ابتهال: هلا غيداء
غيداء: انا موافقه
ابتهال زغرطت: يلا عيل جايين نخطبتس رسمي
غيداء ابتسمت: علئ خير
بعد المغرب وصلوا اهل ضيدان وتمت الخطبه والملكه بنفس اليوم
اما عند مسعود فا هو تزوج جلنار وعايشين اسعد ايامهم وكانت جلنار طيوبه حيل :
مسعود: يمه فديت قلبك
جلنار ضحكت: مسعود الي يسمعك يقول كانك اول مره تشوفني
مسعود: وش اسوي احبتس
جلنار : اليوم ملكه غيداء
مسعود : الله يوفقها اهم شي اني معتس
قرص خدودها
جلنار :بتروح عند ربعك ؟!
مسعود: لا ليه؟!
جلنار :لا بس بقوم انام
مسعود حاوط صدرها : يازين هالخديدات بس احب اقولك ليلتنا طويله جدا
جلنار ضحكت : اذا مسكتني سوي فيني الي تبي واذا ما مسكتني احلم تسوي فيني شي وركضت لفوق
لحقها مسعود بس ماقدر يمسكها
جلنار : ههه ما مسكتني يلا احلم
مسعود: لا والله مو بكيفك
جلنار تخصرت: لا والله
مسعود : يلا عيل نامي
فصخ مسعود ثوبه وصار بفانيله وشورت
فجاة جلنار :وايي منو هذا المعضل ادوخ انا ادوخ
مسعود ابتسم:-
نام الكل:-
رنا : محمد قوم اخلص اليوم متأخر انت
محمد: متأخر علئ وشو
رنا : علئ كوفي بترقص لهم جنوبي وشو عندك شغل اليوم تستهبل علي
محمد: زين زين وش بلاتس فصلتي
رنا: يلا قوم سويت لك فطور شامي اليوم
محمد ابتسم: يلا عيل قمت
قام محمد ولبس وفطر مع رنا وبعدها كل واحد راح شغله
قام كاسر وراح شغله :
هيام: وين رايح
كاسر : رايح عند زوجتي يعني صاحي ساعه ثمانيه بروح الشركه يعني وين بروح مثلا
هيام : اي طيب
ورجعت نامت هيام
ريوف قامت وراحت شغلها ورعد نفس الشي والاطفال عند العاملات
الجده: ماشاءالله ماشاءالله الهنوف عطيني من الشاي الاخضر الي جنب حنان
ام مطلق : اخذي يمه بالعافيه
الجده: شلونها غيداء
ام مطلق: والله الحمدلله امس تقدم لها اخو صحبتها ووافقت وملكت عليه
ام مسعود : ماشاءالله تستاهل كل خير غيداء
ام رعد: الله يتمم لها علئ خير ومسعود يدري
ام مسعود : يدري قلت له قال مايهمني الله يوفقها واهم شي اني تزوجت جلنار
ام مسعود: ماعليه خيره هذي الي كاتبه الله خير
الجده نوره: الله يوفقهم كلن واحد راح بطريقه
ام مشاري: عاد ضيدان يستاهل غيداء ومسعود يستاهل جلنار كل واحد اختار طريقه
ام مسعود: يوم قالي بياخذ جلنار بالبدايه رفضت لان غيداء احسن منها وتوقعت انها خبيثه بس ماشاءالله اقنعني وتزوجها بنت ماشاءالله سنع وجمال واخلاق ماشاءالله
ام رعد: والله انها حليوه حتئ انا تحاول بالجمعات تسولف مع غيداء ويتصالحون بس الله يهديها غيداء كانت تكرهها وتحاول تأذيها الله يصلح بالها
عند الرياجيل:-
ابو مشاري: شلون الشغل معكم ياعيال
العيال: زين
ابو مسعود: شلون زوجتك مسعود
مسعود: زينه تسلم عليك وتراها سوت لك صينيه لحم الي تحبها تزن علي اخذها لك وكاهي بالمطبخ
ابو مسعود: تسلم يدينها
ابو مشاري: فهد شلونها هيفاء
فهد: والله ياعمي هيفاء زينه الحمدلله
ابو مشاري: اي ياويلك تزعلها هذي بنتي الوحيده
فهد: ماعليك انت روح اسألها بتقولك ولا مره زعلتها
محمد: اي بتقول كذا تلقاه مهددها اذا قالت لا؟!
فهد : يلعن ابو الكذب
رعد ضحك بخفه: شوف شكله محمد قسم بالله كانه صدق مهددها
مشاري: لا لا فهد اعرفه مايقدر عليها شيطانه هيفاء
فهد؛ ايوه انا بريئ
محمد: ايوه فهد حيل بريئ
رمئ نفسه فهد علئ رعد
رعد: ياولد طس عني شتبي انت؟!
فهد: مابي شي شعليك انت؟!
رعد: لا والله رامي نفسك علي وتقول شعلي؟!
محمد: خلاص عاد بزران انتوا ؟!
كاسر: شف من يتكلم
محمد ضحك بخفه : صدق والله مابهم عقل
عند البنات:
جلنار : مبروك غيداء عساك تتهنين
غيداء بدون نفس: الله يبارك فيتس
تفشلت جلنار من اسلوب غيداء معها خصوصا قدام البنات وكانت جلنار اصغر من مسعود ب 6 سنين وشخصيه اجتماعيه وحساسه
رهف: اا جلنار شلونك وشلون مسعود معتس؟!
جلنار بابتسامة: مسعود حيل طيوب معي الحمدلله
رنا كانت مقهوره من حركات غيداء: وتحبينه
جلنار ببراءه وهي ماقصدها شي: ايوهه احبه ويحبني
غيداء بنفسها: وجع يوجعك تحبينه ويحبك ها من زينه عاد
اتصل مسعود
جلنار : اوه دقيقه مسعود يدق علي
غيداء بغيض : وش ناطره ردي ، مسويه حركات الي متزوجه ردي اخلصي بس بزره
طالعتها جلنار بكسره خاطر وقامت فوق وردت علئ مسعود
البنات:-
هيام : غيداء بس عاد ترا زودتيها
غيداء: وش سويت ؟!
رنا: يعني بالله عليتس خلاص مسعود مايحبك ولا يبيك يحب جلنار وجلنار اطيب واحلئ منك وانتي خلاص صرتي زوجه ضيدان وش تبين بجلنار ومسعود تراك قليله ادب ترا
غيداء: من زينه هو والطفله الي ماخذها ذي
ريوف: الطفله هذي طيبه واحسن منتس ونيتها طيبه وكل البيت يحبها الا انتي لانك غيورههً
غيداء: ريوف انتي اختي مفروض معي مو مع جلنار
ريوف : انا مع الحق
عند جلنار :-
مسعود: هلا جوجو ، وش فيه صوتك؟!
جلنار وهي شوي وتبكي : لا مافيني شي بس ليه اتصلت
مسعود: جلنار وش فيتس غيداء قالت لك شي؟!
جلنار:لا غيداء ماكلمتني حتئ
مسعود:جلنااار تراني مانبي بزر اخلصي وش قالت لك غيداء ؟!
جلنار لا بس شوي ضايقتني بكلامها
مسعود: اوهووو ذي وش تبي
جلنار :مسعود خلها لا تسوي لها شي
مسعود: ماعليك انا بتصرف انتي ارجعي للبنات ولا كأن صار شي طيب ؟!
جلنار :طيب
قفل منها مسعود واتصل علئ عمته ام مطلق
ام مطلق: هلا يامي مسعود شلونك
مسعود: هلا عمه
ام مطلق: تبي شي ؟!
مسعود : ابد سلامتك بس ابي يعني تكلمين غيداء تبعد عن جلنار وانا والله ادري ان جلنار ماسوت شي تدرين بعد سوالف حريم ومناغزات بالكلام فا ابيك تكلميها ياعمتي مايصير والله يعني كل واحد راح بطريقه وهي الحين علئ ذمه رجال ثاني شتبي فيني وفي جلنار
ام مطلق: انهبلت البنت هذي ماعليه انا اكلمها وماعليك من كلام غيداء والله ان جلنار طيبه حيل ومافيها قصور
مسعود: يلا بحفظ الرحمن
قعدت جلنار عند البنات تسولف معهم وغيداء مو طايقتها
جلنار تدري بس ساكته
هيفاء: وين رحتي شهر العسل مع مسعود ؟!
جلنار : وهي تتكلم بسرعه وتتحرك والبنات مستانسين: ايوه رحنا سويسرا وناسه والاجواء حيل حيل حلوهههه بنات ومسعود جاب لي طقم الماس من هناك وحيل استانست وبعدها رحنا دبي وجاب لي ايفون اخر اصدار مره استانست معه مسعود حيل طيوب
غيداء ب انزعاج: اوهو خلاص انتي ترا ماحد يلاحقك تتكلمين بسرعه لسانك طويل ما تعرفين تسكتين
جلنار بهدوء: اسفه ازعجتكم
هيفاء: غيداء بس عاد تراك مصختيها شدخلك فيها حنا نبيها تسولف
جلنار لا بنات خلاص ازعجتكم
ودقت علئ مسعود: مسعود الو ايوه تعال اخذني لا بس تعبت وابي ارجع البيت
رهف بغيض: صدق انك قليله ادب
غيداء بدلع: ماسويت شي
جاء مسعود وطلعت جلنار ورجعت معه
مسعود: شلونها الحلوه استانستي ؟!
جلنار بهدوء: ايوه
مسعود: غيداء ضايقتك بعد؟!
جلنار واخيرا حد سألها علئ طول انفجرت تبكي: مسعود خلاص عاد مايصير كل ماسولفت ناغزتني بالكلام وتسبك قدامي
حضنها مسعود: ماعليه انا كلمت امها وان شاء الله معد تقرب منتس وان قربت ياويلها
أنت تقرأ
"علم عيونك تحط لشوفتي قيمه "
General Fictionروايه تتكلم عن رنا البنت الدلوعه الي طول عمرها عايشه بدلال وغرور لكن ينقلب كل شي لمن تتزوج غصب من ولد عمها العصبي العسكري الي ماتطيقه 📻🌷
