طلع فهد للحوش وهو يبتسم والابتسامه شاقه وجهه
مطلق : ها شعنده المحامي فهد يتبوسم
محمد : هههه فهد شكلك يضحك
مسعود :توك داخل بالذبيحة وتتحلطم والحين طالع لنا بالابتسامه ذي ! ( غمز له ) شعندك ها
ابتسم فهد زياده : مالكم شغل زين ؟؟
رعد : لا لا الظاهر المحامي فهد طاح ومحد سمى عليه
ابو مطلق : الظاهر بس🤣
الجد متعب : يلا يلا اعجلوا المعازيم بدوا يكثروا
فهد : جدي اي لوڤ يو
رعد : ههه دايم المنقذ جدي
الجد متعب: اي والله تبوني اشوف حفيدي متوهق معكم وما انقذه ؟!
الكل كمل شغله والمعازيم جو:-
ريم :- هاييي بناتتتت
ريماس: ولكم باق !؟( طبعا في شخصيات جديده بتجي مع الوقت )
غيداء : هلوووو كيفكممم
ريم : والله زينه
ريماس : نحمد الله
جت وصيفه :-
وصيفه : هلا بنات
البنات : هلا وصيفه من زمان عنك
هيفاء: اي والله ،، بنات بنات رهف وصلت تعالوا يلا
دخلت رهف والحريم صاروا يزغرطوا
الجده نوره : اذكرن الله ياحريم
الكل تبادلت ردودهم: ماشاءالله ، تبارك الرحمن ، بسم الله عليها
دخلت رهف وهي مستحيه حييييللللل
ام مسعود : الف الف مبروك يايمه والله انتس غاليه علي
وصاحت
رهف : لا لا يمه لا تصيحي تراني يمتس
محمد : ياولددددد الطريققق
البنات دخلوا داخل:-
معدا لجين
الجده نوره : يمه لجين وراتس ماتدخلين عيب عليتس محمد يبي يدخل تفشلت لجين ودخلت
ام مشاري: ادخل يمه محمد مابوه حد والحريم تغطوا
محمد : ياميمتي شوفي لي طريق بالمطبخ
ام مشاري :طيب
ام مشاري: رنا يمه طلعي محمد يبي يدخل وطلعت ام مشاري على طول
رنا بغت تطلع لقت محمد توه بيدخل على طول انخشت ورا الباب
محمد لاحظ الي في بنت فاكه شعرها ولابسه فستان احمر قصير لين يغطي ركبها
محمد عرفها ايوه رنا الوحيده من بنات العيله شعرها طويل لين ركبها
محمد : تراني شايفتس ياحلوه
رنا انصدمت : ماتستحي انت صد
محمد : اوححح موت حمر ودي ابوسك ( وقرب منها )
رنا دفته
ناظرها محمد نظره الخبث
رنا : صددد
صد محمد وطلع خلصت العزيمه على خير في اليل
هيفاء وهي مستعده للنوم جتها رساله
لقت رساله مكتوب فيها سلام عليكم يابنت العم هيفاء زينه الحلا والمزايين
انصدمت وعرفت انه فهد لان كان مسجل فوق فهد ولد العم
اتصل فهد
هيفاء ناتبها الفضول وردت
هيفاء: نعم
فهد : بسم الله شفيك
فصلت هيفاء على فهد
هيفاء:انت ماتستحي الظاهر معد بوه احترام ليه ليه تسوي كل ذا
فهد : لاني احبك وابيتس
هيفاء: نعم!!!!
فهد : يلا باي يابنت العم
هيفاء قفلت وهي منصدمه ( معقوله عنده كل ذي الجراءه خلاص مابعطيه بلوك بشوف اخره الكلام والحركات ذي)
ونامت
اليوم الثاني :- قاموا كلهم عشان يودعوا محمد وراح محمد العسكريه
ومرت 6 شهور بدون اي احداث مهمه هيفاء وفهد استمروا بالسوالف في الجوال والثلاثي كل يومين مشكله ورعد يفكر شلون يصارح اخته انه ييحب ريوف وريوف كل يوم غيرتها تشتعل وتزيد من ليالي وحركاتها اما رهف ومشاري راحوا شهر عسل ورجعوا في بيت ابو مشاري معهم جناح خاص فيهم ورهف حامل بالشهر الرابع ومسعود خطب غيداء وملك عليها وهي مو راضيه ماتبيه بس ابوها غصبها اما بالنسبه لمطلق دايم يهاوش هيام وهيام تهاوشه بينهم عداوه ومايطيقوا بعض بس مطلق صار يحس نفسه تعلق فيها وفي هواشها ورجع محمد من العسكريه وهنا تبدا الاحداث:-
محمد : ياجدي وعمي انتوا تدرون وش اتفقنا عليه صح؟؟
ابو رعد : اي ياولدي وانت ابشر متى تبي الخطبه
محمد : اليوم لو معندك مشكله
رعد وفهد: اوففف طلعت تحب من ورانا هااا
ابتسم محمد
ابو رعد : طبعا معندي مشكله
رجع ابو رعد للبيت وعلم زوجته وزوجته كلمت رنا
ام رعد : بنت رنا يلا قومي تجهزي
رنا : ليه وش صاير بعد
ام رعد :اليوم خطبتك
رنا : ايييشششش
ام رعد: ايوه من محمد
رنا : وشوووو
ام رعد: وش الي وشو
رنا : بكت ( تكفين يمه مابيه مابيه تكفين كلمي ابوي)
ام رعد : هي انتي بلا دلع شلون تبيني اكلم ابوك وهو قال للناس كلمته وتدرين بابوك مستحيل يرجع بقراره صح؟!
رنا : تصرفي تكفين يمه مابيه ماواطنه بعيشه الله
ام رعد : اصصص ولا كلمه ويلا تجهزي ترا اليوم خطبتك وبكره الملكه والشوفه وطلعت ولا عطت رنا اي فرصه تتكلم
رنا : قسم بالله مارح يشوفني وبتشوف شلون بتتم ذي الشوفه
دخلت ريوف وشافت رنا بالحاله ذي : وقالت رنوييي مبرو... وش فيك تصيحين
رنا : مابيه مابيهههه ليه ماحد فاهمني ليهههه
ريوف : رنو خلاص عاد كل شي نصيب لا تصيحين
هيام دخلت : وش ذي الغرفه الكئيبة
ريوف : انطمي انتي
رنا : تكفون مابيههههه
هيام : هوههوه هدي هدي ترا خلاص عمي عطاهم كلمه وخلاص محمد خطب وخلص وبكره عقد القران
ريوف : خلاص هيام عندتس كلمه طيبه قوليها ماعندتس اسكتي
هيام: يعني وش تبيني اسوي خلاص هي تدري ان لو بكت عام كامل مارح يتغير شي ( وطلعت برا ) وقابلت في وجهها مطلق
هيام : خير فجعتني
مطلق : لا والله فوق مانك غلطانه تنافخين اص اص لا اصنك كف على لسانك الطويل ذا
هيام دفته: روح زين (ونزلت تحت )
مطلق : لا بالله مو صاحيه
خلص اليوم والكل نفسيته فوق خشمه عدا محمد مستانس
اليوم الثاني يوم الملكه :-
استسلمت رنا للامر الواقع تجهزت ولبست :-فستان تركوازي ماسك على خصرها وجسمها وفاكه شعرها الاسود الطويل ولابسه عدسات على لون فستانها دخل عليها رعد : خذي وقعي
وقعت رنا وهي يدها ترجف تمنت يدها انقطعت ولا وقعت
ودخلت عليها امها : يلا وقت الشوفه محمد تحت في المجلس ناطرك
جت فكره في بال رنا وحلفت يمين ما تنزل له
وقعدت في غرفتها تغني وتعدل مكياجها وهي متعمده
محمد : الظاهر ذي ناويه ما تنزل ،.. اي والله مارح تنزل دامها مغصوبه علي اكيد مارح تنزل لكن انا بطلع لك الغرفه وطلع غرفتها وفتح الباب بقوه وقفله بالمفتاح انخرشت رنا
رنا : بسم الله الرحمن الرحيم اللهم احفظني اللهم اسكنهم في مساكنهم اعوذ بالله اعوذ ..
محمد : هييي انتي انا محمد
رنا : خيروه يا طيروه شتبي مو خطبت وملكت شتبي بعد؟!
محمد : الظاهر انتي ابوك مدللك بزياده ومعطيك وجه لكن انتي الحين حرمي وذا الدلع كله مارح تشوفيه
رنا : اي اي طيب برا
محمد : رنااااا مسكها من معصمها والله يارنا ان ما احترمتي عمرتس بوريتس شي ثاني وطلع
رنا انفجعت : بسم الله ذي يدايتها وحنا بعدنا ماسوينا زواج ياربي عيل ذا شكله بينسيني شي اسمه دلع عساك المر وععع يقهر
دخل محمد : قلتي شي استاذه رنا (وهو عيونه حمره )
رنا : لا لا ابد سلامتك
محمد : اي فكرت (وطلع )
هيفاء: بسم الله شفيك
محمد : روحي عن وجهي
هيفاء: توه توههه جاي مستانس اكيد رنا نكدت عليه المنه عليها اخوي حليو ومز ذي المتكبره والدلوعه
دق فهد
هيفاء: هلا فهيود
فهد : عيون فهد
هيفاء: ههههه ياخي استحي
فهد : عمري الي يستحون بس المهم اطلعي الحوش بعطيتس شي
هيفاء: طيب
وصيفه: هيفاء
هيفاء: هلا
وصيفه : من تكلمين ؟
هيفاء: شعليك انتي؟!
وصيفه :طيب ( وراحت )
طلعت هيفاء: ياهو فينه ذا
جاء فهد من وراها : بوووهههه
هيفاء صرخت : يممهههه
فهد : اصص ذا انا فهد
هيفاء: فهد خرشتني
فهد : خذي يازينه الحلا والمزايين
فتحت هيفاء الكيس لقت فيها سلسال في قلب كذا وحوله محور ( اتمنى تكونوا فهمتوا قصدي)
هيفاء: يهبلللللل ماشاءالله كيوت مشكور فهد
فهد : كم عندي هيوفه ... وحده بس
ابتسمت هيفاء ودخلت داخل
فهد : ياكثر حبي لتس ياهيوفتي
فهد : فتح كاميرا سناب يبي يتصور ويرسل لهيفاء
وصيفه: ها صرت تحب من بعدي
فهد وهو صاد : وش تبين يابنت الناس ابعدي عني
وصيفه : فهد انا احبك موت وابيك لي جت تبي تحضنه وفهد ما انتبه كان صاد فجاة جت هيفاء وشدت شعر وصيفه وصفقتها كف
طبعا هيفاء ماسمعت شي غير يوم وصيفه قالت احبك فهد
وعلى طول قامت وصيفه : انا اوريتس يا هيفاء وراحت
فهد : هيفاء..
هيفاء:بس بسسس ليه تسوي كذا سبعه شهور نتكلم مع بعض واخرتها تطلع كذا الحمدلله عرفت سوالفك قبل لا اتزوجك
فهد : بس ياهيفاء انتي فاهمه غلط خليني اشرح لك
هيفاء: بس تشرح لي ايش هاا وراحت
خلصت العزيمه وهيفاء مو طايقه وصيفه ابد
رهف : وصيفه من عطاك كف في علامه علئ وجهك
وصيفه : ها لا بس واحد من البزران صفقني ههه
ضحكت هيفاء ضحكه مستفزه وقالت : واحد من بزران بعمري ولا بحياتي ماشفت بزر يده كبيره تسذي
وصيفه : هيفاء اسكتي خليك بحالك
قامت هيفاء ورفست وصيفه في بطنها وجت بتقوم مسكتها رهف : هوهو شفيتس علئ البنت
هيفاء: وخري عني زين انتي وبطنك الي متر قدام ( وراحت )
وصيفه : بكت وراحت جلست عند امها
هيفاء راحت غرفتها وهي تبكي فجاة دق عليها فهد وهي ما انتبهت عبالها رهف
هيفاء: رهف خلاص خليني بحالي
فهد : معك اخو رهف شخصيا
هيفاء: وبعد لك عيني تدق
فهد : والله ياهيفاء ان انتي فاهمه غلط
هيفاء: اثبت لي طيب
فهد : ياخي كل شي صار بسرعه معندي دليل
هيفاء:كذاب
فهد قعد يفكر وتذكر انه كان يصور : اي صح دقيقه انا كنت اصور عشان ارسل لك وجت وصيفه دقيقه برسل لك
هيفاء: طيب
وارسل لها فهد الفيديو وشافته
هيفاء: فهيدان
فهد عرف انها رضت لانها اذا كانت زعلانه تناديه فهد
فهد : سمي ياعروق قلبي
هيفاء: احبك 💕
فهد : وآنا اعشقتس
هيفاء: يلا باي بنام يامحامي قلبي
فهد : يلا اجل باي
أنت تقرأ
"علم عيونك تحط لشوفتي قيمه "
General Fictionروايه تتكلم عن رنا البنت الدلوعه الي طول عمرها عايشه بدلال وغرور لكن ينقلب كل شي لمن تتزوج غصب من ولد عمها العصبي العسكري الي ماتطيقه 📻🌷
