : كاسر كاسر
كاسر: ها
هيام : ابغى مانجو
كاسر فتح عيونه بصدمه: ها
هيام : وش الي ها ولدك يبي وش ذنبي انا
كاسر: الحين تبين مانجو خليها بكره من فين تبيني اخترع لك مانجو الحين
هيام : بس
ماكملت كلامها الا وكاسر يسحب البطانيه ويكمل نومه
هيام : هين انا اعلمك
اخذت هيام روج خلاص ماتبيه ولونت يدها كامله وعطته كف على وجهه
كاسر: وجع وش تبين
هيام ببرود: ابي مانجو الحين بعد لين 3
هيام : واحد ،اثنين، ث لا ث هههه قومممممم
كاسر: طيب طيب
قام كاسر وراحوا المحلات
كاسر: ياحبيبي ذا المحل المليون كلهم ماعندهم حنا الحين بشتاء
هيام : مالي شغل
كاسر: طيب وش رايك اجيب لتس عصير مانجو من البقاله
هيام ابتسمت: اوكيشن
عند هيفاء وفهد:
فهد: اخيرا جاني ولد
هيفاء: مو وقتك ابي انام
فهد: طيب
عدا اليوم على خير:-
طبعا الكل مانسئ الجد ودايم يدعون له بالرحمه
رنا قامت: محمد محمد
محمد بكسل: ها
رنا: قوم صلي الفجر اذن
محمد: طيب
راحت رنا تتوضئ طلعت لقت محمد بعده نايم
راحت لي عنده وقعدت تسحب رجوله لكن وين محمد ماتحرك ثقيل بالنسبه لرنا
رنا: اوفف
راحت رنا اخذت عدسات اسود وكبيره وحطتها بعيونها وروج اسود ونكشت شعرها وراحت فوق راس محمد
رنا بصوت خفيف ومضخم: محمدد
محمد: اعع بسم الله الرحمن الرحيم
رنا ماقدرت تتحكم بضحكتها وطاحت من طولها تضحك
ومحمد يطالعها بغيض
رنا: يلا قوم صلي
محمد: طيب وراح محمد يصلي
رنا صلت وخلصت ورجعت نامت :-
الصباح يوم الجمعة:-
قام محمد عشان يصلي صلاه الظهر جماعه
رنا قامت : ياليل اليل طفشششششش
محمد رجع من صلاه :
رنا : محمد تكفئ بعد المغرب ابي اروح السوق ودني
محمد: وليه ان شاء الله
رنا : بنروح حنا والبنات
محمد : طيب اكلم الشباب ونقعد حنا بالكافيه لين تخلصون طيب؟!
رنا: اوكيشن
عند كاسر وهيامه:-
هيام: كاسر
كاسر: عيونه
هيام: ابي اروح مع البنات سوق
كاسر : لا انتي تعبانه وحامل
هيام: شدعوه ترا انا بالشهر الثالث مو السابع
كاسر : حتئ ولو
هيام : بس شمعنئ كلهم يروحوا وانا لا ؟!
كاسر: لا والف لا
هيام: تكفئ
كاسر: لا
هيام بوجهه بريئ : بليييزز
كاسر: خلاص انزين بس بشرط بروح معك
هيام : ايوه طيب اصلا انتوا بتجون وبتنطرونا بالكافيه
طيب
بعد المغرب:
محمد: يلا خلصتي؟!
رنا: ايوه وش رايك
محمد: حلو يلا دقيقة وعيالكم؟! لا تقولين بتخلوهم عندنا
رنا:لا لا بنحطهم في بيت جدتي هناك امي امك والكل هناك وكل وحده مننا معها عاملتها يعني لا تخاف واذا يبي ينام بهاج انا اتصل فيها اقولها نوميه عندتس:( طبعا العاملات مسوين لهم كل وحده غرفتها بالسطح مثل رنا ومحمد عاملتهم فوق غرفتها بالسطح)
محمد: اها طيب يلا مشينا
رنا : يلا
ركبوا السياره :
رنا : محمد تكفئ افتح لنا اغنيه
محمد: طيب بس انا بفتح على ذوقي
رنا : اوكيشن
فتح محمد اغنيه:-
وجالس يغني معها:-
ياويل حالي جيتني واليوم عيد
عقب البطا يامرحبا
ياغلى الوجيه
رنا : الله محمد صوتك حلووو
محمد ابتسم
محمد:يلا افتحي انتي الاغنيه الي تبينها
رنا :اوكي
فتحت رنا اغنيه هيفاء وهبي رجب:-
رجب صحبك اهو شافني رجب
وقال مابيعرفني رجب والله دا خوفني
رجب اه يانا ياقلبي رجب
محمد كمل معها:لا سلام لا كلام ولا حتى ملام ولا قال ايه الاسباب
رنا كانت تطالعه بصدمه
ومحمد مكمل بحماس
رنا ضحكت: ماتوقعت ان عندك شخصيه ثانيه
محمد ابتسم: شخصيتي هذي تطلع عندتس انتي بس
رنا ضحكت
محمد: يلا وصلنا انزلي
رنا : طيب
رنا: ايوه هيام فينكم؟! ايوه ايوه شفتك خلاص جايه
محمد: وينهم
رنا : شوفهم خلاص انت روح عند العيال
محمد: فينهم العيال
رنا : شوفهم بس كوفي....
محمد: اوه طيب يلا بروح انتبهي على عمرتس
رنا : اوكي
أنت تقرأ
"علم عيونك تحط لشوفتي قيمه "
General Fictionروايه تتكلم عن رنا البنت الدلوعه الي طول عمرها عايشه بدلال وغرور لكن ينقلب كل شي لمن تتزوج غصب من ولد عمها العصبي العسكري الي ماتطيقه 📻🌷
