"علم عيونك تحط لشوفتي قيمه "

28

دخلت هيفاء الحمام ( الله يكرمكم)وطلعت على طول صرخت
فهد الفت لها: وش فيتس كل ثانيه حلقتس جاهز تصرخين
هيفاء: وش مسوي انت ؟!
فهد: وشو هذا
هيفاء: هذا روجي من ديور كسرته ليههه
فهد: عبالي قلم والله
هيفاء: انطم زين؟!ترا بتشتري لي واحد
فهد بكل ثقه : كم سعره
هيفاء:...
فهد: حبيبتي هيفاء في روج سحري في سوق ابو خمسة حلو حلو وش رايك فيه
هيفاء ناظرتهه: لا والله ؟؟
فهد : يلا طيب يصير خير بشتري لك ماعليه
هيفاء ضحكت: امزح معك شدعوه مابي شي
فهد : المهم انا رايح عند الشباب تبين شي؟!
هيفاء: لا ابي سلامتك
طلع فهد واخذت هيفاء ولدها ونزلت تحت عند هيام ( هيام نفاس فا قاعده عند امها)
هيفاء: هيام شلونككك
هيام : زينه
هيفاء: شلونها ارياف!
هيام: زينه
هيفاء: ترا بخطبها من الحين لسلطان
هيام ضحكت : لا خلاص رنا خطبتها لبهاج
هيفاء: خساره🤣
قعدوا هيفاء وهيام يسولفون بعدها جت ريوف عندهم وجت عندهم جلنار ورهف ورنا الكل اجتمع :-
رهف: اي والله انا معي عبير وسلمان ورافعين ضغطي ومشاري معهم
هيفاء: لا والله شدخل اخوي
رنا: سبحان الله حتئ محمد يرفع الضغط نفس مشاري
هيفاء: هي شنو في شفيكم علئ اخواني
رهف ورنا : درينا انهم اخوانك
رنا : عطيني زوجه ولدي المستقبليه
ريوف: رنا انتي مصدقه نفستس ماحد بيقبل بولدك
رنا: وليه ان شاء الله وش فيه ولدي
جلنار ابتسمت: يشبه محمد وملامحه حاده حلو مافيه شي بهاج
رهف: مو هذا هي المشكله ان ملامحه حاده وتخوف والبنات بيخافوا منه
رنا: لا بسم الله علئ ولدي مز ويهبل طالع علئ ابوه
جلنار ضحكت
رهف ضحكت : شفيك جلنار فصلتي؟؟
جلنار ابتسمت: مادري والله مواصله كله من مسعود يبغاني اسوي له ورق العنب اخر اليل
هيام: اما عاد مسعود من متئ يحب ورق عنب قبل كنت اطلبه واقول له تبي يقول لا ماحبه ولا اواطن ريحته
عند الرياجيل:-
محمد: فهد بتقعد ولا الطمك بكف الحين
فهد: وش فيككككك انت
رعد ضحك: جته الحاله
ابو مسعود: انتوا علامكم بزران؟! صرتوا متزوجين ومعكم عيال وكذا عقليتكم
ابو مشاري: اشهد انهم خبلان
كاسر: معدا انا عمي صح
ابو مسعود: انت اكثر واحد انت ومحمد مسوين عاقلين وانتوا من تحت لتحت
انفجر مشاري يضحك
ابو رعد: ارتفع ضغطي منكم امشوا امشوا من هنا يلا كل واحد لبيته هو وحرمته
رعد: يبه انا بالقوه أقنعت ريوف تجي عند البنات والحين انت بالسهولة تقول لنا نرجع والله مارجع
ابو رعد: صبر ايوب
ابو مسعود: الا شلون ابوك وامك وخواتك ياكاسر
كاسر: زينين الحمدلله
محمد:عمي انت معندك سوالف جاي تسأل عن اهل كاسر ياربي صدعت
ابو مشاري :  ورا ما تسكت انت؟!
محمد: يبه ياخي لاحد يناديني محمد نادوني ابو بهاج
قاطع كلام محمد اتصال رنا
محمد: هلا
رنا بانزعاج: انا عند باب الخارجي تعال اخذ بهاج انهبلت منه
محمد: اي طيب طيب
قام محمد
ابو مشاري: وين وين
محمد: رايح اجيب حفيدك الخبل
مسعود: ذا دايم يقول عن ولده خبل شعندك
محمد: مدري والله بس يمكن من حبي له صرت امون عليه
فهد: ميانتك مع ولدك اعطيها صفر من ميه
محمد ابتسم وراح اخذ بهاج
محمد: وهذا هو جوجو جاء
ابو رعد: هلا هلا باجمل حفيد بالعيله
محمد ابتسم: قلت لكم ولدي مز بس انتوا ما تسمعون الكلام
رعد: تدري ان ابوي يسلك لك صح؟!
محمد وهو يقلده: تدري ان ابوي يسلك لك ننننن اقول اسكت بس
عند الحريم:-
ام رعد: لا اله الا الله صادقه ؟!
ام مشاري: اي والله مهبوله البنت ذبحت رجلها وولدها
ام غيداء: لا اله الا الله
ام مسعود: وقفطوها ؟!
ام رعد: ايوه وقبل امس رنا راحت وشافت مسرح الجريمه وكل شي وقابلتها وتقول ان حكمها للحين ماتفقوا عليه
هيام: تخيلوا بس بنص السياره بغيت اولد وكاسر يهدي فيني ويمشي وخالف اشاره المرور
رنا: انا جاني الطلق بنص كشختي ومسكين محمد عطيته كف وعضيته وشمخته
جلنار: ماشاءالله رنا الي يشوفك مايقول آنك متزوجه وعندك ولد انتي وريوف وهيام الوحيدات الي ما تغير جسمكم
رنا: انا تغير مو كثير بس خصري شوي اختفئ وصار فيني بطن بس سويت رياضه ورجعت زي  قبل
هيفاء: بس يوم كنتي حامل بالشهر الثامن كانك حامل بالشهر الثالث لانك نحيفه حيل مدري شلون محمد رضا انه يتزوج بزره
رنا: وش اسوي يحبني
رهف ضحكت: يختيييي
جلنار: اي قاطعها اتصال مسعود
قامت جلنار وبعدت شوي من عندهن
مسعود: هلا جلنار
جلنار: هلا مسعوديي شتبي
مسعود: وش رايك نرجع
جلنار بزعل :ليه
مسعود: لا والله بس بنص قعدتي مع الرياجيل تذكرت جسمك وشكلك وابي اخذ راحتي معك
جلنار ابتسمت : بس ابي اقعد مع البنات
مسعود بدا يعصب وقال بحده : انا ناطرك بالسياره اخلصي
جلنار بزعل: اوف طيب
غيرت ملامحها وابتسمت اول مادخلت عند البنات
هيام: هلا وش كان يبي مسعود
جلنار: ابد والله قال انه تعبان شوي وقال وش رايك نرجع
رهف: لا تكفين وربي استانسنا
جلنار ابتسمت: يلا عادي الجايات اكثر
طلعت جلنار وركبت السياره وطول الطريق وهي ساكته :-
عند غيداء وضيدان:-
ضيدان: يبا تعالي ليه خايفه
غيداء ضحكت: ياخي اخاف من الدلافين( سافروا تركيا وهناك في حديقه حيوان)
ضيدان ابتسم: مارح يحصل لك حاجه انا معك
ابتسمت غيداء بحب وهي ملاحظه الفرق بين ضيدان ومسعود
غيداء: طيب
وقعدت تلمس الدولفين بخفه
ضيدان حب انها يخوفها:
ضيدان: غيداء وراكككك
فزت غيداء: يمهههههعه
ضحك ضيدان بقوه
غيداء: وينه
ضيدان: امزح معك وربي
غيداء: حرام عليك
ضيدان: يلا يلا امشي للفندق
غيداء: اي تعبت ابي انام
طالعها ضيدان بخبث وهي فهمت نظراته بس تجاهلتها
وصلوا الفندق واول ما رمت غيداء نفسها علئ سرير لحقها ضيدان وو🫦
عند جلنار ومسعود الي وصلوا البيت :-
مسعود لاحظ زعل جلنار
يوم قعدت علئ الكرسي قعد جنبها وحضنها
مسعود: شفيها الحلوه زعلانه
جلنار: زعلانه منك
مسعود: افااا وانا اخلي حلوتي زعلانه مني
جلنار بكت بهدوء: ليه دايم تعصب علي
مسعود: صدقيني ياقمري والله ماقصدي بس انا حبيتك من اول مره شفتك ولا ابي اخسرك سامحيني
جلنار ماقدرت تزعل منه : وانا اقدر ازعل منك؟!
مسعود: يلا تراني اخترت فلم قومي سوي فشار وشاي احمر واذا عندتس سناكات جيبهم معتس
جلنار ابتسمت براحه لانها كانت متوتره منه شوي
قامت جلنار وجهزت فشار تحت انظار مسعود لها وهو يطالعها بحب وان كيف لو كانت غيداء للحين علئ ذمته كيف بتكون حياته بدون جلنار الي اول ماشافها حبها ونسئ غيداء ونسئ حبه لها وقال يتزوجها مهما يصير
عند البنات الي استمرت سوالفهم لين كل واحده رجعت بيتها مع رجلها معدا هيام الي قعدت عند امها وكاسر الي صار له ايام يحس ان البيت فاضي بدون هيام وكان مشتاق لها حيل