ابو مشاري: انت وش فيك مو صاحي تقوم تخون زوجتك والحين بغيت تذبح اختك
الجد متعب: محمد
الكل الفت للجد
الجد متعب : طلق رنا
شهقت رنا وناظرت محمد وقالت : محمد تكفئ لا
محمد : قال ماني مطلق زين
ابو رعد : الا بتطلق انا مستحيل اخلي بنتي معك
محمد: وانا اقول والله ماطلق
الجد عطاه طراق وقال له بالحرف الواحد : اطلع برا الديره مابيك هنا عندي
محمد : بكيفكم لكن رنا زوجتي ولا رح اطلقها والي ببطنها ولدي
ليالي : وبعد تسمي عمرك ابو؟
صرخ محمد وقال بحده وبغيض: انتي وش دخلتسس ها حنا اهل نتناقش بروحنا انتي شتبين ها شتبين ناشبه هنا يالرخيصه
ليالي: انا مو رخيصه فاهم يا خاين
عصب محمد كان معه تلفونه رماها علئ ليالي وجا علئ خشمها ونزفت
غيداء: ليالي فيتس شي ؟! انت وش مو صاحي ياقليل الخاتمه
محمد بكرهه وغيض: غيداء احشري لسانتس بفمتس لا افصل عليتس مسعود امسك مرتك وان شفت ذول الرخيصات عندنا في ذا البيت ياويلكم مني
وراح البيت واخذ اغراضه ومسك خط لحائل
قامت رنا بكل غضب وقالت : والله انكم ظالمينه
لجين : محد ظلمه هو إلي سوا كذا بنفسه مشت رنا بكل غضب لين لجين وقعدت تضرب فيها والكل كان ماسك رنا
غيداء : ابعدي عن صحبتي
التفتت لها رنا وعطتها كف
رنا : روحي زين انتي وصحبتك الوصخه ذي
والفتت للكل : محمد مستحيل يخونني واني اتطلق منه هذا حلم ابليس بالجنة طيب
وراحت للبيت حق اهلها وقعدت ترتب اغراضها وجتها رساله من محمد مكتوب فيها
ودعتك وعيني علئ البعد تبكيك هذا الوداع اللي يشيب بزماني
قرت رنا الرساله وقعدت تبكي وتمسح علئ بطنها وتشاهق جت عندها ريوف وقعدت تواسيها
أما بخصوص هيام وكاسر ذول بعالم الموازي:-
مرت اربعه شهور كانها سنين بالنسبه لرنا والكل كان خايف علئ محمد بس بنفس الوقت مقتنعين ان هو الغلطان
بخصوص البنات ( ريوف تشتغل دكتوره وهيام تشتغل مصممه ازياء بشركه كاسر ورنا محققه بس اخذت اجازه بخصوص حملها ونفسيتها التعبانه)عند ريوف ورعدها
ريوف: رعد رعد رعد
رعد: ها بنامم
ريوف : ابغى نوتيلا
رعد: وليه ان شاء الله
ريوف : اي احبه ابي نوتيلا جيب لي اياه وجيب لي حار نار اشتهيت اكلهم مع بعض يمييي
رعد: هاا وش قلتي شلون حار مع حلو المهم مالي خلق اطلبي اون لاين
ريوف : ماهو ياخبل انا قاعد اقولك عشان تدفع
رعد: ماعليه بدفع بس خليني انام وروحي عني
يوم من الايام راحت رنا تتمشى وخصوصا وانها حامل والدكتوره قالت لها حاولي تتمشي عشان الدوره الدمويه تتنشط ( مدري شدخل بس كذا)مشت لين بيت عمها ابو مسعود عند هيام لقت غيداء ولجين وليالي شمقت لهم ودخلت فوق البنات بعدها قالت رنا بتعب: بنات بنزل اجيب لي مويه
نزلت وهي تمشي للمطبخ سمعت لجين تكلم ليالي
ليالي : يختي خطتك شبه نجحت بس لسا ماتطلقوا
هنا رنا اخذت جوالها وقعدت تصور وهي تبكي لان الحق ظهر بس بعد ايش بعد ما محمد راح
ليالي : ياغبيه كيف فكرتي فيها الفكره هذي
قالت لها لجين كل شي
لجين: وكذا باقي بس انه يطلقها بس ماعتقد بس ان شاء الله
ركضت رنا للبنات ( هيام وهيفاء وريوف ورهف وكانت غيداء هناك)
يوم دخلت رنا غيداء التفتت وقالت : بطلع
سحبتها رنا مع يدها وجلستها علئ الكرسي
غيداء: وش فيتس غصب اشوف وجهتس
رنا : اسكتي
ورتهم رنا الفيديو هنا البنات انهاروا وخصوصا غيداء بكت وحضنت رنا : صدقيني رنا بس لجين كانت مقنعه مره انا اوريتس فيهم ونزلت تحت وقعدت تضرب فيهم لين ما اجتمع الكل
الجد متعب: وش ذي الحركات خبلات انتوا بنات كبار متزوجين تسون ذي الحركات
رنا ورت الجد متعب الفيديو والكل هنا انهار
الكل بلعه الندم والقهر
ام مشاري: قلت لك ولدي مايسويها بس انت عنيد وراسك يابس
ابو مشاري: خلاص الحين ندق عليه وانتم ان شفتكم هنا في ذا البيت ياوليكن خصوصا انتي يا وصخه
طبعًا رعد وفهد والعيال كلهم يتواصلون مع محمد وكل شي وطبعًا محمد اتقن اللهجة حقت اهل حايل الجد قرر يتصل على محمد
( ملاحظه معرف اللهجه حقت اهل حائل فا اذا غلطت بشي مشوها )
عند محمد:-
فارس: محمد تلفونك يدق
محمد : هلا
انقلبت ملامح محمد: جدي
الجد متعب: يامحمد ياولدي تكفئ ارجع والله اننا ظلمناك تعال مرتك حامل وتعبانه ولازم تكون جنبها تعال ترا عرفنا الحقيقه
محمد: يصير خير ياجدي ولا تخاف انا مسامحكم ولا الومكم شفتوا الخسيسه معي بنفس المجلس
وقفل
فارس: وش وقعه؟؟
محمد: مابوه شي
فارس: محمد اهرجن معي زين وقول لي وش وقعك ( اعتقد كذا يقولون 🤣)
محمد قال له كل شي
فارس: اجل صالحهم
محمد : يصير خير ان شاء الله
فارس : يلا اطلق الرصاصه براس العدو واكسر خشم اي حدن ماعدن لك احترام (يعني لا تسكت للي مايحترمك: طبعا مدري اذا كذا يقولوا اهل حائل بس قاعده اخرف)
بعد يومين وتحديدا يوم رجعه محمد:-
اول مادخل محمد الكل اطلق الرصاص بالسماء وقعدوا يرحبوا فيه ومحمد فرحان واكثر شي لشوفه رنا
ذبحوا الذبيحه وكل شي تعشوا
محمد : عن اذنكم
فهد: اول اولا رايح تشوف حرمك؟!
محمد ابتسم: ايوا
محمد : ياولدددد الطريققق
التفتت رنا علئ صوت محمد وقعدت تناظر الباب متخيله ان محمد يجي صدق
ام مشاري: حيا الله ذا الصوت ادخل يمه الحريم متغطيات تعال سلم علئ جدتك
دخل محمد وسلم علئ جدته وامه وام رعد بعدها اشر لرنا ودخلت عنده في الغرفه
طالع فيها محمد وهي عيونها مليانه دموع شوق ولهفه
محمد بضحكه: تعالي
ركضت رنا له وقعدت تشاهق وتبكي
محمد: وش فيتس ياعمري كاني يمتس
رنا : وحشتني حيل
حاوط محمد خصرها وقال: شهر الرابع؟!
رنا وهي مبتسمه: ايوا
محمد وهو شوي ويصيح من الشوق: علئ خير ان شاء الله واوعدتس معد رح اخليتس
رنا : ابتسمت
وخلصت العزيمه وراحت رنا ومحمد والكل بيته
في نص اليل
رنا : محمد محمد محمدد
محمد: هاا
رنا : بخاطري اروح البحر
فز محمد: ليه تروحي البحر الحين من فجر الله
رنا : تكفئ تكفئ
محمد : شتبين؟!
رنا :بخاطري اشم ريحته اشتهيت ريحه تراب البحر
محمد: هاا نامي نامي الصبح اوديتس
رنا : محمد تكفئ
محمد : ياخي ابي انام
رنا : ياخي اشتهيت
محمد : طيب يلا البسي عباتك ويلا وهاا ترا بس 10 دقايق
ابتسمت رنا : طيب طيب
راحوا محمد ورنا وبعدها رجعوا وبالقوه رجعوا لان رنا رفضت
الصبح في شركه كاسر:-
هيام فتحت الباب: كاسر شوف....
لقت الموظفه روان قاعده تتميلح عند كاسر : استاذ كاسر شوف هذي الاوراق الي طلبتها
هيام دخلت وهي تناظر روان بقهر وقرف من كلامها
روان: خير طقي الباب قبل لا تدخلي
هيام : تعلميني شلون ادخل بعد سكتي ولي يعافيك اقرفتيني من صباح الله خير
روان : وععععهه طفله
كاسر عصب: روان بس عاد كلمي خطيبتي ب احترام
روان : خليت كل بنات العالم وخطبت ذي
كاسر: روان برا
روان : بس..
هيام : قالك برا ما سمعتيه ولا اخاف يكون عندتس ضعف بالسمع
طلعت روان وتقدمت هيام عند كاسر: ليش قلت لها خطيبتي وحنا مابينا الا نظرات
كاسر : بتعرفي ان شاء الله
هيام : طيب اخذ ذول الاوراق وعطني اذن خروج
كاسر : وليه ان شاء الله اذن خروج مارح تطلعي
هيام : ياخي ابي اطلع خلصت شغلي شسوي مثلا هنا فين اقعد
كاسر: اقعدي هنا ( حضنه )
هيام تفشلت : ها
كاسر :اقعدي هنا فيها شي؟!
هيام : بس انا مو خطيبتك ولا زوجتك ولا شي
كاسر: طيب يصير خير اخذي اذن
طلعت هيام ورجعت البيت ونامت قامت العصر على صوت امها : هيام هيااامممم
هيام : ها شنو في
ام مسعود: قومي كاسر خطبك
هيام : هااا
ام مسعود : موافقه ؟؟
هيام : وشو كيف شلون
ام مسعود : اخلصي
هيام : ايوه موافقه
ام مسعود: يلا عيل قومي تجهزي اليوم بيخطبوا وبيملك عليتس
هيام : طيب
وقامت تروشت ولبست فستان
استلفته من رنا لان كل شي صار بسرعه
أنت تقرأ
"علم عيونك تحط لشوفتي قيمه "
قصص عامةروايه تتكلم عن رنا البنت الدلوعه الي طول عمرها عايشه بدلال وغرور لكن ينقلب كل شي لمن تتزوج غصب من ولد عمها العصبي العسكري الي ماتطيقه 📻🌷
