#نَاب_الأفعُوان
الكاتِبة راعـوث الأسـد
الحَلقة الثالثـة🪝
- حقيقيـَة عُراقـية
Wattpad:-Ruth_Jewels5
Instagram:-Ruth_Jewels5
..
البدايـة..
" والأن سَترون العالم علَى حقيقتة "
..
_ مناجـل
أيام أني چنت أفز علَى صوت صريخ ومن أرفع راسي أشوف خواتي يرتاح گلبي بَس فجاة يچي ببالي أخوي أفز خايفـة واركض للطابق الثالث اتأكد مِن وجوده يرتاح گلبي وأنام مرتاحة بَس بـ هَذا اليوم كُل شيء أختلف
فَزيت علَى صوت صرخة وگفت أتلفت أنَاظر السرير مُهِيرة وأستدرتُ أناظر السرير العِكْرِشة وگف گلبِي مِن ما شفتها ركضت أنزل الدرج الصَالة فارغة مَحد بيهَا ركضت أفتح الأبواب مَاكو أحد ، طلعت للحديقة أشوف وعسَاني لا شفت الكارثـه إللي راح تهدم كُل شيء
رَكضتُ أصرخ بـِ فزع وهِيَ تُرش البانزين عليّ وَتصيح :- الأيد الأخذت روح أبويَا رَاح أحرقهَا وأحرق صاحبهَا
للحظات قليلة وَرفعت الجدَاحة عليّ جحضت عِيوني وَ وَكعتُ علَى الأرض حيلي مَهدود أصيح بـِ فَزع :- لچ عِكْرِشة أوگفي واللّٰه يگتلوچ !!
العِكْرِشة :- واللّٰه اليوم أخذ روحو ومحد يوقف بعيني حتَى أنتِ يا مناجل
بچيت أصيح بصوت عالي :- واللّٰه أصيح الأدعج واللّٰه
دارت وجهَا بـِ عَدم أهتمَام وَقبل لا تشمر الجداحة صرخت صوت مَزق أحبالي الصوتية :- عـــــون إلحــك
للحظات بَس وَشمرت الجداحة عليّ ، فرفحت روحِي إلطم على راسي واصيح بـ أسم "عــــون" عمي يصرخ صوت يفزز الميتين فرفحت روحة بالصياح يركض والنار مِن راسة الرجلي ، بچيت بصوت عالي مِن شفت الأدعج يركض بيده بطانية لف عمي بيها يطفي النار مُهِيرة طلعت متخبلة تركض مصدومة مِن إللي صار ، عمي طاح بالگاع ما يتحرك الأدعج وگع على رگباتة مبحلق عيونـة علَى العِكْرِشة الواكفة تناظر الكرسي إللي چان عمي گاعد علِي
أنضرب الباب أسمع صوت صياح الجيران ، ركضت ساحبة حجاب طالعة أفتح الباب ، شفت زلم هواية يسألون على صوت الصياح وشنو السبب و أني أكتفيت بكلمات "عمي أحترك" صاحوا فتحي طريق!!
ركضت ساحبة مُهِيرة والأدعج وكفت يرجف عيونـة على العِكْرِشة ، سحبها دافعها للصالة طالع للحديقة تقربت أشوفهم يشيلون عمي ماخذينة والأدعج رجع للبيت عيونـة حمر بجيت على حالـة فرفحت روحي بسببها ليش هيچ سوت على شنو ناوية !!
دفعتها أصيح مفرفحة :- مسودنه حرگتي خالچ بيدچ لو رجعو محد يخلصچ منهم يا مخبلة
دارت وجهَا الباب الحديقة تشوف الأدعج واگف يناظر للكرسي مصدوم! دارت وجها تناظر إلي هزت راسها بدون ما تنطق حرف طلعت للغرفة سدت الباب حيل أسمع صوتها تصرخ مِن أعماق گلبها بچيت على بچيها وصياحها الـ چان يبچي الحجر !! سمعت صوت خطوت أشوف الأدعج يناظرني عيونـة دم صعد للطابق الثالث صعدت واكفة بين الدرج مالتهم أسمع صياحهم وبچيهم ركضت أضرب باب غرفة الأدعج أصيح :- أفتح الباب عليك اللّٰه أفتح الباب
أنت تقرأ
نَاب الأفعُوان
Bí ẩn / Giật gânحقيقيـَة عُراقـية في غَيهَبـان السُجَون أَنعتـقَ منهُ ذلك المَبهـوم طورًا يكـون كالدفْن المطمور وفي طورًا كالفْدم المسحور :هوَّ عكازة العجوز مَكَّار يلعب لُعبـة المُحتال ; في حين اصحى من نَاجِع سفاح وفي حين مُختل سفاك لهُ لُعبة الدوار يُبهم لها...
