دخلت المطبخ وبدأت تسوي حشوه ورق عنب وتجهز
العامله: ماما تبين اساعدك
جلنار: لا حبيبتي شكرا
العامله : انزين ماما عادي انا روح عند شغاله مال جيران شوي ويرجع
جلنار ابتسمت: اي عادي حبيبتي
العامله ابتسمت: شكرا ماما انتي واجد طيبه مافي سمسم مدام غيداء
طالعتها جلنار بفضول ونطقت: وش قصدك اني طيبه ماني مثل غيداء
تحمست العامله وكبت العفش:-
العامله : ماما غيداء واجد في صراخ علئ بابا مسعود كل يوم مشاكل وقبل 3 شهور راحوا وبعدين هم رجعوا ماما غيداء في صرخ في قول مشان بابا مسعود ايش هذي الحركات تناظر بنت تانيه وبعدين ماما غيداء واجد في صراخ فوق انا ودايم مافي يحترم بابا مسعود
جلنار: اوكي خلاص روحي عند شغاله الجيران اذا تبين
راحت العامله وكملت جلنار تلف ورق العنب وتفكر: معقوله انا سبب طلاقهم؟!
لا لا اكيد من بدايه عليهم مشاكل مثل ما قالت رولا (العامله)
كملت تلف ورق عنب وخلصت وصحت مسعود
احداث غير مهمه:-
بعد اسبوع وتحديدا عرس غيداء وضيدان:-
شكل العروس:-
شكل ريوف اخت العروس:-
شكل رنا :-
شكل هيام:-
شكل رهف:-
شكل هيفاء:-
شكل جلنار:-
محمد: ها خلصتي يام بهاج ؟!
رنا: اي خلصت يابو بهاج!!
محمد ابتسم: يلا امشي
عند مسعود :-
جلنار بعفويه :وش راييككككك
مسعود :تهبليييين
ضحكت جلنار: يلا امش تراني متحمسه حيل:
الكل وصل القاعه :-
عند البنات:
هيام: اف وينها جلنار تأخرت
غيداء بغرور: مالها عين تجي لانها غيرانه مني
رنا ضحكت بسخريه: جلنار تغار منك يابوي انتي وين تلقين الحين مسعود يتغزل فيها وبجمالها وهي مو داريه عنتس
نزلوا مسعود وجلنار من السياره جت جلنار تبي تدخل :-
السكرتيره: عفوا اسمك ؟!
جلنار: جلنار .....
السكرتيره: اوه انتي ممنوع تدخلين العرس
مسعود: وليه ان شاء الله ممنوع
السكرتيره: لان العروس غيداء قالت ان هي ممنوع تدخل
مسعود بغيض: لا يبا خليها تدخل
السكرتيره: اسفه بس رح تخصم علي فلوسي
مسعود: يلا خذي ذول الفلوس ودخليها كفايه؟؟
السكرتيره ب ابتسامه: ايوه كفايه يلا تفضلي مدام
مسعود : والله العروس غيداء قلك ايش ماتبي تجي العرس
راح مسعود لقاعه الرجال ودخلت جلنار عند البنات
جلنار بعفويه : هاييي بنات
طالعوها البنات: هلووو جوجوووو
انصدمت غيداء وكأن انكب عليها مويه بارده
ابتهال: بنات اطلعوا الحين بيدخل ضيدان
طلعوا البنات وجت جلنار بتطلع نطقت غيداء: جلنار
جلنار ابتسمت: هلا
غيداء: شلون دخلتي القاعه
طالعتها جلنار ببرود: نعم!!!
غيداء بحده: شلون دخلتي القاعه وانا مانعتهم يدخلونك
جلنار بأسلوب استفز غيداء: والله يمكن حبيبي مسعود يبيني ادخل العرس!
غيداء: وش تبين بصفتك مين تحضري عرسي عشانك صرتي من العائله خلاص تحضري كل المناسبات ؟؟
جلنار ضحكت ضحكه مستفزه:تبيني ازعل ولد اخوي وماحضر عرسه ؟! صدق انتس غبيه
غيداء بسخريه: انتي ضيدان يقرب لك؟؟؟
جلنار ضحكت بسخريه: يعني لذي الدرجه انتي غبيه ماشفتي ملامحي كيف تشبه ملامح مهند اخوي ( ابو ضيدان) ولا وكيف الاسم يتشابه وماشفتي ابتهال كيف تكلمني ويوم زواجي من مسعود دخلت علي وقالت لي مبروك عمتو علئ الزواج لذي الدرجه غبيه
غيداء ابتسمت: واضح انك كذابه وماعندتس سالفه
جلنار قوت نفسها: يلا عاد بس احترمي نفستس وتراني مو فاضيه لك جت تبي تطلع دخل ضيدان!
ضيدان طالع جلنار : اوههه عمتي جلنار وباس راسها شلونك؟؟
جلنار: والله زينه ياولد اخوييي
غيداء بقهر: ماشاءالله ضيدان هذي عمتك
ضيدان: نسيت اعرفك عليها هذي عمتي جلنار اخت ابوي
طلعت جلنار وتصوروا
ضيدان: ادري ان عمتي زوجه طليقك لاتتضاربي معها طيب
ابتسمت غيداء بغصب: لا لا مسعود مو داريه عنه واساسا تطلقنا برضانا وجلنار بالعكس صحبتي واحبها
ضيدان ما شك بالموضوع: طيب
صار وقت الزفه وانزفت غيداء لضيدان:-
عند كاسر وهيام:-
ركبت هيام السياره :
كاسر: ها شلون العرس
هيام: زين الحمدل ما كملت كلامها الا وتشهق بقوه
كاسر: بسم الله شفيكك
هيام : بولددددددددد
كاسر: نروح المستشفى ؟!
هيام: ايوهه بولددددد
قعد كاسر يسوق السيارة ويهدي هيام وهيام تصرخ
وصلوا المستشفى ودخلت هيام غرفه الولاده علئ طول
اتصل كاسر علئ الكل وقالهم
ودخل مع هيام كانت هيام بحكم انها مسخنه وجاها الطلق ولابسه فستان وتعب عليها كنت تبكي وتصرخ قلبت المستشفى عزا ولدت هيام وجابت بنت اسمها: ارياف
وصلوا تقريبا كلهم المستشفى:-
مسعود ابتسم: مبروك ياخيتي
ابتسمت هيام: الله يبارك فيكم وعقبالكم
حضن مسعود جلنار وقال : ان شاء الله
ابتسمت جلنار: عاد مسعود من زمان بخاطره ولد يشيل اسمه وان شاء الله يرزقنا الله بولد
ام مسعود: عاد انتي ياجلنار بتصيري اطيب ام ان شاء الله
ابتسمت جلنار لان بدايه زواجها كانت خايفه ان محد يتقبلها
كانت غيداء قاعده جنب امها وتطالع جلنار بقهر وهي مو طايقتها
رنا: هيام شسمها بنتك؟!
هيام: ارياف
رنا ضحكت: الله بنت خالي اسمها ارياف
كاسر : توك تتذكرين اني خالك؟؟؟
رنا شمقت له: شدخلك انت
كاسر: بنتت احترميني انا خالك
رنا : خالي بالكلام طبعا
كاسر وهو يقلدها: خالي بالكلام طبعا نننننن
مسعود: يلا استأذنكم انا وجلنار لان عندنا عزيمه عند واحد من ربعي
ام مسعود : يلا يمه جلنار استودعتك ربي
جلنار ابتسمت:-
ركبوا السياره
مسعود: عقبالنا لا؟!
جلنار : ماظنتي ابي اجيب عيال بعد ليله امس
طالعها مسعود بصدمه: ليه
جلنار: امزح معك ياخي
مسعود: يلا عيل متأخرين حيل انزلي خن نتجهز بسرعه:-
جلنار: طيب
قعدت جلنار تلبس وتكشخ
لبس مسعود شماغ تقدمت جلنار عنده وقعدت تبخره وتسمي عليه
مسعود ابتسم لانها كانت قريبه منه حيل وهذا الشي يخليه يتأملها بتركيز
توترت جلنار من نظراته
جلنار: مسعود لا تطالعني وترتني
مسعود: وش اسوي فيش ضيعتيني بغرامك
جلنار ابتسمت بهدوء
عند محمد ورنا:-
محمد :اقول رنا
رنا التفتت له:هلا
محمد: وش رايك نروح نتمشى
رنا: فاضيه انا؟!
محمد قرب منها ورماها بصرصور صناعي ( لعبه)
شهقت رنا بقوه وبعدها استوعبت وصرخت بقوه
رنا: محمد ياكلببببب
محمد طالعها ومسوي نفسه زعلان عبس بوجه وشفايفه
رنا: شوضعك؟!
محمد: يمكن لاني ماحب احد يسبني تدرين فيني ماطيق احد يسبني
ابتسمت رنا يوم ادركت انه يقلدها لما تزعل
ضحكت بقوه يوم شافت نظراته الحاده رجعت
محمد: شفيك يام بهاج
رنا: ياربي نظراتك
محمد: ياخي احبتس انتي حبيبتي وزوجتي وصديقتي وام عيالي
ابتسمت رنا بحزن:قصدك ام ولدك مو ام عيالك
محمد : رنا قلت لك الله كريم لا تزعلي وبعدين انتي عندتس الخاروف الي نايم هناك ( مسيكين بهاج)
رنا: ادري بس كان ودي ببنوته
محمد: ماعليه الله بيرزقنا ان شاء الله
في المستشفى:-
ضيدان : الو غيداء وينتس
غيداء: هلا ضيدان انا داخل عند هيام الحين اطلع
ضيدان: انزلي ترانا متأخرين علئ الطياره
غيداء: طيب ، يلا انا استأذنكم ضيدان برا بنروح نسافر
ام مشاري: تروحون وترجعون بالسلامة
غيداء ابتسمت: ان شاء الله
فهد: اقول هيفاء ابتسمي بصورك
هيفاء: خير ان شاء الله تراني توني جايه من عند هيام بالمستشفى ومالي خلق احد
فهد: وليه ان شاء الله من سلطان
هيفاء: وفي غيره؟!
أنت تقرأ
"علم عيونك تحط لشوفتي قيمه "
General Fictionروايه تتكلم عن رنا البنت الدلوعه الي طول عمرها عايشه بدلال وغرور لكن ينقلب كل شي لمن تتزوج غصب من ولد عمها العصبي العسكري الي ماتطيقه 📻🌷
