هيام : اي صح بقولكم امس شصار
لينا : وشو
هيام قالت لهم عن يوم خطفتها ريناد
لينا: انتي صادقه؟!
هيام: اي والله
جوري ضحكت: شلون دفنها
هيام : اقولش شوي ويغمى علي اشوفه طعن البنت ودفنها على طول طار مني الاغماء
بعد شوي طق الباب كاسر:-
هدى : من
كاسر: انا انا افتحي الباب
هدى: وش تبي
كاسر: جاي ارقص شرقي وشو جاي اسلم على امي افتحي اخلصي
هدى فتحت الباب
ودخل كاسر سلم علئ امه وقعد وبعدها قامت امه تنام بحكم انها كبيره سن وتحب تنام بدري
قامت هيام واخذت الشاي وصبته لكاسر وقعدت جنبه
كانت طالعه نتفه عند كاسر
هدى: الله يهديك ياكاسر كان خذيت لك وحده شوي قريبه من عمرك ومن طولك هيام كانها بنتك
كاسر حاوط خصر هيام : والله عاد مايهمني الطول اهم شي زوجتي تحبني واحبها احسن من بعض الناس
هيام بصوت خفيف: وجع اوجعتني
شد كاسر زياده على خصرها
هدى: وش قصدك ببعض الناس؟!
كاسر: والله حتى لساني ينقرف يقول اسمها
ضحكت هيام
هدى : تدري ان مرتك قليله ادب
هيام : وليه ان شاء الله
هدى: انا اتكلم مع اخوي تقومين تضحكين
هيام طالعتها كذا: تصدقي ماكنت ادري ان عندكم قانون جديد يعني
كاسر باس راس هيام:-
كاسر: هذي زوجتي وهي الحين حامل بولدي وماعتقد ان لك دخل يا هدى
هدى شهقت : سويت تحليل يمكن يكون مو ولدك
قامت هيام: هي حبيبتي ترا ما اسمح لتس تتكلمي بعرضي وشرفي !!
هدى : وانا صادقه
قام كاسر لي عند هدى وعطاها كف: ماسمح لتس تتشككين بزوجتي سامعههه
هدى : استح على وجهك انا اختك الكبيره
كاسر: اختي الكبيره بالعمر مو بالعقل
هيام قامت : امش حبيبي لا تعور راسك مع ذي الاشكال يمه فديت العصبي
كاسر: يبااا يبااا
ابو كاسر جاء : نعم كاسر اوه هيام عندنا شلونتس يبا هيام وشلون ابوتس واهلتس
هيام سلمت عليه : والله عمي كلنا بخير ورنا تسلم عليك ( طبعا ابو كاسر يصير جد رنا ابو امها👍🏻)
ابو كاسر: ياحليلها رنوي يبا كاسر شفيك تصارخ
كاسر: يبه يرضيك زوجتي اول مره تدخل بيتنا وهدى تتكلم عنها ويوم درت ان هيام حامل قالت يمكن مو ولدك قاعده تتكلم بعرض وشرف زوجتي
ابو كاسر عصب: صدق
هدى : لا
قاموا لينا وجوري:
لينا: يبا ترا كاسر صادق مو اول هدى حاشره عمرها بشي مايخصها
هدى: انتي انطمي
ابو كاسر: يبا كاسر خلاص انت روح وانا اتفاهم معها
كاسر: امشي هيام
وركبوا السياره
هيام: معد بروح معك عندهم
كاسر: وليه
هيام: تسألني بعد انت شايف حركات اختك؟!(سبيجه فرع سعودي)
كاسر: ماعليه كلنا ندري بحركات هدى طوفيها
هيام : بس عشانك انزين
رجعوا البيت وسوت هيام عشاء حق كاسر
هيام: تدري في فيلم جديد نزل
كاسر: عن وش يتكلم
هيام: يتكلم عن واحد اسمه كوستا قتل زملائه عشان تنمروا عليه تكفى نبي نتابعه
كاسر: طيب
خلصت هيام من العشاء وقعدوا فتحوا الفيلم وقعدوا يتابعوا
هيام: تدري من قاهرني
كاسر: من
هيام: ان هم الغلطانين محد قالهم يتنمروا بس مسكينه انا ماسوت شي بس تبي تساعد صديقتها تقوم واطلق عليها كوستا 3 طلقات
عند رنا ومحمد :-
رنا : بسوي كيك وش رايك
محمد: ابي اساعدك انا وبهاج
رنا :طيب
دخلوا المطبخ وبدت رنا تجهز المقاديروبهاج ومحمد يلعبون بالاغراض
بعد شوي لعب بهاج بالطحين
صرخت رنا:
محمد: وش فيتس
رنا :اطلعوا برا انت وولدك
محمد مثل الحزن : طيب يلا بهاج امك طردتنا بدون سبب
رنا : محمد تدري انك انت وولدك حستوا المطبخ وانا تعبانه مابي ازعاج
محمد : ادري ادري يابعد حيي
وطلع
قعدت رنا تنظف الحوسه بعد شوي دخل محمد
رنا : وانا مو قلت اطلعوا برا
محمد: ادري يابعد حيي بس خلاص بهاج نام وجيت بساعدك
رنا: طيب
قعدت رنا تطبخ وتحط بيض وكل مكونات الكيك
ومحمد كان يتأملها مع انها كانت ب اسوء حالاتها
اخذ محمد شوي من طحينه وصرقع فيه على وجه رنا
رنا : محمددد ياحيوانننن
حاوط محمد خصرها: لبيه عيون محمد الحيوان
رنا :دخل الطحين بعيني
محمد: طيب اشوف
غمضت رنا عيونها وقربت من محمد عشان يوخر الطحين فجاة صارت هدوء تام يوم باس محمد رنا علئ عيونها
رنا تجمدت
طالعها محمد وضحك: وش فيتس كذا مصدومه
رنا : انت وش سويت ياخبل اقولك وخر الطحين عن عيوني تجي تبوسني
محمد: وش اسوي طيب خقيت
رنا ابتسمت
رنا: ترا بكره عندي دوام اجازتي خلصت
محمد: طيب يامحققه
اليوم الثاني:-
قامت رنا وتجهزت ولبست لبسها
محمد: اوف شكلك حلو اقولك منتي خايفه
رنا: من وش
محمد: ان بتدخلي مسرح الجريمه وكذا وبتحققي مع المجرم
رنا : لا طبعا
محمد: تزوجت وحده قويه بس اغار عليتس من المجرم لازم يكون حد معكم او الباب مفتوح اخاف عليتس
رنا : طيب من عيوني يالعسكري اخلص تاخرت تراك
محمد نزل : طيب طيب
عند ريوف ورعد:-
رعد: خلصتي يادكتوره ؟!
ريوف : اي خلصت يا ضابط.
رعد : يلا عشان اوصلك
ريوف : يلا خلصت
وصلها رعد المستشفى ودخلت
ريوف؛ سلام عليكم
اسيل: اهلا بك ريوف اشبك كذا مستعجله
ريوف: لا مو مستعجله
اسيل : على العموم الدكتوره هنا تبغاك ادخلي عندها
ريوف دخلت عند الدكتوره
ريوف: هلا
الدكتوره : عندنا حاله خطره لطفله أختنقت بالمفتاح
ريوف : طيب بسم الله عليها
ركضت ريوف لغرفه العمليات وبدأت محاولاتها
طبعا الطفله شبه ميته هنا ريوف فقدت الامل ان تعيش بس تذكرت بنتها العنود وتخيلت ان العنود مكان البنت على طول رجعت لوعيها وسوت العمليه وضبطت الحمدلله
ام الطفله : مشكوره صدقيني معرف كيف اشكرك
ريوف: ولو هذي بحسبه بنتي
عند رنا :-
العسكري: من هنا لوسمحتي دخلت رنا لغرفه
بدت تشوف بصمات المجرم
رنا : لو سمحت
العسكري: تفضلي
رنا : من هم المتهمين
العسكري : بالغرفه رقم 5
رنا : جيب لي بصماتهم لو سمحت
العسكري: طيب
بعد شوي دخل العسكري ومعه بصمات الكل
رنا: شكرا
وبدت تشوف اذا البصمات متطابقه
رنا : فين المتهم . فلان بن فلان الفلاني
العسكري: احطه بالغرفه لوحده
رنا : ايوه والباقي خليهم بالغرفه الثانيه بعدين بشوف شغلي معهم
دخلت رنا عند المجرم:-
رنا : ايش السبب الدافع الي خلاك تسوي كذا
المجرم : مو انا الي ارتكبت الجريمه
رنا تخصرت: لا والله والبصمات حقتك والكاميرا يوم طلعت فيها لابس جاكيت احمر
المجرم: مو انا
رنا صرخت صرخه هزت المركز كله: اخلصصصصصصص وش السببب الدافع الي خلاك ترتكب الجريمه
المجرم: مالك شغل
رنا : لا والله
المجرم: اي والله
رنا : ترا اذا ما اعترفت بنزيد عليك سنوات زياده للحبس
المجرم: لا لا خلاص انا ارتكبت الجريمه لان..........
رنا : يالعسكري
العسكري : هلا
رنا : ودوه للمحكمه وهي تقرر كم عام بينحبس الخسيس ذا
العسكري: على امرك
في شركه كاسر/-
هيام: اقول وش رايك بذا التصميم
كاسر: من سواه
هيام: انا سويته والحين بصممه
كاسر: طيب يلا امشي عندنا اجتماع
هيام: طيب
أنت تقرأ
"علم عيونك تحط لشوفتي قيمه "
General Fictionروايه تتكلم عن رنا البنت الدلوعه الي طول عمرها عايشه بدلال وغرور لكن ينقلب كل شي لمن تتزوج غصب من ولد عمها العصبي العسكري الي ماتطيقه 📻🌷
